地點：列支敦士登 (Liechtenstein)
住宿：Jungfrau Lodge, Swiss Mountain Hotel, Grindewald (格林德瓦)
S12電車起點解Chur，終點站係Sargans。
上一篇講過 ，黎緊會去 列支敦士登 (Liechtenstein)。
除左比較出名係叫做郵票小國之外，
亦都係世界上僅有的兩個雙重內陸國之一 (另一個係 烏茲別克)。
雙重內陸國，意思係 包圍住呢個內陸國既國家，
都係屬於內陸國。
等到電車終於到了。
可以上車。
呢度未係郵政博物館，不過都好多幾靚既郵票買。
長條形既風景圖 ~
上車喇。
有個雕塑，錘子打斷左，
有留意開錘子係咩意思，應該明咩黎喇。
途經d民居，有花有樹，好正。
好快就經過番大街、比較熱鬧既小市集，番番 頭先上車既位置。
有d人會係中途落車，繼續上山/向其他方向玩。
上一篇講過 ，黎緊會去 列支敦士登 (Liechtenstein)。
除左比較出名係叫做郵票小國之外，
亦都係世界上僅有的兩個雙重內陸國之一 (另一個係 烏茲別克)。
雙重內陸國，意思係 包圍住呢個內陸國既國家，
都係屬於內陸國。
等到電車終於到了。
可以上車。
開門了。
好新淨。
關門然後開始行了。
大約20分鐘就到了Sargans。
到了Sargans，首先就搵左 Locker Keep d重野先。
呢度係 8 CHF ，貴過 Luzern 同 Bern！！
(仲要加多個 P.S. ：
Liechtenstein Vaduz 既 Citytrain 個邊有Locker 係1.5 CHF架!!!！)
位置就係火車站月台轉角。
回望Locker個轉角位，之後就出火車站，一出就係巴士站喇 ~
11同12E都可以入Liechtenstein既Vaduz的 ~
今次黎既12E 係比較快既線 ~
不過仲未開車，所以係附近兜下先。
呢度既風景都幾唔錯 ~
好多單車 ~
巴士開門喇 ~
因為有 Swiss Travel Pass 所以上車都係唔洗額外比錢 ~
11:28開始，由Sargans Bahnhof 開往 Vaduz Post。
碎石。
沿途個景都唔錯。
原來係一開始已經會過橋入Liechtenstein，
之後會由南至北咁去首都。
不知不覺咁就到左Liechtenstein境內。
一條大路向前行。
呢度既屋，即使係山上面，
都係好明顯地咁比起瑞士頭先Sargans個邊密好多。
仲會經歷到有車龍既情況。
不過其實都係等緊交通燈，只係越接近首都位置，
車就越黎越多了 ~
無幾耐就快到終點站喇，全程大約30分鐘。
準備落車，呢度完全無舊城區呢回事，
d屋大部份都好現代化。
落車，之後望一望街景。
大街只有一條，落車之後無乜方向去邊好。
所以首先望一望個巴士牌。
呢度既巴士唔算係極準時個d，
隨時會早兩三分鐘就開，所以唔好預太緊時間。
除左首都，
如果有時間其實可以坐巴士遊下成個國家。
原來大街一望上去就見到城堡，
聽講皇室成員間唔中會出黎睇風景，
有時仲會落大街行下，而且唔會帶住保鑣咁大陣象架。
呢條就係大街，依家人唔算太多，
話說呢度會聽到好多好多都係講廣東話，
所以應該真係黎既都主要係香港人。
大街幾個雕塑，呢個係 Periodic table 既藝術版。
唔知有咩含意既呢？
之後去到Tourist Center望望，
呢度都可以rent ebike。
呢度未係郵政博物館，不過都好多幾靚既郵票買。
長條形既風景圖 ~
有紙雕 ~ 係 12 生肖 XD
不過都幾貴。
呢 set 勁正，係 Liechtenstein 有得買世界各地既火車郵票。
仲有 Liechtenstein 既景點 ~
