Day9：2023年12月08日 星期五
地點：葡萄牙 里斯本 (上下城區、貝倫區 Santa Maria de Belém)
往宿：HF 菲尼克斯音樂酒店 HF Fénix Music
黎到 葡萄牙 里斯本 已經係第三日，
終於開展第一日既里斯本市內遊。
---
里斯本Lisbon係一個山城，又叫做七丘之城。
話說唔少人去葡萄牙都話唔好去里斯本啦，
去下其他海邊城市/海邊小鎮喇，里斯本無野玩架。
但係我發覺留兩日四晚左右係里斯本其實都唔算好夠，
三纜一梯、Tram 15去貝倫區。
如果heahea地既話，就算係度留3日左右都可以日日有野玩。
---
雖然琴日係Sintra+Cabo da Roca既天氣唔好，
但今朝一起身，好好天，即刻醒晒。
落樓下又食個酒店早餐，急不及待想出去玩。
影下d裝飾。去睇纜車 Elevador do Lavra。
因為纜車就黎開，所以好多人係站口。
我地沿住纜車路行上去。
呢度係中途。
纜車上山了！！呢個時候有太陽光了！！
兩車相遇點！
兩架都係 Elevador do Lavra，只係每次都會一來一回。
上山之後轉彎。
呢架纜車既路線就係短短的。
上到山之後都無咩野睇。
落山之後去番頭先Rossio個邊個架，
Glória Funicular。
繼續上定山先。
呢度條路長d。
牆身加埋纜車就好正。
---
題外話：
比卡升降機 (Ascensor da Bica) 係呢一段時間維修緊，
佢係三纜之中算係最熱門既纜車，因為佢落山前面係對住海，
好可惜今次坐唔到+影唔到呢段喇~~
---
上山上山上山上山。
上到山上面，見到電車路線。
山城除左纜車之外，仲有電車路線。
我地就係山城度一直閒遊。
黎到 賈梅士前地 Praça de Luís de Camões。
基本上就係高度與28號電車重合既路線。
再加上市中心、舊城區等等既亂遊遊遊。
本身諗住因為山城，係咁上落山，所以覺得有d累累地咁。
(後來先知應該係因為病左 嗚嗚嗚)
所以又好少影相，周圍咁行下咁。
好彩同行幫我影左好多相，
不過好後期我先放同行d相入電腦，所以無貼出黎喇。
好多電車。
行既線路都唔太一樣。
佢地轉線時，
電車司機要落車伸支棍落路軌度人手轉軌，好復古！！
---
題外話：
p.s. 當然呢度除左復古電車，都有現代化既電車，
係另一條線、個隻就有冷氣的，一陣會坐。
---
行過一條路，發現自己原來係天橋上面。
向下望落呢個位好靚。
繼續影下復古電車。
今日閒閒閒閒閒行行，聽日會遊車河！！
影唔停 XDDDDDDD
不過講起，呢度空氣真係非一般既差 =V=
可能因為車既廢氣太多，OMGGGGGGGG
行完山城既山丘們之後，我地落左去近海邊既地面。
入左time out market，睇下有無咩食。
好熱鬧。
呢度有免費toilet，人都唔多，有得去好去喇！！
行去time out market之後，
去Jardim Dom Luis附近，繼續係度周圍行。
好好太陽，又精神晒，
今次係現代化電車15號。
同樣15號，都有復古版電車。
想坐邊架去貝倫區，任君選擇。
我地黎緊打算買24h通票，會包晒lisbon所有既地鐵、電車、etc。
因為聽日去機場個程係4點幾，所以我地打算4點幾5點先買張票，
就可以聽日去機場時用埋。
於是呢個時候，呢個時候大約3點幾，未諗住買票住，
再遲dd先去貝倫區，順便係個邊等黃昏。
但就係呢度既火車+地鐵站附近逛逛。
呢個角度好靚呀。
之後去左 Praça do Comércio 一帶。
個天又唔靚了，人又開始無咁精神。
直接係度heaheaheahea。
heaheaheaheahea。
heaheaheahea。
呢度有d人係度表演下咁。
臨近x mas又有d氣氛。
hea完之後，穿過 奧古斯塔街拱門 Arco da Rua Augusta，
黎到 R. Augusta。
其他位置都無咁覺，但係呢個位係最有澳門feel XD
尤其左邊既建築物、同埋地下既磚既鋪法同埋顏色。
因為澳門尤其係 議事亭前地 至 大三巴 個一part，
大部份都保留左葡萄牙當年既建築特色。XD
繼續行。
本身諗住去"三纜一梯"既"一梯"望下，
見到關於以巴related既遊行。
所以就無去梯個邊再望lu。
去左附近既地鐵站，買左2張24h pass。
買既係每人6.6歐 1 day ticket Carris/Metro network (24h)：
24小時交通券(Zone 1)。
開始可以..........
