地點：琉森 Luzern
住宿：Hotel Drei Könige, Chur (庫爾)
係Zurich HB上車，二話不說即刻簡上上層。
然後搵左個位坐。
仲有兩分鐘開車。
開車了，開車無幾耐就對住湖景喇。
因為個天好藍，所以個湖都勁青藍，
再加埋青綠色既山坡同小屋，嗚呀，已經顛左了。
個樣係keep住「: D」，
個口係不斷「好靚呀、好靚呀、好靚呀，哇哇，好靚呀」
係囉，明明只係一個好正常既景，
但唔知點解坐住火車睇、然後一望全部都係咁既景，
就會覺得：哇，真係好正呀。
影出黎完全無左個種感覺，
除左係相機影暗左之外，仲有就係玻璃反光。
但現場睇，一路行都係山同湖，係超正架。
期間同行拎左部Photo Printer出黎，
做咩呢？XDD
原來係Print番好多年前係Luzern影過既相！！
一陣要拎住張相影同一個角度 XDDDD
話說當年同行歐遊，黎左瑞士幾日，
主要玩日內瓦Geneva、伯恩Bern、
琉森Luzern同埋週邊 (e.g. 鐵力士山 Titlis) 個一帶。
所以今次除左Luzern、Bern之外都無重覆架！
黎到重覆既地方，當然要做d特別既野，一陣會提及。
一個鐘車程後，終於黎到Luzern。
落車啦！
跟住就搵 Locker ，放好d比較重既行裝。
有d裝飾仔既車站。
找到Locker了，是 7CHF，
最緊要係有深度，個Size應該可以放到3個20吋行李。
所以其實個價都算OK！
拎番支鎖匙。
跟住就離開火車站，向市內進發！
 |
| 橙色係大概路線、唔係實際路線， 只係旅行後兩星期既今日，用小畫家大約畫條線出黎。 而交通博物館比較遠，時間不足所以無去 > <。 |
基本上一出Luzern火車站行一陣就到湖邊。
天氣超好既情況之下，
除左好興奮咁講「好靚呀好靚呀」同係咁跑之外，
我都唔知可以做d咩了。
一路行一路係度諗，
用咩形容詞可以形容好呢？唔知呀，好靚呀。
你可能心諗，下？睇相，同西貢有咩分別呀？
好啦，咁睇埋下一張。
哇！！會唔會係清到咁呀？？
因為呢度d水係來自呢度望到既雪山，
水係超冰涼，而且…超清啊！！！
有d位完全係Feel到有幾深。
仲有好多天鵝勁寫意係度游。
好Cute Cute啊。
然後，因為只係落機既第一日，而Zurich係唔近雪山既，
所以黎到呢度，一見到明明只係遠處細細座雪山，
都要咬住唔放，係咁話「雪山呀！雪山呀！雪山呀！」
最搞笑係，當初未黎時，
睇人地POST相話「Luzern係Zurich最美城市」，
我係度諗，有咩咁靚啊，城靚定周圍靚啊？
不過我唔敢講呢度係最靚城市 (畢竟瑞士近湖、近雪山既城市/渡假勝地太多)，
但呢個城市一定係一個靚既城市啊！！！(p.s. 必須係好天時)
係湖邊玩左一陣，就向湖邊既教堂進發。
其實對教堂無乜特別感覺，
只係因為就係湖既隔離，而且係Luzern景點之一，
所以黎打打卡，好快就走了。
呢度都有木骨屋 ^口^ 巧令令！
之後見到有COOP，就入去買左支可樂。
其實d水都好平啊。
另外，Luzern又好、瑞士各個城市小鎮都好，
都好多呢d雪山水，冰冰涼涼，亦有好多會註明係Drinking Water架！
之後黎到Luzern其中一個超出名景點，叫「垂死獅子像」。
佢係有個歷史背景的，但我 ... 睇左好多次都記唔到，
為左唔扮晒野拋書包，大家都係自行wiki吧。
