每次都係寫遊記既時候先驚覺自己影既相太少，
變左傾計無圖無計傾既狀態咁。
呢次旅行之後決心要買部新既相機，要細細部得黎、對焦要快、反應要快既，
仲未知買邊隻好，變左好多時會覺得：電話影算了，但相機既色同感覺真係靚好多。
第三日都係輕鬆遊，checkout左之後keep行李係ibis，
呢個時候糧倉已經係可以叫做豐富既狀態。
呢日其實都係輕鬆遊，都係中央大街、松花江咁行。
唔好問點解行極都係呢個地方唔悶架咩，因為真係唔悶。
除左霧霾之外，呢個地方真係幾岩hea遊。
首先就去左琴日已經想食既東方餃子王食東北餃子先，
其實一直以為佢叫做東才餃子…因為佢個毛筆字真係好似寫住「才」字。
佢有QR CODE，用WeChat Scan可以拎到優惠券，
點知生效日期係翌日，真係玩野。
d湯汁呀！東北餃子呀呀呀呀！好好味呀！
東北d野食、應該話哈爾濱d野食其實真係幾多元化之餘仲要好好食。
食完野即刻向松花江畔進發，呢個時候開始大風同落雨，
雖然好凍，但個感覺真係好哈爾濱啊，之前一d都唔覺，所以好興奮。
之前行過左邊、對面，所以今次向右邊進發。
右邊係松花江大橋/松花江鐵橋，以前係比火車行既，仲依稀見到火車路軌。
依家已經變左行人天橋了。而火車、車行既橋就係正隔離，變左雙層行車。
大風同落雨，個身係夠衫、夠暖的，但凍到隻手彊左，因為要影相哈哈哈。
但因為出門時無預到會落雨，所以係無帶到手套的。好好彩係件褸係防水。
係條橋度其實都留左好耐，睇到冰裂、浮冰撞冰、卡啦卡啦聲好型。
仲有望到隔離條橋有火車啊啊啊、動車啊啊啊來回來回，嗚呀。
因為落過雨，個天開始無咁大煙霞，仲要有藍天添。
行到都OK遠之後返返轉頭，落橋再亂咁行下，見到個小型既火車展覽。
之後，行walmart買左個暖水壺，諗住得閒可以沖下朱古力/茶飲，
好平啊$19.9rmb可以熱足24小時，暖足48小時啊啊啊。
回程就係中央大街再行左陣、然後又去番個市場買豆漿，
跟住返ibis拎行李，出門截的士 (巴士要轉車、而且慢、所以唔了)，
$20rmb到 哈爾濱西站 坐高鐵去 瀋陽站 了。
 |
| 嗚呀，好鐘意一大片月台同路軌 |
 |
| 剛剛好日落時分 |
其實都知點解會有咁大煙霞，因為d農民都燒山燒草燒地燒田，
希望令土地更加肥沃。好可惜，真係搞到個天同空氣好差。
到左瀋陽站，出閘既時候，有個職員叫我地去磅行李。
話每人只可以帶20kg，我地2個加埋53kg，於是超重，要比$13.2rmb。。
不過今次旅程，真係得呢程高鐵要check。
幾得意，飛機只係磅你行李，但高鐵係所有隨行物品包括背囊。
即係如果你行李係14kg，背囊7kg，你都已經超左重了。
落車之後，搵酒店checkin。
其實一直唔知間野係邊，maps.me同google map mark既地方唔同。
Maps.me 同google map都mark得好遠，起碼行20分鐘，
但係呢間係glotravel book，佢地話行幾分鐘就會到酒店。
最後發現酒店既地方，同maps.me、googlemap都唔同，
好好彩係行左某條街，又好好條隻眼無啦啦望向右邊又望到間酒店。
如果唔係應該有排搵。
就咁樣，路程其實真係幾分鐘，真係好近。
checkin就比左張早餐紙我地，雖然第二朝係完全唔記得有早餐呢回事的。
酒店個景都幾靚，望到瀋陽站。
返到酒店唔早唔遲，不過當然去夜遊啦。係瀋陽站附近行，首先去番火車站度望望。
望完就出去兜。兜兜下見到夜市好似好好味。
買左兩兜粉、幾串魷魚、幾串雞，全部都好香口嗚呀。
食完已經好夜好眼訓就訓左了，等聽日去中街站逛逛先。
- Day 3 完-
沒有留言:
發佈留言