我地係度比左3CHF印左個入境印係 passport，
另外就係係呢度拎左地圖。
咁岩第一張地圖上面有d 用marker 畫既 marking，
mark左city train既位置，好奇之下決定一陣去下。
呢架唔知咩黎，可能係某店送貨既貨車仔。
好喇，黎到 Liechtenstein 一定要去既郵政博物館，
我用左少少時間去諗點樣入去。
因為佢個「自動門」要行到好好好好近佢先開，
搞到初初我篤極佢塊玻璃都唔開既時候，以為幾驚今日休館。
入到去要上一樓 ~
之後經過大門口就入到郵票博物館既內部 ~
呢度有一大幅郵票牆，可以拉開就見到郵票。
我無一塊塊咁打開睇，打開左幾塊，
但未搵到邊塊特別打動到我 XD
之後就買左四張 postcard 黎寄啦 ~
2CHF 一張，之後再加2 CHF 一張郵票 ~
唔知歐洲既郵票係咪都係差唔多價錢，
不過去開東南亞，郵票比較平民價所以會寄10幾張既我黎講，
今次都無寄比太多人 XD
再係度影番張。
臨走前，本來係呢度既香港人ss都走左，
所以就再影一影。
落番大街，就周圍逛逛，
再行去 City train 既位置。
首先一路穿過大街 ~
經過迴旋處，見再行都係民居就無再行前，
咁就再返返轉頭。
然後黎到 City Train 既位置啦。
其實就唔係行左好耐，
因為係晒一條街，由頭到尾唔洗10分鐘。
當然 Swiss Travel Pass 就無包喇，一個人 10.5 CHF，
其實都唔平，但佢會帶我地去埋近郊，全程30mins，
我地本身係Liechtenstein都唔會留太耐，所以就買飛上車喇 ~ 。
下一班係下晝 1 點，依家其實都下晝 12點58分 ~ XD
於是，架 City Train 其實都係後面等緊我地。
雖然係City Train，但唔係有路軌既 Train 喇 ~
只係車身比較長，有d似園區觀光車既個種 ~
呢度既Locker係1.5EUR / 2 CHF，頭先Sargarns 係 8 CHF =_=
不過念在我地一陣仲會係Liechtenstein其他地方玩，
其實就算知都 (應該) 唔會係呢度寄存喇 ~
所以無咁糾結 XDD
但個價真係爭勁遠，所以如果只係玩 Vaduz，
係絕對可以入左Liechtenstein先寄存行李架！！
上車喇。
見有兩卡係 Reserved 左比旅行團。
就係後面兩卡，聽到普通話，
就估應該係大陸既團，因為唔似係台灣。
而我地個卡，除左外國人、都有香港人 ss。
個內部係咁既。
架車一路行，會一路播 Liechtenstein 既歌。
點解會知係 Liechtenstein 歌呢？
因為只係識聽 Liechtenstein 呢個字眼，所以相信係 Liechtenstein 既歌。
今日黎到Vaduz就無乜太陽，呢個時候個雲都幾厚，
不過係幾舒服 ~
好彩本身 Vaduz, Liechtenstein 唔是太靚 XD
所以唔洗太需要陽光黎影靚相，有雲舒舒服服咁都幾好！ XD
係呢度轉左個彎。
一路行。
有個雕塑，錘子打斷左，
有留意開錘子係咩意思，應該明咩黎喇。
就開始穿過大街、向萊茵河邊進發。
一路行行行。
一路行。
途經d民居，有花有樹，好正。
之後去番馬路。
經過 萊茵公園球場 —— 即係 Liechtenstein 國家隊足球場，
呢個角度咁樣影落好似好細 XD
呢個位置望上個城堡，比起係Vaduz入面望，
個感覺比較寫意 XD。
之後繼續行。
慢慢咁由河畔上山。
黎到可以遠挑城堡側面既位置。
呢個位置，亦係對住 Red House 既位置黎。
係一個係Liechtenstein入面，比較古老既建築，