不過講起呢個「垂死獅子像」，
我本身真係以為係一個無聊景點，
但原來佢係好特別。
我唔係指佢歷史背景 (雖然都可能好特別，但我記唔到)，
係指原來佢係座落係一個幾高既山壁之下。
睇相真係唔覺，以為好細，但原來都幾大幾型架。
最可惜係今日6月26號，
原來佢個水池6月26號放走晒d水，直到另行通知…
頭先係火車Print好既相依家有用啦，
同行拎番好多年前黎過Luzern既相，
其中一張就係「垂死獅子像」，當年張相，水池係有水架。
即刻可以做個對比 XDDD 有水真係靚好多囉。
另外就係，依家太陽太猛 XD
所以影相個陰影勁分明XD
好啦，我爭d要將呢度d水，駁過去個水池度啦 (誤)。
「垂死獅子像」就係唔大既一個點，
所以都唔會stay到好耐。
隔離有個Glacier Garden，Swiss Travel Pass免費所以就入去了。
不過事先聲明，呢個景點其實無乜太特別，
真係免費而且有時間先好入 XD 不過都有d位幾得意。
呢度會講一d關於冰川既地質。
一路行上去。
過左個好有考古feel既冰川遺址。
之後一直上山，向佢睇古冰川既「塔」行上去。
其實唔係好高，不過都算係望到個城景。
但可惜係望唔到個湖啊！！
Luzern其實有個位係可以上到山睇湖區，
不過今次唔夠時間無去，雖然其實係山上一間酒店附近，
不過可以去觀景，而且睇相見個景真係唔錯架！
有個望遠鏡，望下先。
咩料呀~~~ XD
我心諗：我好似比人玩咁XDDDDDDDDDD
之後落塔，去Glacier Garden另一個位置，
幾得意，一開始入去以為有d似香港個科學館入面，
有個叫鏡子世界既地方。
不過原來呢度更加好玩。
不過講起呢度，原來瑞士係呢方面同日本立山黑部有d似。
同期，之前去突尼西亞時，遇到既人咁岩去緊日本立山黑部，
佢又咁岩同一日影左日本個邊既鏡子迷宮出黎，
然後我就覺得好得意，好似這麼近那麼遠咁 XDD
以下呢一幅已經係大廳個度，唔係迷宮入面。
係相入面你見到佢係咁既，但當你去到現場，
全世界行緊迷宮時，個個都伸隻手出黎勁驚會撞左係塊鏡上面，
又唔係前面係咪行到、係咪要轉角，
個感覺係好搞笑XDD
而行左陣會發覺，只要行去見唔到自己(反影)既個條路，
個條路就係真正既路，然後就好快出到黎啦。
佢最後係個大廳，但係大廳度我都係唔敢亂咁行，
行得好慢好慢，廢時原來有一個位有塊鏡、會唔小心撞左上去 XD
但係想講，睇落好易，但真正行落真係唔易XDD
最後迷宮出口都仲係要SIN你一獲XD
真係好搞笑、好玩XD
係囉，明明出口幅地圖路路係咁短，
點解頭先好似行左好耐咁架。
好快就落番去。
又見番個「垂死獅子像」，太陽光既位置已經唔同左呢。
所以影落對比無咁大 XD 於是又留左陣。
之後返返大街，然後向舊城區進發。
慢慢逛逛逛逛，舊城區主要都係睇街道同建築。
好鐘意瑞士既原因之一，係佢d屋仔外面會畫畫 ~
好快就係Luzern兜左一個圈，
黎到過埋橋好快就返返火車站既位置。
亦都係Luzern最出名最出名既地方之一，
叫做卡貝爾橋 [ Kapellbrücke]。
d水真係超清囉！！！
瑞士真係去到邊都要講d水真係好清！！
當然同行又出動係火車用Printer Print好既相，
要影番張當年今日 XD
望望附近。
卡貝爾橋 [ Kapellbrücke] 係90年代時，呢條橋因為撞船事件燒過一次。
