Day2：2023年12月01日 星期五
地點：西班牙 巴塞羅那 奎爾公園 Park Güell
住宿：巴塞羅那 - 梅特卡拉客房酒店 (Room Mate Carla)
由酒店黎到呢度，大約行20-30mins，最後一小段係上斜。
黎到 奎爾公園 Park Güell (其實最搶眼既呢個位係出口黎)。
兜去右邊，繼續行先係真正既入口。
我地預早一星期左右就上官網BOOK左 15:00 - 15:30 左右入場，
不過其實遲到少少都無咩所謂。
淡季可以直接係現場買到即日票，而且可以有實體票做紀念！！！
只係安心起見，一早買左飛，只能PRINT出黎就當係入場券 T___T
我地用官網買左單，SHOW番上面 既 QR CODE 比工作人員SCAN，
就入園開始左我地既行山之旅。
無錯，其實成個 奎爾公園就係依山而建既公園。
可能因為呢日天氣一般般，所以無個種比陽光打落去公園既見到個種感覺。
加上都幾大風，間唔中會吹起風沙，所以體驗感都麻麻地。
但係作為落機呢一日既活動，係幾舒服的。
上到山上面，可以望到成個巴塞既市區。
仲有不得不提，仍然在建中既聖家堂。
好突出！！！
山上面有表演者。
民居密密麻麻。
公園範圍好大、可以行就一個山頭，回望另一個山頭，
都依然係公園既範圍、見到佢既建築物。
公園有好多出入口，而且入夜之後，
工作人員一走，其他出入口就無人睇住，感覺係一入夜隨時都可以入黎咁。(不確定)
但聽講當地居然係一向都可以日出前、日落後自由進出？
山上面既特色建築比較少，其實都係集中係出口個一帶。
上山都係為左可以遙望聖家堂個邊。
我地大約行左個幾鐘之後，就開始向番出口方向進發。
呢一帶先係最多 高第 (安東尼·高第 Antoni Gaudí) 建築 既範圍。
高第建築可以咁出名，除左本身設計美學之外，
其實都係因為加入左好多唔同方面既功能。
呢度留意得最多既就係佢既疏水系統，
水向低流，呢度好多都做左唔少呢種疏道雨水既系統。
假如係大雨天既話，
呢個位置流出去既出水口，再匯集到某個位，
形成瀑布，由動物既口噴出黎。
之後到左下面既時候再講下。
題外話，之後既巴特羅之家有玻璃工藝、風向力學之類。
都係建築設計入面，美學之外，要著重既野黎。
出水口其實係座椅，
座椅都係外高內低，方便d水向出水口流動，
而且坐既人都會舒服d。
地下其實係沙地黎，方便水可以流出。
不過呢個位做沙地有個壞處，
就係呢日因為有d大風，經常每幾分鐘，
就會有一個位吹起沙粒，每次位置唔同，
好似突發性細範圍沙塵暴咁 HAHAHA
所以真係要小心。
除此之外，都做左疏水既渠口。
以前設計時應該唔係呢種鐵黎，
不過應該係依家既人改左做呢種喇。
頭先講，凳個邊既出水口，
會流出去呢條集水既「河流」入面，
之後會再集中流到某一處再瀉落去。
睇完平台呢一層，我地就行樓梯向落。
回望番後面，就係咁樣。
平台落到去，望一望頭先集水既「河流」，
佢既下面係「動物既口」，水就係集中係呢度流出。
如果落雨，呢度就係「瀑布」喇。
行係呢個建築物下面。
向上面天花板望。
唔知睇到呢度，有無留意到。
只要係曲面既位，高第都會用碎片 係表面 貼片。
除左呢度，巴特羅同聖家堂都會見到有呢種形式出現的。
繼續行行行，相好似影得唔多，但其實已經都行左3個鐘。
都差唔多到左出口喇。
出面呢邊有個水池仔。
都係個幾得意既水池。
望番呢度，最上面其實就係剛才個平台喇。
樓梯兩邊既牆身就係咁既。
見到有人排隊，入去糖果屋入面參觀，
我地都走左去排喇。
呢個時間都幾大風，而且都開始入夜，
有d凍凍地了。
排左十零分鐘就入得去喇。
與其話入去參觀，其實不如話避下冷風，哈哈。
糖果屋入面有講下呢個公園既歷史，
邊行邊睇。
係入面留到magic hour，
之後係糖果屋既窗邊望番出去。
呢度就係頭先講起，接近出口位置既全貌喇。
越黎越夜，完全入黑之後，
我地就係山腰既位，坐巴士離開。
巴士估計其實都係zone1的，
但我地上車既時候detect時話有問題，
後尾先知原來張卡因為係 紙質+magnetic strip，
所以摺左/屈左張紙既話，就會壞左。
(2024年開始已經唔係呢隻, 所以應該無呢件事了)
題外話 (遲d會講番):
我地之後去番metro個邊搵職員解決，
搞左一輪之後，職員去部自助機度處理，再比過張新既我地。
搞左一輪之後，職員去部自助機度處理，再比過張新既我地。
呢一晚又係參觀完，巴士返到酒店，
整理下之後，又再出門。
市內夜遊，正式開始喇！
- Day 2 Part 2 完 -
沒有留言:
發佈留言