事實上佢係一個不對外開放既酒莊黎。
我地架City Train就係泊左係呢度。
係度留左一段時間，全程其實已經35分鐘了 ~
不過我地唔係好急 XD
City train 經過 呢度周圍都係既葡萄園。
再望多次個城堡，之後就落山喇。
好快就經過番大街、比較熱鬧既小市集，番番 頭先上車既位置。
有d人會係中途落車，繼續上山/向其他方向玩。
話說呢度有時會繁體字、有時會簡體字，
我會諗係咪因為外國人唔識繁簡既分別，
所以一時會譯左繁、一時會譯左簡 XD
返返Vaduz之後，我地就再次向萊茵河畔 Rhein 進發喇。
不過唔係頭先City Train向北方向既萊茵河，
而係向南慢慢行，去 瑞列邊界既古老木橋 (Alte Rheinbrücke) ~
幾舒服既環境一路行。
橙色係我地既步行路線，全程大約20分鐘。
其實有巴士可以由Vaduz直接去到 Alte Rheinbrücke，但班次比較疏。
另外亦都可以坐 11、12E ，
去到 地圖上 Bus to sargans 個位置落車 再行過去。
不過我地諗反正有時間行過去，
又唔太肯定下一班車幾時到，所以唔等了 ~
慢慢行過去 ~
呢度d水都係好清。
好快就黎到大路。
呢度既垃圾筒。
行左20分鐘，終於條橋見到喇！！
間唔中都有人行路 / 踩單車 過橋架。
越行越近，有d興奮。
其實呢個時候好大風，水流都好急，不過一入就條橋就OK喇。
一入條橋。
其實呢度都係純粹一個打卡點 XD 因為歐洲每個國家都互通，
又多三國四國交界位之類，大把類似既景點。
所以一秒跨國一d都唔特別，
就如頭先坐巴士一樣，都係一秒跨國。
不過對於瑞列交界，
因為方東昇做過世界零距離時有提及過，
所以亦都黎玩一玩喇 ~
彈出又彈入呀。
可以重溫一下：
而我想講，呢個牌真係好正，
忍唔住影左極多相~ 尤其兩個人玩真係超好玩 XD
有d似展覽咁會講下歷史。
講下條橋。
全木製。
一開始係條橋係慢行，一路見唔到個牌，所以最後跑XD
跑到正中，就見到喇 ~~~~~~~
係呢度影左極多相，不過依家SKIP晒無貼 XD
雖然唔知有咩唔捨得 XD
但可能因為真係好好玩所以有d唔捨得走 XD
當然我地唔係行返 Vaduz 喇，
而係行 10 分鐘，行到去頭先地圖寫住 Bus to sargans 個度，
今次上左 11 號巴士，
會係 Liechtenstein 南部兜多個圈先會返到瑞士 ~
好快就返返Sargans，拎埋Locker既重野。
呢個時候睇 SBB mobile app，
似乎 Zurich 同 Bern 條火車路之間，
有火車 Broken Down 所以又有d Cancellation 同 Delay，
因為睇落無琴日咁大件事要 Cancel成堆班次，
所以我地都懷住，應該無野掛既心情。
由 Chur 去 Grindelwald，中途會經過 Sargans、Zurich、Bern 同 Interlaken。
依家係下晝4點左右，位置係Sargans (即係橙線最右邊分叉位個邊)。
見仲有時間，所以黎緊會係Bern落車 (左邊寫住 Bern 果個 交叉位)，
因為Bern唔大，順路打算玩埋 Bern 先 去 Grindelwald 。
而Sargans去 Bern，要係Zurich轉車 ~
我地等既係去 Zurich火車 ， 黎緊就睇下去到 Zurich之後會點喇 ~
沿途既景都係好靚架。
而且最緊要係，一過左仲係陰天既Zurich ，個天就即刻靚晒，
所以 Bern 呢個靚城市，都係好好天既情況下遊覽 Q口Q
萬分感激！！！
- Day 3 Part 2 完 -
沒有留言:
發佈留言