原本今日係想去 妙香山、國際友誼展覽館、龍門溶洞、平壤鐵路博物館、紋繡水上樂園。
但原來 國際友誼展覽館、龍門溶洞、平壤鐵路博物館 星期日閉館。。。
好似話其實只係星期一先開。。
於是只係得番 妙香山、紋繡水上樂園，於是覺得應該有好多時間，
諗緊如果有時間就去同佢講踩單車、
睇街市、r下睇下有無得睇柳京飯店內部之類。
點知最後，我地發覺返到平壤已經下晝6點，係咩都關晒門既XDDD
估唔到去個妙香山原來已經一日，明明無去國際友誼展覽館、龍門溶洞，
究竟點解呢？
因為一程平壤到妙香山，已經要2.5個鐘，來回到5個鐘了。
返到是日既朝早，本身話8點正出門，於是好急咁食早餐。
結果因為團友影相之類，於是超過8點半先出門既XD
 |
| 我地既新司機、我地今日會坐既車 |
因為得番2個人，於是坐7人車。
係出面睇，應該無人知入面坐既係遊客，
因為呢日體驗到既野同之前唔同。
首先係佢會兜入巷，唔一定行大路。
第二係出平壤以外會有人遞手截順風車。
第三係出入平壤，road block之類會check得嚴d。
第四係平壤市內某d位，要泊係邊邊度check左先行得，
check個陣見到係導遊架車就會優先比你行左先。
不過有d得意野，就係次次都係check導遊，
即係入平壤時，如果小金出去交證，佢會問埋坐係入面既韓導交證，
再睇一睇導遊帶住既紙對一對個跟車號，問下野先比走，
但係佢無叫過個司機要交證。
個陣無傾起，車牌上面前面個2隻字，係咪好似內地咁有地區名？
點解入平壤時佢咁肯定個司機係平壤居民？@ @""
唔比係元山市個司機揸住平壤架車咩？@ @"""
定係其實得平壤居民先有車牌 或者 平壤居民先有得揸車？
不過其他城市都好多私家車？@ @""""
回望我地個兩團人。
韓導交代實習生一陣要做既野。
然後我地就出發了。
途中經過一個放左5X位佢地強調係英雄烈士既一個墓地既地方、
另外仲有經過機場。
兩位導遊都訓晒覺，原來係因為琴日係太陽節，即係金日成壽辰，
琴日夜晚佢地同朋友(或者應該叫同事)一齊慶祝，於是通左頂。。。
辛苦了，仲要帶住麻煩既我地。。
仲要。。行山。。XD
行左兩個半鐘，坐細車完全係掂，雖然d路都係咁，但係無咁dun，正。
我話：「行山？d路點架，睇瀑布個種路 定係 山路」
同行：「你望下小金著個對鞋？」
高爭鞋喎，咁應該係輕鬆啦？
不經不覺到左妙香山範圍，但記憶中好似唔洗check permit既？
有經過一個迴旋處，但個軍官完全唔理人的，好似指左指方向就無理我地了。
香山飯店，有d人去妙香山會住係度一晚。
沿途幾靚。
話說本身大路好dun，跟住佢轉入呢度期間，架車行類似石仔路，
一路行一路諗：「會唔會爆呔架。。」
今日個感覺好得意，原本1個導遊講英文，1個講普通話，
係因為團入面有外國人、台灣人、香港人，
咁韓導(英文)主要對住外國人講野，小金就同我地講野。
而依家2個跟我地，結果就變成 我地用普通話同小金講野，同英文同韓導講野，
佢地就用韓文/朝語傾計。
結果，變左我地同小金講野個陣要翻譯返比韓導聽，
同韓導講野要翻譯番比小金聽XDD
成件事好搞笑，好似倒轉左咁XDD
唔識睇既地圖。途中仲經過夏令營。
如果平時去妙香山，應該係去國際友誼展覽館同普賢寺。
我睇過d人遊記，一直覺得妙香山係唔洗行山的，
於是我著左裙，但結果原來人地去妙香山係睇館、睇寺，
而我地去個陣，up左「想去妙香山」，無講想做d乜，
於是結果係真係行山的。XDDD
雖然呆一呆，但都好興奮XD
我地條路無經過呢個館同呢個寺，只係有經過d細既寺門咁，
具體係邊條路要搵一搵先知。
