地點：格林德瓦 (Grindelwald)
住宿：Jungfrau Lodge, Swiss Mountain Hotel, Grindewald (格林德瓦)
Interlaken 去 Grindelwald 既月台上有分 A 同 B。
原因係火車會由 Interlaken OST出發，
去到中途會由1架分開成2架列車，分別向 Grindelwald 同 Lauterbrunnen。
記得留意係邊個月台上車啊 ~
車身都會寫明呢一卡係 Grindelwald (格林德瓦) 定 Lauterbrunnen (瀑布鎮)，
唔係又要落番黎架喇。
由Interlaken OST 向 Grindelwald / Lauterbrunnen 既火車，
係黃藍色既。
瑞士大部份既火車都超貼心，會有個小板伸出黎 (小心腳)，
方便 單車 / 有輪既工具出入。
上到火車，當然要影一影塊板，呢次係少女峰地區既地圖。
因為我地呢卡係去Grindelwald，
所以車入面既MON都係以Grindelwald為路線圖，
唔會寫 Lauterbrunnen。
而佢都會不停咁廣播呢卡車係去 Grindelwald，
如果去要 Lauterbrunnen 就到另一邊之類。
第3個站，Z字頭，就係兩條列車既分水嶺。
黎到呢度，仲未見到路軌中間有齒軌。
然後去到開始爬升既時候，你好快就會意識到佢開始上左齒軌，
因為上左齒軌之後列車會有低沉間斷既 ~ 吱 -- 吱-- 聲 ~
因為 Bernina Express係無齒軌上落坡，
所以今次上Grindelwald係我第1次坐齒軌列車。
上左齒軌之後，爬坡角度好明曬斜左唔少，
已經唔會想係車廂度周圍走，而係企/坐定定。
但同時忍唔住好興奮咁講「哇~好斜呀!!好斜呀!!!哈哈！」
本來 Interlaken OST 既天空比較多雲，
但一過左一座山，就已經隔走晒d雲。
而呢度見到既係雪山係下晝陽光普照時散發既蒸氣，
當期時係唔知道的，以為係天氣唔好既雲，
仲係度諗：哎 .. 聽日會唔會好天呢 ... 會唔會都係咁多雲架。
火車一路爬升，窗外既景越黎越靚，
因為已經係9點，所以好可惜已經接近天黑既時間，
唔係第一次黎到時，個感覺一定會更加痴線 (雖然依家已經好痴線)。
本來以為「瑞士好靚」係比好多人誇大左，
就好似好多地方冠以「世界最美XXX」既地方，
可能期望太大，所以雖然都唔差，但比想像都係差好遠。
未黎既時候，會諗呢度會唔會都係一樣呢？
但 ..........
呢度個色彩、個靚既範圍真係太大太豐富啦 ..........
我影唔到佢有幾靚 Q口Q ........
有種「哇........................」
唔知講咩好了。
而且係「太陽落山、無太陽照住都咁靚，如果有太陽仲得了既........」既感覺
我諗呢一幕應該係第一次係旅途期間、因為睇景睇到呆左既一刻，
我個樣係「 ....... ●o● ........」
唔係好興奮個種，而係真係呆左。
影相真係影唔到個感覺。
當你係火車上，火車一路爬升緊，
係你面前既係你係一間間木屋，係一大片緩緩既斜坡散落，
然後呢片斜坡後，係一座座既雪山...........................
呢個究竟係個咩野景黎.......
好快地，大約30分鐘，就到了 Grindelwald。
落車了。
太陽照落山頂。
落車，360度一望，個心入面係「痴線架痴線架痴線架」！！
呢個景真係唔係發夢？
地球上真係有咁既景？？
你就咁睇相，我可能太誇張，
但相我真係亂影，影到地面好暗，
而事實上落車個時，地面仲係OK光的。
所以根本影唔到親眼個種感覺！！！！！
好可惜係呢一刻雪山有雪既位置比水蒸氣形成既雲擋住左。
成個小鎮就座落係咁多座雪山既山腳，雪山就係眼前，係幾咁近。
好多人係少女峰地區玩，
因為方便會選擇住係山腳湖區一帶 (Interlaken)。
對於唔少人黎講，Grindelwald只係一個中途站，
純粹作為上少女峰時轉車既一個中途站，
由一邊月台，行10米就到另一個月台上另一架火車繼續上山。
但但但但但但但但，
呢個小鎮對於我黎講已經係個旅途重點地方 Q口Q
超、級、靚、啊 ..... Q口Q ..............
