地點：Grindelwald 往 Täsch 的火車上
住宿：Alpine Budget Rooms by Täscherhof, Täsch
跑完、追完車、休息完，終於有氣拎起部相機影影相。
呢個時候係16:19，由Grindelwald坐車去Tasch，
中途都要轉幾次線，全程大約2粒幾鐘，路線：
Grindelwald -> Interlaken OST -> Spiez -> Visp -> Tasch
就係呢半個鐘，跑到喘住氣既我地，欣賞埋最後落山既風景。
然後慢慢地轉線，慢慢起睇下呢段路既風景。
Interlaken OST出發去Spiez，當然會經過湖區。
最後去到Visp時，就轉車了，
如同之前一樣，Zurich既車、Interlaken既車、MGB既車等等，
都係用唔同既車種、外形，每次坐車就知自己係邊條線上面。
呢一架MGB，一睇名就知係Matterhorn Gotthard Bahn，
係向Matterhorn進發既。
見到呢架車時，真心知道自己向馬特洪峰進發了，有dd激動既感覺。
影下相。
係車入面影出去。
影站牌。
開車了，一直沿住河流行，仲伴隨住好好聽既河流聲。
每一架車都有佢既介紹板，也是餐桌。
之前Chur去Tirano既bernina Route、Interlaken OST上山既 Route、
呢度Visp去Zermatt、甚至Zermatt上唔同山既Route，
都係好值得影黎留念一下。
好多人講過少女峰同馬特洪峰地區既分別，
本來我都以為山咪山、水咪水，應該都唔係好識分。
但唔知點解，少女峰我真係覺得好少女，
可能佢無乜話好宏偉好雄壯既感覺。
而呢一帶係有既，如果山真係有分男女，
少女峰係女既話，馬特洪峰就會係男了。
因為去過新疆，有人會問，瑞士似新疆嗎？
新疆sell既係廣闊，瑞士少女峰sell既係細範圍內既高低落差、
仲有鐵道等等，所以感覺都仲係唔一樣的。
反而黎到呢度，馬特洪峰一帶 之後，有另一番既體會，
會係聽日 五湖健行 既篇幅再講多少少。
一樣，以齒軌上山 ~~~ 。
由Grindelwald第一次由齒軌拉上斜，
好興奮係咁話「真係好斜啊！哈哈哈！」，
到依家習以為常，個種轉變都幾有趣。
P.S. Bernina Route雖然海拔落差 >1000m，但係全線無齒軌。
沿途也是大山、大石。
大崖。
隧道。
係呢度，做得觀景列車既景通常都係超正，
點解？因為呢條唔係觀景列車既線路，但d景已經咁正，
咁觀景既列車就更加痴線！！
有時火車係會打側斜的。
呢度不停上山，又不停左轉右轉，
每次轉，見到拖尾都忍唔住影番張。
不過同行影得密過我又眼利過我XDD 我已經無乜力影相XDD
我開始懷疑佢都係鐵膠黎 XDDDD (唔好打我XD)
同少女峰既感覺唔同，唔知點形容個種唔同，
多樹d？多石d？多崖d？廣闊d？
間唔中會見到落山，而且同鐵路都幾近距離。
經過之前既封線事件既「陰影」下，
有時又會諗，呢條線都係單線行車，
仲要無其他路線可以駁返去瑞士中北部，
如果落石落中左條軌，唔知會有咩方法走呢？
都會提供長期接駁巴士？ ._.
呢度都有未溶既冰川。
係初夏常見既景，好開心啊！！！
經過上年新疆，為左金秋簡左九月尾。
但因為雪積得少，一有太陽就蒸發走，
結果雖然本身南疆帕米爾高原唔是個次旅程重點，
但雪山頂既雪大部份都溶化了，就令到個景觀無咁靚。
今年專登簡六月，
而唔係出名天氣一定好、同時好熱門既九月 黎去雪山既地方，
結果如願以償見到初夏既雪山，真係好興奮 T口T
同埋巧滾動 T口T
本來諗住6月尾7月頭過黎瑞士 ~8日，其中5日都係山區，
即使想日日好天都未必如願以償，
但結果 T口T !!真係日日睇景都咁好天。
嗚！！必須強調，今次真係好完美 T口T ！！！
是次旅程，因為咁靚既天氣，可以話係零遺憾 T口T！！
嗚！！嗚呀！！！
列車繼續進發。
係一段漫長既山谷路線呢。
雖然都係藍天，但雲黎講都算係唔少的。
而我地上既，其實係單車車卡 XD
出面既景也好廣闊。
大約7點，就到左今晚既住宿站 Tasch，
經過4日之後，首次有Private Bathroom同Toliet既房了。
呢度距離Zermatt係9 - 14分鐘車程，好近。
點解簡呢度呢？因為首先係呢度同Zermatt班次極密，
最夜去到凌晨都有班次，所以唔怕早出門無車、夜返無車既問題。
另外，我地住既日子，係星期五、六、日之內，
所以甚至01:30、02:30、03:30、04:30都有車來往。
而我地住既Tasch火車站酒店，直情係一出就係，近到痴線。
反而如果住係Zermatt，我都睇中一間係火車站隔離，
但貴少少都要Share Bathroom (不想book太多晚ShareBathroom)，
而其他酒店既位置又不太方便、也好貴，於是就決定住係Tasch了。
首先出站。
因為hotels.com係出中文名，
所以係度諗左好耐，都唔知間酒店係邊。
跟住就用google search個英文名出來，
點知都係無呢個名，但出左張google圖片，就係正火車站隔離既一間木屋相。
呆左10分鐘有多，先膽粗粗走入去，問間酒店係咪呢間。
Bingo，係呢間呀，超正，超近。
於是好快Checkin，然後梳洗，
因為7點幾都日落時份，睇睇風景，就出發去Zermatt逛逛。
順便，睇下今日撞唔撞到彩神，會唔會今日就已經見到馬特洪峰先！
- Day 5 Part 2 完 -
沒有留言:
發佈留言