好快就到左可以開始行山既山腳了，有一班夏令營學生聽老師講緊野，
睇黎佢地一陣都要上下山。
另外就係韓導換左波鞋，小金依然著住高爭鞋。
望一望座山，同行話：「你呢對鞋唔合格WO」
妙香山有三條徒步路線，我地係其中一條。
係西唔知乜乜乜，本身諗住返到香港google就會搵到叫咩名，
不過。。懶，未搵到。有機會搵番個名。
兩位導遊其實是自己在郊遊。。自己行左先唔理我地。。
小金話，佢自己黎既時候，行過最長時間係30分鐘。
而佢話上到頂要3個鐘，不過無人上到頂的。
我地行個半鐘好唔好呢？我地話：好。
經過潭仔，d水好清。
佢地行到呢度，等一等我地，然後話：「你地行先，我地殿後。」
可能一轉身，發覺我地停太耐XDDD
當我地行先既時候，佢地就stay左係個亭度，無再上山了，直至我地返轉頭XD
跟據小金係車上面講，佢應該係希望我地行個半鐘，
但我地係影相同hea，係朝鮮電話既使用率係10%，所以係放左落背囊無拎出黎。。
花開了。
夏令營班學生開始上山。亭個度係韓導同小金。
望去班學生度。
上山行既路，就係右邊既石鑿出黎既洞，加埋開唔中要拉住佢既欄杆。
睇見班學生離我地咁近，就知道我地停得幾耐、行得幾慢。
唔敢阻住佢地行，比佢地過晒先。
呢個位，比大人行係要坐低行。。。都未必行到順。。
有d位無大石，就建既樓梯。
著裙。。。
夏令營既學生到呢個亭就回頭，而我地繼續向前行睇下有d乜野。
其實睇maps.me向左行一大段路應該會去到d村仔？但唔知d路係點。
望番落去。
有水架，但太清，係咪除左瀑布個位之外唔覺呢度有水？XD
繁體中文字！所以呢個刻字應該比較耐歷史？
呢舊木係大伏，想係上面行請小心行。
上到黎之後，條路平左好多，唔洗再爬石咁爬了。
我地就係呢條橋度hea左應該有一粒鐘，其實已經過左小金講個時間。
不過難得黎到，唔通唔hea下嗎，之前咁多日都好似無得係d地方hea幾粒鐘咁。
呢個位太正，有兩款橋，有水流、有石、有大大碌木。
於是就留係呢度玩，玩左一粒鐘左右，玩完就將呢度作為回程點，落番番去。
經過番呢個位。你話點行好。。
嗚哇。
我係坐住行咁濟，個頭頂都間唔中掂到個石。
係呢個位喇。
繼續落山。
經過橋。
落下水。。
再行行下，係遠處聽到有人叫，原來係小金同韓導，佢地話：快d啦~~~
跟住就行行行去會合佢地，
韓導：「do you know what time is it now? > <」
我地：「無睇電話。。」
韓導：「oh…so that's why……」
佢地話，如果以依個時間返平壤，水上樂園會關左架。。
我地話，oh... ok。
其實我地都係hea下咁玩呢日，唔諗住趕行程，所以唔會太sad，
但佢地好似好sad咁？可能怕我地去唔到會好失望？@@
落山了。
out fo... -_-
上番車，去鎮度食野了。
成間房得我同同行2個XDDDD 導遊、司機係對面房食。
跟住成台都係野。。。。
有白汁豬排，如果係雞我會狂食XDD 仲有…… 2個人4碗飯 - _-
食完出大堂。
望一望出面。
回望番食野既地方，酒店黎，叫「青春飯店」。
跟住坐車返平壤。
係途中，我地同導遊傾緊計，架車經過大凹位，跳一跳，
跟住繼續向前行，同行突然指住車尾，
個樣是 @o@，話：「有東西掉了」。
跟住開車門，同行指住個車輪，話前車輪個車cum甩左，係後面。
司機望一望，然後@0@，跟住兜番轉頭，一路行一路望番左邊有無見到舊野。
終於行左無耐就見到，當韓導見到個車cum係路邊個陣，
個樣即刻：啊…………… (0口0？！)
然後對住同行講：you have smart eyes.