背光，影到個天好白 ... 但其實係好彩色的 ...
入去車站望一望少女峰既資訊。
然後行落斜，黎到我地住個度。
Checkin時，有送 2 樣野，不過對我地用處不太大。
1. Grindelwald Bus Pass ：免費乘搭 Grindelwald 既巴士
如果我地留係Grindelwald多一日，應該會坐巴士周圍遊，
不過可惜我地只係留2晚咋~ 而且2日都Full左，所以就無用到啦 ~
2. 上 The First 既纜車有折
而因為我地有 Swiss Travel Pass，所以有半價，於是就唔洗用 lu ~
主要係for無買任何 Pass既人使用 ~
今晚都係Shared Bathroom，不過同樣係房入面有洗手盤 ~
所以刷牙、洗手等等都好方便。
大堂有熱水可以斟 ~ 如果係COOP買左杯麵都可以係度沖 XD
(不過，一個杯麵大約 3 CHF..............)
所以刷牙、洗手等等都好方便。
大堂有熱水可以斟 ~ 如果係COOP買左杯麵都可以係度沖 XD
(不過，一個杯麵大約 3 CHF..............)
拎左Key，上樓，一打開房門 ............ 叫左出黎。
哇 ............ 呢個房景 .........................
哇 .................... 對住夢幻山坡 .............
然後望住窗外，大約夜晚9點半到10點，
山頂開始出現紅頂 ...... 呢個時候算係淺紅 未到最紅 ......
呢個景 ............... 不得了 ...........
我係咪發緊夢 ..........................................
不過可惜山頂有雲 : P 不過都幾型。
另一邊無雪山既天就只有零星既雲。
到之後 settle 好，天慢慢暗落黎，
決定落小鎮既主街行，順便探下路。
呢個時候，因為太陽落山既關係，
本來「水蒸氣」雲都開始散，雪山頂慢慢出現。
主街一邊係屋仔，一邊係樹同花園，
所以我地都靠住屋仔個一邊行，順便望下d餐廳 menu，
大約 27CHF (~$200hkd) 一個意粉/飯，未計其他野飲之類。
所以呢一晚無入到餐廳，
我都唔記得自己最後有無食野了。
同時都唔記得呢一日有無食過野，
好似由Chur開始、到列國、到Bern、到呢度，都無食物落肚？哈哈。
唔怕了，聽朝旅館有早餐，gogogo。
行到主街既接近盡頭，就係 The First既纜車站，
而個站都幾唔顯眼，係一個唔覺眼既轉角，
向左邊巷望上斜坡，就會見到寫住 Grindelwald-First既屋仔。
而之後主街繼續向前既路都幾黑，因為再行就會去到Grund，
即係由房度望出去，夢幻山坡個一邊。
呢個時候，「水蒸氣」雲散得七七八八，
夜晚、未完全黑晒既時候，係呢度望，> 180度既雪山群圍住你。
哇呀 ............. T口T
可能呢度會係我第一個、因為風景靚、而就算佢將來無乜點變，
都會想再黎既地方 ....
不過好天氣真係真係難求呢，
講幾十萬次都真係要講，
今次遇到咁靚既天真係好好好好幸運 .......
你睇我平時打字都唔會咁多「........」，
可想而知，我真係幾咁嗚呀呀呀呀呀。
當然，我仲有好多地方好想去，所以究竟下一次再黎，
會係幾時呢？
夜遊既時候 9 度，但著住件普通外套既我，
覺得其實幾舒服，唔會覺得凍，而係涼浸浸。
真係好鐘意呢度既感覺！
- Day 3 Part 4 完 -
沒有留言:
發佈留言