瘋！狂！坐！纜！車！地！鐵！E！T！C！了！！
由於都五點左右，要出發去貝倫區了。
於是落番去 Cais Sodré 個一邊，即係海邊火車站前既電車站。
一架又一架既電車經過。
終於見到現代化15號電車，人都幾多，
但都算搵到一個位坐下，同行就要企了。
用張交通PASS一拍一拍就出發。
大約30mins，到左 貝倫區Belem 就落車喇。
貝倫區都有有幾多野睇。
景點有：
貝倫塔 Torre de Belém、
貝倫燈塔 Farol de Belém、
發現者紀念碑 Padrão dos Descobrimentos、
帝國廣場、Jardim da Praça do Império、
熱羅尼莫斯修道院 Mosteiro dos Jerónimos、
貝倫宮 Palácio Nacional de Belém。
食既話有：
百年老店葡撻起始地
Casa Pastéis de Belém Pastéis de Belém。
等等等等。
我地時間唔多，而且唔知點解呢日時精神時眼訓，
所以簡d黎去，又或者坐得閒係凳度heahea下咁。
主要去左修道院個一帶、同埋入夜之後去食葡撻咁喇。
簡左take away。
一開始買左半打。
食完之後發覺真係幾好味。
而且 1.3歐，
對比係 Porto 個d葡撻黎講，
呢個出名、而且好味得黎、又唔貴。
之後再買多半打 HAHAHA
食食食食食食食。
當時諗仲有成袋食，
依家諗返真係後悔無係新鮮出爐後，即場食多幾隻。
好味！
入夜多左好多人坐電車返去，
因為d電車成日FULL，條隊又長，
所以諗住等到走咁一班人先等車。
就去附近行下。
有個聖誕市集仔，
仲有同左個聖誕老人合照，居然唔收錢哦。
行完市集，都過左半粒鐘多d，行遠少少既站等車不果，
又走番去本身個站等車。
等等等，終於上到車，返到去了 HAHAH
返到主城區，當然就開始去夜遊喇！！！
手持交通PASS，可以瘋狂上電車纜車，人都精神d。
有pass第一時間，上電車。
happy happy happy！
依然是 Glória Funicular！
happy happy happy！
夜晚又唔同feel。
happy happy happy！
黎到 阿爾坎塔拉聖伯多祿花園 Miradouro de São Pedro de Alcântara。
夜景。
好得意既樹。
來回3.8EUR，24h ticket包埋、任坐，
真係好抵啊。
行番去市中心。
夜晚都係勁多人。
已經十點勁夜，應該10點幾隨時11點了，
係google搵左間餐廳食dinner。
係google搵左間餐廳食dinner。
幾好味！！
但唔識睇menu(見到d名係seafood XXX同seafood YYY)
本身想叫葡萄牙海鮮燉飯.... (似係粥咁)
結果原來叫左西班牙海鮮炒飯...... (飯)
依然後幾咸下....
食完出番去，步行返酒店樓下。
我地酒店望出去係x'mas market，日日經過都無入去行，
呢個時候已經 0:00 左右，依然有唔少人，於是我地又行下。
入口。
一個公園，兩條街，每條街兩邊都有攤位咁。
來來回回咁行下望下，行到大約一點，就返對面酒店訓lu。
- Day 9 完 -
沒有留言:
發佈留言