我：下，你點見到架……？？？？(0口0)
同行話：Smart eyes B-)
跟住司機裝番好佢，然後繼續出發。
韓導係繼續讚嘆：wow.... you have done a great job....
囧囧囧囧囧囧囧囧囧囧囧囧
就咁樣，繼續行行行，就到左入平壤既road block。
因為之前坐旅遊巴都係直行直過，今次坐7人車就停左係度check。
首先係小金拎左張居然證比road block個軍官，佢望一望之後要埋韓導個張，
然後對左好耐車牌。
同行問，點解咁耐既 (雖然其實只係大約1分鐘)。(而我以為不嬲都係咁耐 囧)
跟住韓導話：「因為我地換左車，但車既編號可能唔岩，於是會耐d」
我地話：「噢。。」
跟住就順利咁入左平壤。
到左平壤，都有一次係有road block類既物體，
而右邊停左架貨車同私家車，
但應該之後望到車入面有戴住導遊證既人同遊客，
就放左我地走先，唔洗泊架車係度check。
入到平壤，佢會行巷仔，巷仔睇到d屋都係正常的，
不過路就更爛了，唔怪之得旅遊巴唔行得，
可能除左唔想比人feel到太爛既地，
更可能係唔想拋晒成架車d人上頂 (um係，我誇張得製)。
話說除左周圍都係金氏父子既銅像、畫，
呢度每家每戶都掛住金氏父子既肖像係屋企大廳、家家都係同一個位放的。
就好似聽講過以前內地人都係會掛毛澤東張肖像係屋企咁。
到左平壤，首先去主體思想塔，有人係入面出黎，
不過因為五點幾六點，閉館，所以係出面睇。
於是唔上頂了，睇下主體思想塔。
主體思想塔係咩呢？主體思想又係咩呢？
小金有講，我有聽而且知的，但要我寫番出黎，應該係wiki節錄比較好= =…
「
主體思想的含義
主體思想是闡明人民群眾是革命和建設的主人，也是推動革命和建設的力量。即人就是自己命運的主人，也是開拓自己命運的力量。
主體思想的主要觀點
自身命運的主人是自己，開拓自身命運的力量也在自己身上，故而革命與建設的主人翁是人民大眾。更具體的內容包括政治的自主、經濟的自立、國防的自衛。
」
個陣我聽完我笑一笑，因為明明……
不過wiki有一段小金無講，而我覺得係貼切現狀既。
「
革命的首領觀
「作為主人翁的人民應當接受首腦的指導。首腦是頭，黨是軀體，人民是細胞，軀體和細胞應當聽從頭腦的指揮。如果沒有首腦，就失去了生命。」
社會政治的生命體論
父親給人肉體生命，領袖賜予人政治生命。領袖是父親一樣的恩人。如同在家庭中應當聽從父親的絕對領導一樣，人民應當無條件地忠誠團結在領袖周圍，應當以忠、孝來愛戴領袖。領袖是賜予人民生命的恩人和慈父。
」
類似就係咁。
我地行入主體思想塔時，聽到有香港人傾緊計，唔太記得內容，係無聊野黎，
傾傾下，佢地話：「喂呀，唔好咁大聲一陣比人聽到呀。」
我地對住佢話：「聽到啦 聽到晒啦」
跟住佢地話：「喂呀，聽到呀，識廣東話架！！」
跟住我地行去大同江邊。
對面就係我地琴晚睇煙花既地方，而我地企緊係放煙花既地方。
唔知張相做乜結晒焦，可能zoom得遠，手機相。
主體思想塔。 (From Wiki)
「
主體思想塔（朝鮮語：주체사상탑）位於朝鮮民主主義人民共和國首都平壤市中心大同江畔，金日成廣場的對面，是為祝賀金日成七十歲壽辰而建，於1982年竣工。
