地點：庫爾 (Chur)
住宿：Jungfrau Lodge, Swiss Mountain Hotel, Grindewald (格林德瓦)
今日大約九點幾起身，然後開始執好野，
因為一陣要 Checkout 住左兩晚既酒店啦 ~
對於呢間酒店既評價，
整體其實都幾舒服，係Share Bathroom既浴室太少，
兩層用一個 Bathroom ……
好彩第一晚只係需要等一個人，
第二晚唔洗等……
眼訓既時候要等人沖完涼先有得沖，
仲要唔知對方會沖幾耐個種感覺好難受！ XD
因為一陣要 Checkout 住左兩晚既酒店啦 ~
對於呢間酒店既評價，
整體其實都幾舒服，係Share Bathroom既浴室太少，
兩層用一個 Bathroom ……
好彩第一晚只係需要等一個人，
第二晚唔洗等……
眼訓既時候要等人沖完涼先有得沖，
仲要唔知對方會沖幾耐個種感覺好難受！ XD
臨走前影下呢個窗景，
睇黎今日呢度都會係好好天咁！
之後就落樓啦，呢個時候未 Checkout 的。
庫爾 (Chur) 其實應該無乜景點，
不過係酒店大堂拎左張景點地圖，就打算簡幾個去。
其實市內都唔太大，所以都唔洗點簡，可以去晒咁濟。
雖然住左兩晚，
但日光日白市內遊真係第一次。
小巷無乜人。
呢個位幾靚，而且好鐘意瑞士既城市小鎮都會種下花種下草。
好似係消防喉。
小朋友既公園仔。
小朋友既公園仔。
之後就黎到教堂，瑞士應該算係中歐？
d教堂尖尖好正 ~ d 鐘又好靚。
望望，租單車都幾貴下。。。
就算踩單車好寫意，但又點捨得踩 Q口Q
黎到比較空曠既地方。
見到路牌。
原來係Asia Food，不過相對上個價算係正常既，
只係唔知咩味道。
唔知係咪因為天氣靚，所以影乜都覺得好靚噢。
有班學生係度玩緊。
經過一個公園。
繼續亂行，同行表示好想係度訓教。
話說都行左兩粒鐘，雖然話就話今日係城市遊，
但今日既車程其實都幾長下，所以開始同同行講，不如去下個目的地嚕。
於是係不知不覺行到接近 Chur West之際，就行返返酒店啦。
行行行。
亂影地行行行。
返到黎，跟住影下呢度既鎖匙系統先。
佢係插一支輕鎖匙，就可以拎支重鎖匙出黎，
又或者插一支重鎖匙，就可以拎支輕鎖匙出黎。
輕既係出街時帶住，用黎開酒店大門既，
咁夜晚好夜都可以返到黎。
而重既就係房間鎖匙。
兩支鎖匙係唔可以同時拎出黎架 ~
一定要插左一支，另一支先拎到的。
呢個就係酒店既 Lift，出面係要手動開門，
入面個度係扇葉既自動門 ~
準備Checkout，影一影支重鎖匙先 ~
之後Checkout啦，向火車站進發。
見到賣單車，嗚呀，呢架要 479 CHF，即係大約 3 千幾啊啊啊，
對於香港黎講就好貴了，對於歐洲黎講就唔知呢？
之後黎到火車站既COOP，買左個包做早餐。
然後就上月台，準備去列支敦士登。
由瑞士去列支敦士登，有幾個站可以落車轉巴士，
而我地本身係Chur，就簡係 Sargans 落車，之後轉 去Vaduz既巴士。
順帶一提，Swiss Travel Pass 係包埋列支敦士登既巴士架 ~
由Chur 去 Sargans 可以坐火車或或者電車。
而下一班去Sargans既係電車，所以我地坐電車去。
好興奮，因為未坐過瑞士既 S-bahn ，
而呢架S-bahn仲要係電車 XD
距離下一班電車仲有10零分鐘，
於是就再去COOP買左小包 Iced Tea 飲 ~
終於，電車來了。
由瑞士去列支敦士登，有幾個站可以落車轉巴士，
而我地本身係Chur，就簡係 Sargans 落車，之後轉 去Vaduz既巴士。
順帶一提，Swiss Travel Pass 係包埋列支敦士登既巴士架 ~
由Chur 去 Sargans 可以坐火車或或者電車。
而下一班去Sargans既係電車，所以我地坐電車去。
好興奮，因為未坐過瑞士既 S-bahn ，
而呢架S-bahn仲要係電車 XD
距離下一班電車仲有10零分鐘，
於是就再去COOP買左小包 Iced Tea 飲 ~
終於，電車來了。
- Day 3 Part 1 完 -
沒有留言:
發佈留言