諗番起，呢三程機真係超級順利。
以要經上海黎講，佢完全無delay仲早左到簡直係難以置信既事。
是日係機場參觀日，無咩特別野講，
航線係：香港>上海(浦東)>大連>哈爾濱(太平)。
之前只係試過一次轉機，就係去荷蘭個次，因為係國際線，所以唔洗入境。
而因為香港至上海係國際線航班，落機之後要入左境先，再轉搭國內線航班。
呢次機票係Expedia買既，航班編號MU5611，
本來係買既時候，Expedia寫話2半上海浦東出發，直飛5點幾到達哈爾濱，
因為諗住都係類似叫做大公司？所以唔會走去航空公司double check個時間係咪真。
但3月中收到信話航班時間更改：2點上機，7點落機。
因為早左上機但遲左落機，先走去google MU5611呢班機做咩事，
原來係會中停大連…
但Expedia係無提過，當日上Expedia仲係買到MU5611直飛5點幾哈爾濱…
係咪即係Expedia既失誤黎？
見到封信，打左3次去Expedia。
第一次佢地話係直飛，唔會中停，多左時間可能只係因為行左唔同航道。
第二次我話check話會中停，佢地話問下航空公司先。
第三次終於話係會停大連，但其他機都係夜晚到，我個班算當日最早，所以唔建議改…
既然係咁，咁唯有唔改了，點都好過凌晨先入到市區。
真正到左個一日，真心擔心拎張itinerary出黎會比佢話無我地record XD
唔通因為對Expedia無左信心XDD
好順利咁起飛降落、起飛降落、起飛降落，而三程都有飛機餐食，
食完訓，訓完落機，行一陣又上機，又訓，又食咁樣完左一日。
第一程有Häagen-Dazs雪糕呀！但唔知係咪前面個人同個空姐係咁講野搞到佢唔記得左我個行，無比到我呀呀呀呀呀！第一程同第三程既餐都幾豐富，第二程就係包黎。
 |
| 上機啦上機啦。 |
 |
| 見有時間，有d想衝去睇磁浮。。。 |
 |
| 上次去上海係虹橋，今次係去浦東呀！不過可惜無得去玩磁浮…… |
 |
| 大連走就向左行，中停去哈爾濱就向右行。 影完個人話：「唔影得架。」我心諗：乜我咁快就到左北韓啦？ |
 |
| 大連機場 |
 |
| 大陸真係好正，劃左個吸煙房比佢地…… |
 |
| 到左哈爾濱了。 |
 |
| 行出去截的士了。 |
到左哈爾濱太平國際機場，一出門超大陣燒野味。
唔知係咪因為呢日係清明所以燒野……
仲要出發個日香港19度，佢22度……
之前check話會落雨，變-3到12度，所以帶左好多厚衫，
結果幾乎都無乜用……XD 反而無短褲！但好想著短褲呀！
另外就係，呢度超乾燥，頭兩三日已經用晒我成支80ml潤膚膏，
好在之後身體適應左個濕度，
同埋有同行帶既mask，完全係好左好多，第一次覺得mask係咁重要。
呢日真係不得不戴住口罩行，戴左係好好多了。
到左的士站，佢有A車B車，但機場入市區好似係要坐貴車…
結果$170rmb左右，住ibis，尚志大街個邊，位置都幾方便。
成個過程，架車行左1粒鐘左右。個機場真心真係……幾遠下。
到左之後checkin，checkin完就夜遊了，住ibis當然就去最近既聖索菲亞教堂。
係度玩左幾耐下，
因為好少可係大陸會見到咁大既廣場入面有個咁外國既建築，
重點係唔假。
呢度附近有間旅行社，
寫住可以參加 海參威、長白山、五大連池、雪鄉、等等既旅行團。
跟住夜遊中央大街，呢條街d路同歐洲d路真係好似，
係會行到你腳攰個d凹凹凸凸既石地黎。但係幾有feel既XD~
兩邊好多都係號稱俄式產品，例如俄羅斯娃娃、煙酒之類。
仲有好多哈爾濱特產，紅腸、干腸之類。
雖然食左三餐飛機餐，但都係餓，於是就係其中一個巷度，入左間叫 關東鐵鍋燉 既店。
叫左個牛脊肉鍋，再加一堆野。
點知原來個鍋已經包左好多野，而我地仲額外加左一堆野，結果就變左超級多野食……
臨走個陣個店員話：「東北人鐘意一大班人~~ 一大堆野炒~~ 所以份量好大架~~」~
嗚呀，點解見到2個人食，我地叫咁多野都唔提下我地先。
個鍋有本身既湯汁、東北粉條 (紅薯粉既feel)、超多大大舊肉、一堆蔬菜、鍋貼等等。
 |
| 呢度個鍋入面已經係一堆食物，加埋台面上個d，同埋有d未上既。 |
食到好飽之後就返去訓，等第二日去松花江邊玩。
- DAY 1 完 -
沒有留言:
發佈留言