主體思想塔由塔基、塔身和塔頂火炬組成，總高度達170米（塔身高150米，火炬高20米）。塔身由25550塊白色的花崗岩砌成，象徵金日成在世七十年的總天數（365 x 70）。塔身前後各18節，左右各17節，合計70節，意在紀念金日成七十歲壽辰。塔身上半部前後各用朝鮮文嵌有「主體」（주체）兩個大字。塔頂火炬高20米，下有有一直徑8米的托盤，重46噸，晚上火炬可以點亮，且不受平壤因電力短缺而頻發的停電影響。
塔正面立有工人、農民和知識分子三人塑像，高舉由鎚子、鐮刀和毛筆組成的朝鮮勞動黨黨徽作前進狀，重33噸，高30米。
塔中建有電梯，可以登上150米高的塔頂，俯瞰首都全景。
」
係大同江呢度，同行同2位導遊影相，影 即影即有 送比佢地。
之後入夜，去紋繡水上樂園，其實預左關門，因為5點收，
去到問門口個管理員都話閉左館唔入得了 > <
之前係d書店睇到本講 紋繡戲水場 既書，睇到d人玩，
依家無得親眼睇朝鮮水著 > < (#
於是係門口玩light printing XD
之前坐車經過會見到入面係點，但係如果有得入去會更加正囉XDD。
今日就差唔多完了，因為平壤入面都無乜野未做。
今次旅程係無去人民大學習堂的，不過11日都好充實，
睇到既野都好多，其實已經好足夠了。
夜晚去左應該係當地人既餐廳食野，一入去，d人望住我地。
不過最後都係上二樓包廂，今次係2個導遊+司機+我地一齊食，
又係成台都係野食。
不過唔見小金，韓導話小金去左會男友 : P
小金一時話自己有男友、又一時話自己無 : P : P
我地食到中途，小金返黎個陣，小金話買左對鞋。
(不過到左聽日係機場，又扁嘴話退左對鞋了，
同男朋友分手，因為男朋友唔送鞋比佢，
但又話夜晚會同男朋友食飯睇下點 : P : P : P 玩野。)
另外就係，我地話：小金你食咁少野既。
小金話：我減肥 ^_^。
同行：乜呢個國度有人要減肥架咩？。。第一次聽。
其實覺得應該係佢頭先頭男朋友食飯，食飽左先黎，所以無胃口再食多d。XD
又幾先進。。 = =
好大舊。。
好食。。
呢個勁好味，黎到呢度有薯條食好開心XDDD
佢仲要點個醬係麥樂雞醬個隻味，
超勁，好想問佢點調出黎。。。！！！！！！！
本身d野已經夠飽，仲一人一碗冷麵！！！！
食到超飽之後返酒店。
架車去到一條街既時候，韓導突然話：
「you are the first tourists enter this street.」
原來因為呢條新既街係4月14號先開，
而暫時因為太新，所以未有旅行團定呢條街既行程比人行，
於是我地經過呢條街，
就變左第1個(或者叫第1水，我相信未必係第1個既)到呢條街。
成個feel好有趣。又係未來科學家大街既feel。
其實我懷疑我已經將呢度、未來科學家大街同埋長箭街搞亂左。
我開始懷疑個日以為第二次行未來科學家大街，
其實係行緊長箭街(平哈頓)。。 = =
返到酒店，又要執野了因為聽朝早機，
所以執完野我就訓了。
每人我訓佢未訓，我起身佢已經醒左既同行print緊d相比導遊。
好好訓一教，等聽朝飛去北京~~。
原本係諗住去長城既，因為4月中花季，
北京黃土店開去延慶既 S2線 - 長城和諧號 會經過花林，所以會幾靚。
而且北京呢2日相當好天，無霧霾。
只可惜……
- Day 13 完 -
沒有留言:
發佈留言