地點：意大利 蒂拉諾 (Tirano)
住宿：Hotel Drei Könige, Chur (庫爾)
火車站前係一個小廣場。
然後我就開始尋覓雪糕店。
雖然火車站附近既店通常都係有伏，
不過呢個城市本身唔大，所以周圍都算係火車站附近。
首先望望d物價，嗚呀，比起瑞士真係正常好多。
真係心裡湧現一句「呢度有得你食 好食多d啦」，a_a。
都係忍唔住再望望意鐵。
再望番小廣場，多左一堆人，疑似集合中。
係同行去整理背囊時，我就去左一間雪糕店望望。
1.5EUR 一球，2.5EUR有2球。
入面仲有快餐食。
黎到意大利，雖然唔係主要城市，
但都一定要食雪糕吧？
最後買左兩球 Tiramisu 。
其實我係想要兩球唔同味，
但我用英文佢好似唔多明，唯有 舉起 2隻手指話 Double Scoop，
跟住指住 Tiramisu 再舉 1隻手指 (意指：想要1球)
之後再指雪葩，再舉起 1 隻手指。
結果佢聽唔明，跟住 問 2 ？ 我話 Yes，
然後再指多次 Tiramisu，結果就得到了 2 球 Tiramisu了。 =V=
拎住雪糕，一路食，一路望下周圍既磁石，
打算買比細妹。 不過係呢度未睇到岩心水。
由於見街上賣既明信片上面，
有印住教堂同Bernina Express穿過既景，
於是同行Search下位置係邊，然後向一條長長大街進發。
無幾耐就到左了，時間係 11:40am。
大約12:00nn會有一架Bernina Express到站，
所以預計11:55am左右應該會經過呢度。
由於我相機唔夠Wide，唯有將就下，哈哈。
行下等下，無幾耐就聽到「叮叮叮叮叮」既聲音。
之後發現原來架車係由總站Tirano開去St. Moritz XDDDD
我一直都望錯方向 XDDDDD
之後就影番去教堂個邊。
哎也，不過因為係車尾，所以唔係好靚。
好啦，於是又等呀等，因為好快又會有一班反方向既車。
係車頭呀！
呢架就係由Chur直接黎Tirano既Bernina Express，
亦係今日第一班由Chur黎到Tirano既觀景列車。
d窗真係好大靚又靚呢 ~
真係唯一可惜無得開窗咋 (重覆夠未)
但都好正常因為呢種弧度真係唔知點開窗 XD
嗚呀！ ~~~~~
車頭係普通列車車卡 ~
它走了。
講聲再見。
影夠之後，就返返去火車站，
因為都12點幾，我地1點3左右就會上車。
於是我地就搵野食，黎到意大利當然係食意粉吧！
一路行，一路望住個天，真係好好天呢。
有講海拔同路線圖，好正！！
如果有 Poster 或者 貼紙 就好喇！
又或者有 Postcard 都好呀？！
完全係完美指南。
繼續回程大直路行返返去。
有時會經過呢d載木既車卡，坐車期間都見過架。
係車站附近兜下兜下兜下，最後簡左呢間。
不過呢度有兩隻烏蠅好鐘意飛下飛下，好煩。
7.5EUR一個意粉 Q口Q 比起瑞士既17 - 23 CHF一個 ...
叫左2個意粉，再叫左杯 2.5EUR既咖啡。
通常不會伏的 Carbonara ，幾好。
仲有蕃茄意粉，也是不會伏的。
跟餐會送好硬既包，無乜點食。
幾好飲 (純粹因為甜甜的唔苦) 的咖啡。
埋單唔洗 20EUR，所以到呢個時候，仲有20+ EUR左右淨。
想去超市買d野飲，但係附近完全無超市。
唯一一間超市，無開。難道今日是公休日嗎？
唔飲咖啡既同行表示「口渴死了」，
一陣仲要坐唔止四粒鐘，中途仲有停兩個站呢 XD
食完，搵完超市，都差唔多一點幾，要準備上車了。
今程只係坐 20 分鐘左右，到Brusio就落車，
無錯，係個細站，所以第一次坐需要 Stop on Request 既站了。
- Day 2 Part 2 完 -
沒有留言:
發佈留言