地點：少女峰地區 (The First, Grindelwald)
住宿：Alpine Budget Rooms by Täscherhof, Täsch
雖然本身打算今日都係同琴日差唔多時間起身，
但結果都係懶床懶左一段時間先落樓食早餐。
望一望出窗，朝早依然係超好天啊，
個景又係超正。
懶床後，執好行裝然後去食早餐。
早餐同琴日一樣，有各種ham、cheese、烚蛋、白飯、脆片、水果，
飲品方面有熱奶、凍奶、咖啡、朱古力、阿華田等等。
之後返房，因為同時都要check out 啦，所以影下支靚靚鎖匙先。
然後就Keep Luggage，
係酒店入面買The First既纜車來回票 (不包任何活動 e.g. ZipLine、Cycling)，
用了 Swiss Travel Pass，2人合共 60 CHF (~$480hkd)。
然後大約9點半就出門。
用了 Swiss Travel Pass，2人合共 60 CHF (~$480hkd)。
然後大約9點半就出門。
因為The First係吊車，所以Keep住有車廂，
唔洗睇SBB Mobile APP班次。
同行帶領下行捷徑，好快就由住宿個邊返上去火車站，
然後再經過商店街，向The First既吊車站進發。
經過琴日之後，今日有全面防曬……
經過琴日之後，今日有全面防曬……
因為上少女峰個日唔會經過呢條大街，
所以今日算係日光日白之下，第一次行呢條街，
加上天氣真係好好，都忍唔住「哇~~」
然後我自己幫同行講：
「你是咪心諗：乜你琴日睇完全日雪山，今日對住雪山仲有反應既」
同行表示：「咪就是 =V=」
係架，因為唔同高度睇既雪山都有唔同感覺架！！
雖然話就話食左早餐，但坐吊車之前，
當然要去買水買乾糧，因為今日既目標係行山。
無錯，又係最愛既COOP。
呢間COOP係無雞脾的，
於是我地只係買左1.5L可樂 (~1.5 CHF) 同 1.5L水 (~0.7 CHF) ，
就返上地面。
好快就行到吊車站。
大約10點零啦 ~
唔洗點排隊，只係有兩三個人係我地前面，
所以唔洗一陣就到我地上車啦啦。
好興奮，因為呢度係鐵路勁發達，好多時上山都係用齒軌鐵道，
所以黎左咁多日，都係第一次坐吊車上山咋。
越黎越高，呢程吊車要坐30分鐘。
越拉高，個景就越靚，見到既雪山都越黎越黎多。
因為唔是大直路咁上山，一轉彎就會經過一座台。
嗚呀，呢d咩景黎架，大片綠草山坡上有座大雪山，
想點呀！！超正呀！！
我地住既山下小鎮離我地越來越遠了。
好快到左中途站，但我地係上都最頂，所以唔需要落車。
望出窗，見到已經有班人落山了。
如果想 Zipline -> 卡丁車 -> 滑板車咁落山，
買套票 (單程上山、用呢d工具落山) 就可以啦 ~
亦都會有人選擇行落山，大約 2-3 個鐘左右 ~
呢幾日真係完全視覺刺激，有時真係靚到唔知講咩好。
除左真係勁靚之外，我講唔出其他野。
呀，仲有，就係個天真係好靚呀！！！
最後一個中途站，過埋之後，就係我地要落車既終點站啦。
呢度條山坡，就係有人玩ZIPLINE既地方啦。
工程吊車經過。
回望，勁大座雪山。
終於上到頂了，我地也落車了，
坐左半粒鐘，所以已經係10半左右啦。
坐左半粒鐘，所以已經係10半左右啦。
然後，我係一支箭咁樣跑左出去，然後係「哇，好靚好靚好靚」，
跟住就開始周圍跑。
黎緊既相，大家一定要深呼吸先好睇，
一路行一路心諗，痴線呢d咩景黎，真係好痴線。
比人踩得多，變黑了。
