地點：伯恩 (Bern)
住宿：Jungfrau Lodge, Swiss Mountain Hotel, Grindewald (格林德瓦)
由 Sargans 經 Zurich HB 轉車，
全程大約個半鐘車程，就黎到 Bern了。
雖然Zurich上車時人係比較多，但都依然有位坐 ~
所以雙層既火車的確真係正呢。
好多人係度踩單車，
其實基本上瑞士度度都好多人踩。
不過踩車真係好貴啊，
唔係既話，係呢度踩車真係好爽啊。
不過今日呢度無熊。
於是係另一個可以落既地方 (唔係呢個熊既居住地，係另一邊的) ，
行左落個圈圈度，行左陣。
行完就兜左去隔離條河上既一條橋度影下相，
呢度係頭先路面電車有經過架，個人認為係 Bern 最靚既位置之一，
因為條河真係好靚，彎彎曲曲而且好闊。
好唔捨得呢個城市呀！
係呢度，就等待住去 Grindelwald既火車！ : )
好期待！！
全程大約個半鐘車程，就黎到 Bern了。
雖然Zurich上車時人係比較多，但都依然有位坐 ~
所以雙層既火車的確真係正呢。
話說我一直都以為伯恩(Bern)係瑞士首都，因為一直以來都係咁聽到。
尤其係講好多人認錯國家首都既時候，
糾正都會話瑞士首都係伯恩(Bern)，唔係蘇黎世(Zurich)或者日內瓦(Geneva)呀。
但後來睇番，話係法律上，瑞士其實無真正既首都，
因為瑞士係聯邦國家，聯邦法律係無制定首都係邊度的。
就好似日本首都唔係東京，
被認為係首都只係因為日本天皇所居地係東京，
但事實上，法律無列明東京係日本首都咁。
但事實係點其實我都唔是好清楚，
因為瑞士國家旅遊局介紹 伯恩 (Bern) 時，都話佢係瑞士既首都。
出火車站後，其實係想搵下 Locker位置。
但我地落火車個一卡，係接近Bern某個小出口，
所以我地係小出口出左之後，要係路面搵番個火車站正門係邊一度，
繼而再搵搵個 Locker 位置。
沿住火車站既邊一直行。
見到火車站門前既路面電車站。
好多路面電車，
因為火車站前，係幾乎咁多條線既必經之站黎。
好多人係度踩單車，
其實基本上瑞士度度都好多人踩。
不過踩車真係好貴啊，
唔係既話，係呢度踩車真係好爽啊。
Bern 成個城市既主街，其實都幾古老。
不過佢既火車站應該係咁多個站黎講，都算真係幾大，同埋幾現代。
有種商場既感覺。
係火車站正門搵 Locker，指示都好清楚，
但係會一路行，一路行都未到。
最後終於搵到，個Locker庫極現代化，仲勁新淨勁靚。
去個時無影相，一陣返黎拎Locker就有影，到時就會睇到相。
之後係Tourist Center拎左張地圖，
一面係古式地圖，另一面係清楚d、有交通指示既。
因為拎晒d重既野入Locker，所以好輕巧，
開始城市遊覽 。
呢個時候係 4點左右，我地大約可以行2個零鐘。
 |
| 今次主要去左既路線 |
呢個城市舊城區唔大，一條街過，
而且路面電車既班次極密，雖然都唔算「閒遊」，
但都算係夠時間既 。
當然如果有時間，慢慢行都係一個唔錯既遊覽方式，
我地今次主要都係以路面電車為主去Transit 。
過馬路。
黎到火車站前既電車站。
我地決定由遠至近咁樣玩，
所以首先會去玫瑰園個邊開始，一路玩返過黎火車站。
上左架路面電車，然後一路沿住舊城區主要街度行，
沿路電邊都係舊式既大樓。
可能因為有種中世紀既感覺，
諗起兩年前去比利時，入面最鐘意既城市根特 (Gent) 個種感覺。
Bern 雖然係 瑞士一個算係重要既城市，
但不失佢既舊式味道。
Bern 亦都係世遺既城市黎。
轉下眼，大約十零分鐘車程，
就黎到呢架電車既電車線中，最近Rose Garden (玫瑰園) 既車站。
呢個站亦都係熊公園黎。
點解會特別有熊公園呢，
首先就係 Bern 本身呢個字已經係 Bear 既意思，
而當時呢個城市落成之際，係呢度獵殺既第一種動物聽聞都是熊。
如果有留意以「馬特洪峰」為藍本既三角朱古力，
包裝上面個LOGO，除左係「馬特洪峰」之外，
佢雪山既其中一面，以雪 同 山體 、用明暗面 畫左隻 熊 出黎架！
 |
| (網上圖片) |
無錯就係咁啦。
不過今日呢度無熊。
於是係另一個可以落既地方 (唔係呢個熊既居住地，係另一邊的) ，
行左落個圈圈度，行左陣。
行完就兜左去隔離條河上既一條橋度影下相，
呢度係頭先路面電車有經過架，個人認為係 Bern 最靚既位置之一，
因為條河真係好靚，彎彎曲曲而且好闊。
Bern 其實本身係想最後個日既朝早黎，
因為火車站係西邊、玫瑰園 (上山) 係東邊。
係山上影落火車站就會係影落舊城區，
即係「東」影向「西」。
朝早唔會背光，但下晝就當然背光喇。
不過今日經過 Bern 係下晝，所以唯有背住光影 > <
雖然係咁，都無後悔呀，
因為後來我知道我最尾個日根本唔會黎到 Bern .. XD ....
