Day3：2023年12月27日 星期三
地點：中國 重慶
往宿：-
今日係4人小隊既重慶之旅最後一日。
10點幾起身，checkout之後寄存行李。
然後寄下明信片。
係解放碑附近食左個早午餐。
今次係酸菜魚。
好味。
之後我地去魁星樓，即係22/F = 1/F既建築。
都係臨江門站附近。
我地住個度係一個出口，魁星樓係另一個其中一個出口。
一出轉上去就到。
呢度其實係某座大廈既天台，連接住另1棟樓既22樓。
點解會變左一個景點呢？
因為當你平地行完，發現原來你其實係天台時，
會更加feel到呢個 "山城" 既形容。
諗緊香港既UST，你係學術大樓坐lift，由7樓落到G。
然後經過一條橋，再去搭lift，發現你係11樓。
於是就係11樓再落G樓。
然後你再過一條橋，又會再發現，
黎緊條路，你仲有無數個G樓可以落。
好，呢個係魁星樓。
穿過一個大廣場，去到廣場既邊緣。
一望，
發現呢個大廣場，其實有部份係山下某座建築既天台。
頭先既1F，變成呢度標既22F。
過橋，回望番。
無錯了，真係天台建築物。
多角度望一望。
無錯，大約就係咁。
你可以搭lift落1/F，之後繼續落山。
又或者好似我地咁，回頭返返去解放碑步行街附近。
今日係最後一日，休休閒閒咁樣過。
黎就 戴家巷山崖步道。
呢度係 唔經洪崖洞 落山 既方法。
其實就係洪崖洞既隔離。
勇敢的人。
呢度係行左一半既景。
望過去洪崖洞。
戴家巷山崖步道附近仲有d小店，有野食/有手信買。
好喇，heahea地行完就又去番解放碑步行街。
呢個雪糕好有重慶feel，不過無買 hahahha
見到有 朱古力雞蛋仔，$12，就買黎食喇，正。
之後去左附近商場買左杯喜茶，然後去超市最後掃下貨。
我地大約7點半機，
由重慶返深圳，之後再深圳返香港。
於是，再行多陣，5點左右 就要上去拎番行李，
準備去機場喇。
- Day 5 Part 1 完 -
沒有留言:
發佈留言