地點：策馬特 (Zermatt)
住宿：Alpine Budget Rooms by Täscherhof, Täsch
雖然Tasch去Zermatt每4個字就有班Tram，
但唔知點解每次都撞岩時間係上 30min / 1h 先一班既火車。
路線一樣，電車車程約15min，火車係 9min。
不過係 Zermatt -> Tasch 時，感覺坐Tram安全d，
因為就算發緊夢都唔會坐過龍 XD
望住前方，諗下幾時會見到Matterhorn，
唔知到時有咩反應呢。
開始繼續上山。
雖然7點幾，但仲係天光光。
無幾耐，列車就到了策馬特 Zermatt，
抬頭一望！已經見到被CUT既Matterhorn！！
準備落車，睇黎係無比雲阻住呀。
Zermatt 好多木屋。
有全景列車。
有單車車卡。
另一個月台係電車月台，來往 Tasch同Zermatt。
Zermatt係一個唔比汽車入既城市，所以市內會有細細架的士仔。
旅行團都要坐火車先黎到，然後一車車咁載返酒店，
而其中一兩架TAXI就會放滿佢地既行李。
一出火車站，就見到Gornergrat Bahn。
落車後加快腳步睇下有咩位置會見到Matterhorn全貌。
全貌呢d野，可遇不可求啊。
嗚呀，全頂出現，但當然未係全貌。
於是我沿住大街道跑，望極右邊都比一大排三層高既木屋擋住，
大街都比較窄，所以係唔會睇到Matterhorn架。
終於黎到一個大d既廣場，原來 Matterhorn Museum就係呢度。
終於見到望到下。
但當然都未夠，於是放慢腳步望下周圍，
見到有堆人影相喎，於是過去望望。
哦！原來係呢度！
等我又影張先！！
雖然都叫做睇唔晒，所係已經睇到好多。
因為呢個位望落都叫藍同少雲，但其實除左呢個位，
周圍都好黑好厚雲。
呢個時候，
心入面其實都有80%覺得聽日會只係見到半個Matterhorn，
但同自己講，少女峰地區咁Perfect，
呢個世界無得所有野都Perfect架。
所以都唔會太過強求聽日要好天，
或者只係為左等自己聽日唔好太失望掛！
但心入面當然都希望可以好天啦，
只係，已經見到朱古力山，呢一晚已經好開心啦！
佢真係好大舊，好似一舊大朱古力，
好似可以拔出來，好脆口咁樣QUARK QUARK聲咬落去。
睇左陣，影左陣相之後，就周圍行下，
順便探埋聽日既路。
呢度都唔少酒吧，係度播緊世界杯。
於是我地都停低望一望。
睇左十幾分鐘之後，就繼續行，
基本上每行幾步就有間酒吧會播緊世界杯。
呢個季節真係完美，有花有草有雪有冰川有湖。
就咁睇呢個位，呢段時間的確係唔好天，
所以本來都對聽日天氣有點負面預測。
瑞士d天稱成日放係d唔適當既地方，
如果酒店向呢個方向，想影相點知有支天稱係度，
應該會講粗口 XD
好鐘意瑞士d人好有生活態度，種花花。
周圍行。
瑞士d路牌又係好正，完全為健行人士 / 單車人士著想。
近火車站有Campsite呀！
點解可以咁爽架？？我都想Camping呀！
沿住Gornergrat Bahn條上山火車軌行。
係雙齒軌鐵道。
呢個位，都睇到全貌呀。
而且日落時份，出現少少金邊。
現在時間係晚上9點4，好得意呢度既鐘。
呢個時候，最岩係望一望個其實上網都睇過既時間表，
聽日係7月1號，岩岩好係Summer TimeTable既第1 / 2日呀。
係呀，我係專登將Zermatt放係7月架，
邊個叫Summer TimeTable先開晒d吊車線、纜車線咩。
入去望望，一見到長長隧道個心有dd離一離，唔知點解會咁XD
聽朝就會黎呢度上車啦。
同行亦都係呢度門口度一度個位，
因為呢度出口有火車橋，可以同時影到Matterhorn、火車經過條橋、流水河。
你話係咪其實同行先係真鐵膠呢！ B-)
出番去，開始天黑，d店就開燈了。
有d聖誕 feel 啊~
結果又係大街，其中一間餐廳附近睇波，
完場之後就去隔離開到11pm既M記，簡左個餐。
今次叫Big Tasty (12.9CHF)黎食，不過試完覺得CBO好食d！
拎住外賣袋上火車，係火車japjapjap薯條同可樂。
薯條梗係襯熱食，可樂梗係襯凍飲！！！
又係大約9分鐘時間，火車到達Tasch。
當然就已經天黑了。
敷張保濕MASK幫塊曬傷既面降溫，然後好好期待明天吧！
- Day 5 Part 3 完 -