而且最尾個日天氣都唔係咁好，
所以都係今日藍天既時候黎左 Bern 開心d，
最緊要係雖然影相背光，但用眼黎睇就都係咁靚，無背光呢回事！
係條橋影完之後，就以最快速度行上山。
雖然講就咁講，沿途一路行上去，
個景都好正，所以都係停左係度影相。
結果，原來只係需要8分鐘就上到山。
要注意既係，其實係有巴士上山的，
可以係熊公園站轉坐另一架車上玫瑰園。
但我地影相期間無留意有無車，所以就直接行上山喇，
估唔到都好快上到。
上到去先發覺係有巴士站，係正後面條馬路 XD
不過講起呢樣，最後落山我地都無坐巴士，
因為都好快就上到山落到山。
山上面一邊係睇番落舊城區，另一邊就係休閒既公園。
其實係呢度都留左一段時間，影左好多相。
不過因為個景主要都係由玫瑰園 (山上) 望落去舊城區，
由邊左行到右邊，影出來分別都不太大，所以我就只係貼一兩張喇 XD
但係呢度坐住睇風景好舒服呢！！
而且U字型既河好靚，如果座山再高d ，
可以親眼睇晒個U字型既河就更好喇 ！！
係山上玩完，就行番落山，
本來落山之後，打算上路面電車直入舊城區既主街行。
點知！！
架路面電車一經過條橋，可能陽光既關係，
令到條河比頭先仲更加靚，於是係自己未講既時候，
同行已經係「0口0」，然後係過完橋既站講「落車喇，行返轉頭」
我即刻話「好呀好呀」，完全同感。
睇景時有陽光，果然 .... 太厲害。
有時諗，如果呢個時候日落，應該會超級靚，
好可惜我地一陣仲有兩個半車程，今晚要去 Grindelwald 呀。
條橋，個天比起頭先更靚更藍。
條河隻色都係極正。
因為日頭太陽猛，天氣會比較熱，
於是係河度會見到唔少人游水。
係橋上面影完睇完河景之後，我地又離開條橋，
係番頭先落車既電車站等電車。
班次真係超密，兩三分鐘都唔洗就一班。
上車喇，其實真係好正，如果時間許可，
有得慢慢行都更正，其實全程行完都係30分鐘左右。
上車之後，幾分鐘就已經再落車，
黎到舊城區大街既中央部份位置。
Bern 同瑞士其他城市一樣，
都好多大小唔同既尖頂教堂、噴泉。
但呢度個d鐘真係好靚好特別！！
呢個鐘樓有兩層既鐘，以星星月亮太陽為主題。
色彩配搭都好吸引。
兩邊掛住國旗，好有瑞士味道。
係呢度一直行行行，
右邊就係唔知算唔算著名既歐洲最長有蓋商店街喇 。
距離鐘樓越黎越近！！超靚！！
忍不住每行幾步就影一次，
呢條大街本身又靚，加埋接近夕陽既陽光角度，更正。
穿過鐘樓既既另一邊，係另一面既鐘，都係好靚呢。
穿過鐘樓，咁岩又有路面電車，
所以又上了路面電車。
電車入面有人表演吉他，真係超有歐洲feel，
試下係香港電車 / 輕鐵有人一路彈吉他一路輕快咁唱歌路舞，
d人應該唔會好似呢度咁表現「 ^3^ 」既表情，
而係「 -_ -」個d樣。
又係唔洗一兩分鐘就落車，咁樣寫會唔會好似好趕咁 XD
但因為路面電車真係好密好密，
求其見到有電車返火車站，就可以即刻上，好方便 XDDDDD
咁岩見到有樂團係度表演，於是留低係度聽左陣。
唔知係咪間唔中都會有、定係有咩特別日子呢？
天空好藍，令到 Bern 加分加分。
Bern 既大街好正，中間有路面電車穿插。
每一次係呢種感覺既城市逗留既時間都唔長，
有d 可惜呢 ！
之後再上電車，今次一上，就係返返去火車站喇。
又黎番熟悉既火車站前電車站。
好唔捨得呢個城市呀！
再見了 Bern 。
之後我地去番 Locker 既地方。
一睇就知，呢度既 Locker 真係新淨、高科技同靚好多 XD
放好d野落locker之後，就呢部機mark低邊一格，
然後入錢，佢就會出張有QR code既單比你 。
keep好佢，返黎既時候，
拎番張單係呢度scan個QR code，你果一格就會開門架啦 ~
有種 data center 既 feel ... XD
好快就入番火車站，向月台進發。
亦都好快就有火車到。
下一個目的地，Interlaken OST。
沿途都係湖景，好靚 .....
坐火車既時候係度諗：
今晚就住Grindelwald，聽日如果好天就會上少女峰，
係呢個時候，有種覺得所有事都好唔真實既感覺。
真係去到？係真架？
有d不敢相信。
到 Interlaken 附近，雲層開始厚。
到左之後，周圍都係 Jungfraujoch (Top of Europe) 、
Harder Bahn (Top of Interlaken) 既 Banner。
係呢度，就等待住去 Grindelwald既火車！ : )
好期待！！
- Day 3 Part 3 完 -
沒有留言:
發佈留言