所以已經係重建既橋了，
橋上既畫，都係依照當年遊客係度影過既相黎重製既。
而橋中間既水塔有過唔同既用途，
曾經原來係座監獄，完全唔知咁細座會困到幾多人。
不過都有個正路易記d既用途，就係用黎做瞭望台。
好正，舊城區d屋本身都好正，有好多畫。
而近河既街又好熱鬧，好鐘意呢種感覺。
睇相以為日落左，
但其實只係背光，呢個時候都係好曬。
條橋好有歷史咁，好有味道。
雖然我鐘意畫，但無鐘意到一幅幅去研究。
開花季。
真係好靚呀。
又要睇下d清到顛既湖水。
當然唔少得昆蟲。
之後去左隔離座橋影番過去。
影多幅！！
又係舊城區。
望望磨坊橋個一邊。
水流比較急啊。
又黎番卡貝爾橋，有兩個女仔賣藝。
正啊。
好天真好。
轉眼過左橋，行番去火車站了，
去Locker拎番行裝，然後上火車。
呢個時候已經夜晚8點幾。
坐上向Zurich HB方向既火車，不過我地係去Chur，
於是會係中途站落車。
2程車加埋，車程大約個半鐘。
中途站，Thalwil，到著。
月台橋上。
火車來了。
往Chur既火車，係夜晚8點21分開出。
沿途會再經過一個湖，然後經過Sargans，最後黎到Chur。
到返黎先知，原來Luzern - Zurich - Chur 呢條係觀景路線，
叫做「三城路線」。
不過講真，真心覺得瑞士入面9成既鐵道路線都係景觀路線……
d景又真係靚。
嗚嗚，好正。
夜晚係Chur既火車站，去左巴士站個出口出，
所以兜左一段路先返返車站正門。
然後Chur進發，夜晚既Chur有風，
有d凍、又有d涼爽。
帶住行裝，望住唔知岩唔岩既GPS，
都行左一段時間先到大街、然後再行多陣，
先黎到酒店。
酒店最夜11點CHECKIN，
呢個時候10點零，所以唔趕時間。
不過本身唔係大熱市，所以10點既Chur，
街上面已經無乜人了。
更不論仲有會營業既餐廳。
Checkin後有d肚餓，兜左一個圈之後，
得番McDonald仲開緊。
正諗緊原來黎到第1餐就要食McDonald，
仲見到一個餐要12.5 CHF (即係~$100hkd一個麥當勞餐)
不過瑞士個M記餐牌唔同既，於是就叫左個 CBO Small Size，
呢度既Small Size即係香港既中Size。
因為都無餐廳開緊，就唯有叫佢啦。
買完之後去一去車站，
探路又好點都好，望一望個車站方便聽日行動，
因為聽日就係鐵膠之旅喇~
咁岩見到COOP仲開緊，有3.5CHF既前菜類通粉，
就買埋喇。
之後火車站 > 大街 > 舊城區 咁行，
慢慢返到住宿個度開餐。
總結係，因為前菜類既通粉會好大陣腸仔、火腿個種加工食品既味，
而我係唔食架~~~~~
加上今日我真係超級極度眼訓 (要知道係飛機上我係訓唔到、落機後無訓過)，
所以結果就食下薯條、又飲左d汽水。
留左個CBO，未食。
梳洗過後就Zzzzzzzzzzzzzzzz，
當眼訓既時候，有得訓覺完全係幸福到呢。
不過其實都唔可以訓太多，
因為聽日鐵膠之旅，坐Bernina Express既路線，
而今次我地仲要係來回個隻，所以要好早起身。
呢一晚訓飽之後，第二朝就要六點幾七點起身啦，嗚呀。
雖然對聽日都係充滿住期待，但其實都仲好想訓多d呀。
心入面諗住 「唔緊要啦聽日早d起身，後日可以訓多d架啦」既心態，
好快就入睡了。
- 完 -
沒有留言:
發佈留言