Day8： 2017年4月11日 星期二
 |
| 古城區d屋其實好靚，不過住就應該唔係咁好住。 |
所以其實只係一街之隔，不過就有兩種風格。
 |
| 依度見到郵筒，唔知係咪只係for國內寄件既呢。 |
 |
| 是日係當年金正恩被選為下任領袖既日子， 於是又係要慶祝的。 不過是日唔是假期。 |
開始上小山丘，
可以見到山上面有標語，
其實唔止呢度，畫面睇唔到既右邊都有。
都係講金氏與你同在、萬歲之類既標語。
 |
| 開花了。 |
 |
| 慢慢行上山丘仔。 |
 |
| 上觀景亭， 呢度又係有兩父子既銅像， 所以又要鞠躬的。 |
 |
| 文化遺產既朋友。 |
 |
| 好多年既古樹，有性別之分， 女既開花，男既唔開花。 |
 |
| 油緊油，要白色邊邊。 |
 |
| 高麗成均館 —— 個佈局係以前既大學外觀， 依家係博物館，入面講既係朝鮮歷史。 |
之後有一個石碑，佢話有舊係外國搶左之後歸還，
依家放係南朝鮮既首爾，如果有機會去首爾可以去睇睇。然後我呆一呆。
係呢度有三間手信店，一間係入面，兩間係出面。
出面兩間分別係postcard、print既poster、郵票等等、開城高麗人參。
入面個間賣人參、人參茶、人參糖、之類。
 |
即將前往板門店。
呢張postcard之後o係板門店附近會見到。
當年瘋傳個幅 傳說中既朝鮮拎到世界盃冠軍既poster XD~~~~~~~~~~
 |
| 金同志睇朝鮮雜誌學中文。 主要係講中國係某d運動方面拎牌之類既野。 |
首先去左間店仔，有手繪poster、有熊膽、
有開城高麗人參、人參片、人參茶賣既地方。
 |
| 판문점(板門店) 참관정 (遊客訊息) 도(圖) |
依家既位眾係幅圖既最右方，門口既白色虛線係朝鮮既非軍事區開始範圍，
而板門店係左邊白色虛線圍住個度。
跟住出左去，就上車，經過上圖一條長長既路，
進入非軍事區範圍，兩邊都係草，仲有遠方一支朝鮮國旗同哨站。
黎到以前朝鮮戰爭/韓戰叫停時，傾停戰會議舉行既地方。
一邊坐既係美國、一邊坐既係朝鮮。
應該係覺得美國搶左南韓個一帶地方，然後就好想快d拎番然後統一 一家親咁。
呢個係板門店入面既一d圖像。
 |
| 一步之隔就可以到南韓。 |
 |
| 上到觀景台，見左左邊有韓國國旗，右邊有朝鮮國旗。 另外睇番每間屋外面既地方，兩邊兩下唔同色，因為後一半係韓國，前半係朝鮮的。 唔係其中幾間係朝鮮、其中幾間係韓國，而係每一間屋既一半係朝鮮、每一間屋另一半係韓國。 如果有野要商討，入到屋入面，就韓國係一邊，朝鮮坐係另一邊咁。 |
係呢度，有個外國團友話收到南韓傳黎既Msg，講有Network Signal。
「Welcome to South Korea, if you ...............」 個d msg。
嗚呀，其實之前同行買左張1年10國既電話卡，有內地、有南韓，
但唔知係咪要登記定乜，所以開通唔到，如果唔係可以係度上下網…XDD
係度其實都唔係留左好耐，不過個感覺好奇妙。
呢度係遠在天邊、近在咫尺既一條不可跨越的38線。
睇完38線板門店 非軍事區 (DMZ)、亦係南北分隔線，
就原路返返去開城了。
係近開城山丘既位置，我地食宮廷式12銅碗飯，再加$200食人參雞湯。
超濃勁好飲啊啊啊啊~~~~~~~~~~~~
d銅碗既碰撞聲勁勁勁勁勁勁勁勁好聲，敲一下，個聲可以keep到好耐。
佢有杯燒酒，試2啖，覺得佢跟本就係消毒藥水黎。。。唔飲。。。
 |
| 途經母親山(唔係呢座) 點解叫母親山，因為座山似一個訓係度既大肚婆側面而得名。 高麗成均館 都有一幅圖講母親山的。 |
 |
| 回程了，又係凹凸不平的路。 |
之後去少年宮，一落車，好大風，完全凍左。
少年宮係未成年既人，可以由父母帶去申請學野。
學既野都係興趣為主。
因為朝鮮人係朝早返學的，所以下晝就係join呢d班玩。
有人問個導遊有人學過，有1個話自己係書呆子所以只係讀書。
另1個(英文)導遊就話自己學過古箏~~
有人問：你地會唔會夾band?
導遊答：band?
