Day3:2023年12月25日 星期一
地點:中國 重慶
往宿:小淏酒店(重慶解放碑步行街洪崖洞店)
今日 本身打算10點半左右出門,最後11點左右出發。
首先去山城步道,所以直接坐輕軌去七星崗站。
之後打開小紅書,跟住 之前bookmark jor 既post d 相片指示行。
HAHAHA
行左一小段路,
見到一排黃葉,於是係度玩左15分鐘有多 XDD
之後經過城牆。
城牆基本上圍住重慶既 渝中區,有好多個入口。
我地穿過城牆入去。
地下都好有特色。
目的地依然係 山城步道。
我地係由領事巷作為入口,由上而下行。
見到領事巷喇。
沿住 領事巷 行,一直都會有路牌。
呢條路上本地人比較多。
一路行,一路諗食咩好,
本身諗住山城步道會有好多食店,所以SKIP左呢條路既餐館。omggg
終於到左入口,如果只係計行,唔計中途停低影相同玩,
由 七星崗 輕軌站出口,到呢度大約15-20分鐘左右。
入口呢度裝修中。
穿過裝修緊既幾間屋,就已經係山城步道既範圍喇。
有曬太陽的貓。
有小店。
呢度轉入去,有關廢校,
有d食店、小攤,有圍爐煮茶 etc。
係呢度搵下有無咩食,
不過未有岩心水,只係買左dd小食邊行邊食。
因為呢度分叉路比較多,所以想自己探下路,
就離左隊一陣周圍走下。
山城步道有一段係山崖邊既步道,仲有可以登樓既樓梯,
於是就走左上去睇。
落番去行,呢度好舒服。
好舒服!!
天氣好望咩都覺得靚,哈哈。
呢度每轉一個角,都會有唔同既巷仔。
然後發掘唔同既野。
呢個位又係另一個角度。
係第3步道 穿下巷,周圍行下之後,
就返返去JOIN番大隊。
然後家人請禾食冰糖葫蘆 HAPPY~
之後去左個 山城步道故事館,
望下呢度既歷史故事。
呢度有重慶方言既燈籠。
有家人們表示肚餓了,
然後好快地走落山企係度等我地落山。
然後好快地走落山企係度等我地落山。
我地見其實都差唔多行完,於是就一齊去集合喇。
由山城步道行去十八梯,要行15分鐘左右,
途中經過餐館,就入去食野喇。
重慶酸辣粉、重慶小麵,哈哈,
第一餐就好重口味 XDXD
不過我地都係叫微辣喇。
再加個冰粉。
再叫杯野飲,一口酸奶牛。
牛油果 related 既野飲都超正~~~
食到好飽,呢個時候都3點幾,慢慢行去十八梯。
十八梯近年翻新過,以前睇相比較有老重慶既味道,
依家有少少似無中生有個類既老街feel,嗚嗚嗚。
中間有個水池(唔算池),可以玩下水,
玩水區域成地都係水haha。
我地首先去左十八梯既防空洞地道,全個重慶其實都有好多防空洞,
十八梯呢一個防空洞入面係一個展覽,
有講下重慶、防空洞等等既歷史、因為唔影得相,所以就無貼喇。
之後我地行左去客棧區。
靜靜地,幾好。
之後落番主要街道。
範圍都唔算細,不過因為頭先行完山城步道,
d店既模式 或者 類別都係差唔多。
其中2位家人有dd累,就步行返酒店hea下先,
我地繼續行行食食。
買左幾串冰糖葫蘆,好甜, 甜到咳 XDDD
由十八梯上面望落黎。
我地簡左行樓梯上,
後來發現有電梯 OMGGGGGG
呢個時候,酒店hea既2位家人打算出黎玩喇,
我地就不同地點出發,向白象居進發喇。
穿過十八梯,打算經 白象街 去 白象居。
見到輕軌站起緊,唔知幾時通車,
依家呢條路未有輕軌,嗚嗚,我地唯有行路,嗚嗚。
中間會經過 凱旋路垂直電梯,唔記得係$1定$2,
不過其實向前再行一條之字路就到,所以就無搭。
行之字路期間,都會經過一個防空洞,
好似係防空洞火鍋店黎。
終於到左白象街喇,比想象中遠。
可能因為未有輕軌到,所以條街無咩店開、同時都極少人係度。
其實呢度影相應該幾正,不過因為 酒店休息白象居團員 已到白象居,
所以我地好快穿過白象街,向白象居進發。
雖然個名好似,但佢地其實唔太近,所以都要行15mins。
大約六點左右黎到白象居附近。
既然黎到附近,
當然就見到長江索道喇!!忍唔住影一影先!!
話說本身話呢幾日維修,後尾提早開返,
所以就諗緊聽日去坐下喇。
好靚呀。
白象居既角度好正。
不過白象居其實係民居黎,
我地只係有賣小食個層既走廊行到尾去影,
希望唔會太打擾到居民喇。
係度玩左半粒鐘有多,哈哈。
望過去對面樓,投影我地既影子。
下一站我地會去洪崖洞,同樣因為無輕軌,
有諗過坐的士定係行,有d分歧。
因為前幾日都無坐的士,
平時我地又比較少係大陸call車,
所以 '的士 方' 研究需時。
大概研究到之後,因為路程得番9分鐘,
好似等車到、車程、到落車位比較塞 既情況下,
行都係差唔多時間,最後大家都係全程行 。
我地經過小什字,到左洪崖洞上方。
由 11/F 落到 地面,經過好多層電梯。
其實想花d時間係入面玩下,
但大隊似乎話想落到最底去影洪崖洞,
所以就好快咁樣一路落。
呢個位好正。
另外臨落到地面有個園林瀑布洞都幾靚,
但光線唔夠就無影喇。
原來影左好少相,我地落到地面,
分成3個2人小隊去影相。
我地經過天橋,去左馬路對面。
另一個角度睇洪崖洞。
係度影左應該有點幾鐘,碼頭個邊會有人問遊船。
同時,呢度勁多人拎住ipad問: "美女拍照嗎?"
由於太煩,後來再集合之後,
我地有團員做左個 "遊玩完畢" 既圖片,
放係電話個MON,一有人問就SHOW出黎 hahah
然後有個好好笑,話: "遊玩完畢就對啦,那就可以拍照啦!"
我地: "?!?!?!?!"
---
本身話影完會入洪崖洞行下,
但由於頭先落黎既時候,大家好似見人流比較多、
店又係差唔多呢d,好似無咩意慾再入番去睇咁。
嗚嗚,早知頭先唔落咁多,我都未好睇完。
今次唔坐電梯穿過人群,
直接係1/F搭lift直上11/F。
佢有1部貨lift、2部客lift,
貨lift一部出d,好多人排,好慢。
入少少張2部客lift,就快好多。
離開左洪崖洞,係途中既 周師兄火鍋 度再打邊爐。
今次係3款湯底。
今次既款式無上次咁多,飲品都無上次豐富,
但整體都好唔錯!
繼續食食食食。
有擺盤 哈哈哈哈。
食完野返去,又係酒店煲劇啦 哈哈。
- Day 3 完 -
沒有留言:
發佈留言