跟住就開始周圍跑。
黎緊既相，大家一定要深呼吸先好睇，
一路行一路心諗，痴線呢d咩景黎，真係好痴線。
首先係180度大雪山，呢度只係其中少少。
山下既Grindelwald。
有人玩滑翔傘，瑞士山區一帶都好多人玩，超正啊。
望過去Cliff Walk。
有張Guide講解唔同既山。
仲有呢個超正望遠鏡。
佢係會跟住你移動方向，指唔同既比你睇架，好正。
再黎張guide。
係度玩左應該有半粒鐘，之後先捨得去CliffWalk個邊。
因為山區朝早天氣好，但下午會因為太陽蒸發山頂既雪而變成雲，
有機會會阻住雪山既頂部，
於是我地都係以「朝早有得影好影左先」為前題去活動XD。
救命呀，點解可以咁正？？？？
有少少流水、瀑布。
好綠、好藍、好好天，乜都好，嗚！！！！
呀！唔識講呀！！
望邊、亂影，點都係一幅畫，呀.........！！
望一望d人行既方向，發覺我地係出口向緊入口行，所以返轉頭。
又黎番呢度。
於是乎上一上呢個自然而成既山上觀景台先。
望落去條CliffWalk吊橋，
之後就行落去入口，繼續正常方向既CliffWalk。
！！？？？比咩反應好？？！！我呆左狂笑呀！！
仲有d望遠鏡、解說之類。
就黎去到頭先折返點。
再有其他解說。
過橋。
跟住行完CliffWalk了，開始向Bachalpsee進發！！
時間係12：23！
呀……！！！
呢度好cycling-friendly，城市馬路、山區山路都會有條專登比單車行既路。
人行既路會曲折d、窄d、有樓梯，但無咁多上落。
有時會經過未完全溶化既冰川，呢個係未到盛夏時可以見到既特別景呢！
好鐘意有一舊舊雪 / 冰係綠色既山上面，好得意。
比人踩得多，變黑了。
周圍都有唔同既冰川。
仲有冰川流出黎既水，形水既水TUM。
山谷地形令呢度既冰川水溶得較慢。
救、命、呀！！
有花、有草、有流水、有雪山，仲可以點？？
嗚呀。
嗚嗚呀。
都有唔少人係度健行，
畢竟The First <-> Bachalpsee 係少女峰地區比較人氣既其中一條健行路線。
聽到「雷聲」，回頭一望，原來係山上冰川破裂，傾盤而落既聲音。
勁似瀑布，成個落冰過程大約一至兩分鐘，
係Cliff Walk上面既人應該睇得更大更清。
大約個零鐘，就見到個湖 (Bachalpsee) 啦！！！！
亦即係今次我地健行既目標！！！！
時間係13：34，所以雖然官方寫去程係50MIN，
但正常步速之下又影下少少相，都用左個零鐘 XD。
因為呢度太陽射唔到入去，所以係呢個位我就著番件外套。
之前睇其他人遊記，話個時天氣唔好，
每日都落雨落雪，搞到湖面仲有舊冰。
今日黎到一睇，好好彩d冰已經溶晒 ~ 成個湖出左黎了。
而且呢個位仲有分佈不一既冰殘留係綠草山坡上面，超型呢。
見到差唔多就到，都開始加快腳步。
其實呢度是有兩個湖的，雪山谷既水會流向另一個湖，再流落山腳。
到左之後，首先繼續再行入d同高d先。
繼續行。
就黎上斜，回望。
回望。
回望，雪山好型哦。
湖入面仲有少少未溶化既冰川。
再回望。
冰川溶化流水。
開始上斜，上高d。
周圍望。
周圍望。
周圍望。
好正 ~~
啦啦啦~
相入面影到地面好暗，但其實係因為雪山個邊太光了 ~
現場睇係光猛的 ~
水點蒸發變做白雲~~
周圍都有一片片凍土，勁型。
湖水反光。
有人落水游。
落番去，行到去頭先講既另一個湖。
呢個湖前面有舊冰川雪地，有人係上面行，於是我又行。
好彩對鞋防水.. XD 成隻鞋、成隻腳陷左入去 XD .....
