地點：瀑布鎮 (Lauterbrunnen)
住宿：Jungfrau Lodge, Swiss Mountain Hotel, Grindewald (格林德瓦)
繼續落山。
瀑布鎮 (Lauterbrunnen) 海拔係802m，
比我地住既 格林德瓦 (Grindelwald) 海拔 1034m 低。
火車一路落山。
黎到開始有屋仔既地方。
遠方呢個小鎮位於 Cliff 邊，係 Wengen。
火車拖尾。
穿過走廊。
離開雪山既水蒸氣雲，會遇上番藍天。
慢慢接近小鎮。
係小鎮中穿過。
終於睇到站名了。
火車停留呢個Wengen小鎮既火車站時，
向小鎮一望，睇黎係個細細地、幾有特色既地方。
如果有時間真係想落去行個圈呢。
疑似整緊路。
由 Wengen 一直落山，就會開始見到瀑布係不同角度向下瀉。
山腳下就係我地黎緊既目的地，瀑布鎮 (Lauterbrunnen) 了。
慢慢接近。
呢度比起 Grindelwald，山係比較直，多 Cliff。
如果 Grindelwald 係以女仔比較柔黎形容，
咁 Lauterbrunnen 就係男仔比較剛了？
火車內。
好好陽光。
我又跌野啦陰功，好彩係跌係背囊，返到香港搵得返。
就快到火車站，準備落車。
一到火車站，已經望到我地今次黎既heahea目的地瀑布喇。
呢度其實有超多小瀑布，但最近火車站又比較大條既，
而且係免費既，就係眼前呢一條了。
我無乜點做過 Research ， 其實有好多角度影瀑布都會幾靚，
不過我地今次係想接近瀑布，所以會向瀑布既Cliff進發。
由火車站開始行，預計大約15-20分鐘路程。
行入小鎮既大街。
一路向前。
瀑布既聲好好聽呀。
呢度租單車貴到傻了。
唯有以腳代步。
有 d 凳可以坐。
回望。
哇，好近呀。
於是我地行上去。
山腳可以免費拎行山仗，當然行完要放番好，
唔好拎走喇。
不過我地就無拎，打算就咁行，因為唔高。
一路行上山，個景又變番個時係火車上睇咁開揚。
越行越高。
陽光打落小鎮度係幾靚呢。
所以影多幾張。
呢度就係頭先火車落山既軌道啊。
之後我地要過條隧道，涼涼地。
每次行呢類長長隧道都會有d心跳加速 XD
之後就係一路沿住崖邊上。
因為有晒板有晒路，所以唔難行。
未知盡頭會係點，所以繼續行。
有時會有d水滲落黎。
瀑布聲越黎越大了。
瀑布就係我地眼前喇！
呢度望落去，更加廣闊。
瀑布鎮其實好大呢。
但原來行到見到瀑布，開始掂到d水既位置，就係盡頭喇。
本來仲以為可以繼續上添。
所以係度留多陣，好快就落番山了。
有水滲出來，呢d位就要小心 d 行。
落番地面。
呢度d水好冰涼，用黎 敷一敷個嘴唇，
因為 feel 到 係少女峰時 曬得好傷，一路痛緊。
好快又番番黎火車站，亦都好快有火車了。
係呢度只係玩左1粒鐘左右，就向Interlaken OST進發。
本身有諗過好唔好 Skip Interlaken，
因為呢個時候 6點幾，應該係 Grindelwald 會出現夢幻山坡最靚既時間。
不過最後都係去 Interlaken，因為始終未行過 Interlaken 。
瀑布鎮 (Lauterbrunnen) 去 Interlaken ，
無 Grindelwald 咁斜咁落山，反而係沿住河，好平緩咁慢慢落到去。
唔洗半粒鐘，就到了 Interlaken OST。
- Day 4 Part 3 完 -
沒有留言:
發佈留言