果個人：即係自己組隊去創作歌曲同表演。
導遊答：我地無individual既樂隊，亦唔會create songs by ourselves。
果個人：咁咪無乜新歌囉？
應該係有新領導人、新景點、新節日、新活動，
先會有專門既部門去幫個d去作曲作詞了，
因為呢幾日聽到既歌都係一式一樣，聽黎聽去都係個幾首咁。
每年收5000人，唔洗考試就有得入，唔知點簡人既呢。
每人可以學1-3樣野，為期3年，免費的。
有得學畫畫、跳舞、書法、唱歌、結他、古箏、刺繡等等。
因為拍片為主，所以無乜相XD 暫時又懶得cap圖XD
唱歌唔洗咪都大聲到出面都聽到。。
同埋就算好靜態既刺繡，d人拉線個動作都勁CHOK。XD
又幾靚，幾現代化。
最鐘意呢個，勁想搵張凳坐係度畫埋一份，嗚……
不過岩岩好5:00pm，而佢地就5:00pm收檔的，遊客都唔例外。
其實咁樣幾好，如果額外開放比遊客，咁就即係得自己團係度行……
不過有d朝鮮大媽就sadsad了，去到門口，間店關左門，
佢地就企係門口呆左一陣先肯走。
朝鮮大媽啊，你地唔通平時無去光復百貨嗎？做咩搞到時間咁抆啊？
之後決定改日子先再黎，咁架車就一路行行行，行到某個位泊低。
然後我地行下街，經過高麗飯店(同羊角島同級既特級飯店，好似幾靚)，
然後走去食燒肉了。
 |
| 難得既正常可樂，上面居然有QR code可以scan， 事不宜遲，scan一scan先，點知係堆無意義既數字。 |
 |
| 燒一燒，全個餐廳煙霧瀰漫。 之後個抽油系統先開，就好左少少。 |
 |
| 冷麵，幾好咬，其實係Ok的，但我唔鐘意隻醬底。。。 |
呢晚有表演睇，其實基本上食野既地方都好似唱K咁，
導遊同實習生分別都講話平時放工出去食野既話，同同事食會唱下K，
就係係餐廳入面唱了。
跟住唱唱下歌，拉左d人出去一齊跳。
同行都比人拉左出去。
另外仲有個勁崇洋，係咁拉個外國人出去，拉左兩次，
個外國人拉個台灣人出去，點知個朝鮮女人唔理佢，避開左又拉番個外國人。
平時導遊都唔係同我地一齊食的，下晝個銅碗佢地都係係出面食，
不過只係有少少唔同，佢地係石頭鍋飯咁放埋一齊，
但d材料同銅碗有既食材係差唔多7-8成左右。
而今次燒肉佢地就係同我地一齊食，好似有時上菜佢地仲快過我地添XD。
食完之後，要返去了。
跟住行返去途中見到間麵包店好似就關門，
外國人問韓導可唔可以試，韓導話：OK I buy you，
跟住成班即刻衝去問：我呢我呢。
於是佢就要請晒成班食XDDDDDDDD 佢買左應該有10個比我地試，
有隻係光酥餅feel既心形包 但甜甜地的，另外個隻唔係好記得隻味了。
佢地買包既時候，我地當然唔放過周圍行既機會，
於是就亂咁行下。
外國人：wa? why there is a christmas tree?
導遊呆一呆，再望一望外國人指個度，跟住掩嘴笑。
韓導：no... she is not a christmas tree...
其實佢講緊既係交通警。
呢度好多時都無交通燈，有既都係一兩個地方有，主要都係靠交通指揮。
夜晚既時候，佢起著既衫會有led燈，所以比個外國人話係christmas tree...XD
同個團友走左落隧道，佢係隧道度唱歌，有d朝鮮人落隧道行，
跟住向後窒一窒，應該係比佢嚇親，XDDDDDDDD
仲有d好得意，
d人應該係唔見慣外地人、又或者無啦啦有個人係度唱歌好痴線，
所以經過會急步走XDDD 有d就望一望咁。
至於隧道有無燈，其實係有既，但無開。
因為呢個時候就明明無燈，之後成班落去時，
佢地應該意識到有外國人，所以即刻pak番著d燈。。。
而大家都攰了，所以話：聽日先啦~~~
就咁樣，包就買完了，野又食完了，大家都高高興興返歸了。
今、晚、終、於、住、羊、角、島啦！！
不過最初未入朝鮮，係諗住玩逃出羊角島，
點知根本係街行既時間仲多過係車，已經係諗：仲洗咩逃出…訓下啦。
話說係羊角度玩時，7樓係for staff，不過次次開門都係黑色一片，
應該係為左慳電，staff個層唔開燈。
另外就係，5/f係lift無得click既，
佢個guideline係話佢係tv and boardcast個層，唔知咩黎。
另外13-43係room for guest，團友就住43f，
由於我地遲一日checkout，所以唔同層，
住42樓~~ 望到柳京飯店、主體思想塔！！都算係靚位啊！！
呢一晚返到去，拎番平壤馬拉松張cert。
喂，我同同行一齊出發、一齊回程，做咩我個時間會慢佢3分鐘架？XDDDD
算，好彩都叫2hr內完成左，咁唔緊要啦XDDD
另外就係台灣選手個nationality寫左HONG KONG，即刻要交番比大會改。。
最後要講既就係，好彩係住左平壤西山、開城旅館之後先住羊角島，
因為住左羊角島真係返唔到轉頭。。。
水壓良好、水清、房間乾淨、景靚，無得輸！！啊~~~~~
不過，呢晚應該係本身好乾燥，加上食左燒肉，
同埋呢幾日都夜返早起訓得少，
於是洗面時掂一掂個鼻，就流左半粒鐘鼻血、仲要水喉咁。。
話說唔知係空氣唔好，定食野熱氣/辣，又或者大家都訓得少，
同團好似起碼7-8成都有喉嚨痛/咳/鼻水既症狀，
所以對於只係超短期症狀>流一次半粒鐘鼻血<黎講，係咪已經叫做比較好？...
btw 止左血之後就敷mask，跟住訓教等聽日了。
- Day 8 完-
去過北韓！勁！
回覆刪除