呢個位好深啊。
但個景都係好正的！！！
嗚呀！！！
係度留左應該粒零鐘。
回程了，回程開始多雲。
望番頭先既路。
回程既時候，天空越黎越多雲，好好彩係朝早黎咋！
早起的鳥兒有蟲吃！！
回程係下坡路，所以行得好快，
你睇話咁快就望到CliffWalk既位置啦。
天空的確多左好多雲。
對住雪山既雲已經比較少，頭頂既雲就比較多。
不過都依然係好靚呢！！
除左打橫既相，都要睇下打直既。
係咪型到爆！！！
無錯，頭頂真係有舊大雲架。
呢堆雲，頭先去程係無的，朝早完全係一片藍。
無幾耐，就見到好近既CliffWalk了。
又黎番起點位置。
留戀住 The First 既 Panorama View ……
有無限人係度滑翔。
嗚哇哇。
靚到痴左線，行左咁耐、過左咁耐都係覺得靚到痴左線。
雲真是大大舊了，也到我地決定落山既時間。
於是望一望纜車站。
望一望個路牌。
對比下，個天真係多左超多雲，而且仲有d遮左雪山，
有d鄧依家先上山既人唔抵！！
雖然都仲係靚！！
玩Zipline既人。
拎番張飛出黎。
落山時間，15：30！同預期時間唔是爭好遠。
話說黎之前，一直唔明點解d人話grindelwald係可以stay >3日黎hea，
個時諗，除左因為好多人會為左 stay > 3日黎博一日少女峰好天之外，
其餘時間都呆等嗎？真係值得比每晚過千，再留多幾日hea嗎。
黎到之後，發現係因為，即使日日好天，
訓係草地上晒住陽光 (記得做足防曬) ， 已經可以留係度全日！！
係呢度留左2晚，感激個天咁靚咁完美，可以玩既都比我玩晒，
但係盡情hea既時間雖然有，但就比較少。
黎到瑞士，每去到一個地方，
望住咁多識hea識嘆既人，自己真係都好想懶埋一份！！
係靚景下，趴係草地睇雪山，
又或者野餐、訓覺，何其寫意！！！ T口T ！！
就黎可以上吊車啦 ~
然後就要同The First、同Grindelwald、同少女峰地區，講聲再見了。
感謝，感謝咁靚既天，萬分感謝。
你知道我幾個月前、幾個星期前、幾日前，都得閒望下天氣預報，
望下Live Cam，每次見到厚雲就會安慰自己就算到時係咁，
都總有一段時間係睇到野既 ="=
結果，黎到之後個天氣咁靚咁完美 T口T
除左瘋狂地感謝天公造美之外，我都唔知要講甚麼了。
雖然結果呢咁多日既天晴，令自己曬到腫過豬頭，
但只要有好天氣，曬腫也逐漸康復了，所有都係值得的！！！
真係好感動 T口T！6月尾可以咁靚，係幾咁難得！！
仲要係前幾日仲係多雲，後幾日都係多雲，
就係咁岩黎既呢幾日、呢個地區好天 T口T！！
嗚！！嗚！！ T口T 除左感動唔知講咩好！！
同行叫我望望吊車，本身唔知有咩特別，
但發覺原來望真d，架吊車係掛住左一架卡丁車架 ~
坐吊車落山，呢個時候落山既人比今朝上山既多少少，
同車有個德國人，我地見到架卡丁車勾住左，就笑一笑。
我地笑一笑，同車既人又笑一笑。
跟住就開始傾計。
佢話聽日去Climbing，上Eiger峰，
仲話會住係mountain house住。
最緊要係，佢話Eiger既Northface好出名，出名在於 many death。
噢噢NO。
同上The First時一樣，回程時都會有2個中途站，
首站 Zipline，第二站落車可以玩呢隻卡丁車，之後個站落就玩滑板車，
有人會選擇3種玩番，就唔洗坐吊車落山了。
落山終點站係Grindelwald，也是吊車站既位置。
呢部係機器，會將落山既卡丁車，掛係吊車度，上番山。
慢慢就落番山腳了。
落車後，就返返住宿個度拎行裝。
途中經過 夢幻遊樂場 個時好鐘意建既Golf，
原來真係咁既樣架，超得意！！！
好似呀！！好想玩！！
之後繼續穿過大街，
順帶一提，呢度既餐廳大約24CHF一碟主食。
無耐就見到火車站啦，望一望下一班車，
係12分鐘之後，於是我地就跑落山去住既位置，
同行拎住2個10KG = 20KG既行裝，再孭住重10KG既相機背囊，
跑跑跑跑跑上山，結果3分鐘跑左上平時慢行10分鐘既路。
趕到上車，之餘，仲要，有3分鐘淨！！！！！
無走車呀！！！
於是，就坐定定，休息下，等、開、車！
- Day 5 Part 1 完 -
沒有留言:
發佈留言