西山飯店一出，就係一堆體育館，
每一個體育館上面都有個icon表示呢個館既訓練項目。
琴晚太黑完全唔會望，今日先見到。
平壤d路、或者話成個朝鮮既路況其實都唔太好。
講真其實都幾爛，可能坐得後，成日坐坐下成個人彈起。
 |
| 好多雀巢。同埋d車好勁，條橋好窄仲要路況麻麻仲可以渣好快 = =... |
電車電車電車！！
一大早起身就去金日成體育館，因為琴日先落地，
今日望出車，好多人都著住朝鮮服，
我個陣仲以為佢地每朝都係咁樣著住黎晨運。
好多人都係度熱身，嗚呀。
DPRK = Democratic People's Republic of Korea = 朝鮮民主主義人民共和國。
有好多來自唔同國家既跑手準備入場。
係呢個時候，(實際係英文對話)
導遊話：唔可以拍片呀~
我地話：咁啊…gopro用黎影相囉…
導遊話：嗯……OKOK
跟住因為同行有個背囊，入面放左大量相機。
導遊：你個背囊唔放低啊？
同行：有食物，有相機，我會孭住啊。
導遊：你個號碼布要放係背囊後面，唔好放係衫後面，會遮住啊。
同行：OKOK。
呢度周圍都係兩父子既相，成日係度諗佢係咪記得晒d位放係邊。
會唔會有d之前掛左一幅上去，之後唔記得加番多一張相上去。
好快就要開始了，全碼既會係8:20am開始起跑。
10km既就8:25am開始。
呢個時候好似其實已經開始左？嗯。
 | |
| 경기(競爭gyeong-gi) 출발(出發 chul-bal) 시간(時間 si-gan) 은 (eun [是]) ~>> 距離比賽開始時間是5分鐘，所以無錯係已經要跑的了。 |
就係一片歡樂聲中(?) ，大家起跑了。
首先經過凱旋門。
呢個凱旋門真係日日都經咁濟，
經過得多到佢本身係個景點，d人會提出話不如skip左佢唔去。XD
哇，點解咁快有人回程既，唔通我地真係行得太慢！！？
萬年未起好既 柳京飯店 依家起好左了，之後幾日架旅遊巴仲好似專登兜住佢黎行咁……
真係幾高幾靚，聽講下年可以入住，唔知係真定假呢？到時會係佢定羊角島高級d呢？
街上面會有人行、或者打下氣咁。
見到有個得意bb走左去跑道同我地玩相機，
我地同佢影左幾幅相XD
 |
| 睇比賽既市民 |
 |
| 有是日賽事既banner |
 |
| 柳京飯店。有得住既話真係想試下添。 |
 |
| 10km回程點。亦係洗手間。 |
 |
| 朝鮮人真係好勁，紅色字布係半碼，嗚呀，快過我行10km……！！ |
 |
| Banner入面紅色大大朵呢隻 叫做金正日花。 佢另外仲有隻紫色蘭花就叫 金日成花，遲d有日去花展會講。 留名等睇金正恩花出現。 |
 |
| 花季，開花了 |
 |
| 補給站 |
 |
| 返到凱旋門，即刻由行變慢行…… |
 |
| 最後要跑多一個圈，本身係想係咁多觀眾面前扮下型的，而我真係無乜氣扮型扮到一個圈XDDD |
因為已經跑完10km，所以周圍行下。
講起馬拉松，有個應該係非洲人超級顛，我地跑10km就到終點既時候，
個非洲人拎住個gopro好似已經來回左10km個路程2次…… = =
 |
| 超級拉筋法 |
 |
| 其他團既wechat框框。 後來我jam左wechat同ig框。XD |
 |
| 各國選手！ |
 |
| 半碼係橙色布。拉筋了。 |
 |
| 播晒歌、超多人跟住。 以為有高官入場。原來係第一位全碼選手回巢，嗚呀。 |
睇完全碼選手入場，我地就走周去行下先。
因為仲有兩粒鐘時間，全碼個完成時間先到，咁先會開始頒獎閉幕。
好正，嗚呀，好難得係朝鮮既無王管時間！
 |
| 有賣馬拉松紀念帽 |
 |
| 有賣下小食。 |
 |
| 買左兩隻雪條，甜到呢…… $5/支 |
 |
| 再買個薯片食下。$5/包 好得意佢無營養標籤，但大部份既野食都會寫每幾多g有幾多kJ。 |
 |
| 另一邊岩岩有人跳完大媽舞 |
 |
| 街上面有朝鮮人來回行。 |
之後有日都見到，所以話唔比佢地出街係假的。
另外以前有傳話cool牙既人唔比見外國人，
但我地既導遊韓導係cool牙的，所以呢個傳聞亦都係假的。
 |
| 地鐵站門口有超多人。 其實成條全碼線兩邊應該都唔阻你行，但唔會比你落地鐵或者入建築物。 |
 |
| 再返返去個市集都望下d野食。呢個唔記得幾錢。 呢個腸明明係轉緊，買既時候佢又真係會等佢轉多陣，但拎上手食就係唔熱既。 |
 |
| 買左兩個卷 $5/卷。佢話無rmb找，問朝鮮幣得唔得。我話：好呀好呀。佢就找左朝鮮幣比我。 於是我就係呢日已經得到朝鮮幣了。XD |
 |
| 再買左兩個冷麵食，無即刻食，而係後來坐車同埋放入雪櫃等宵夜既時候食。 佢個醬同麵都好好味喎！！！！ $15/碗 |
 |
| 等到就黎關門就入看台。 |
好快個閉幕就完左，有香港人上台喔。
完場了，本身對面滿滿既朝鮮人，表演秒速離場。超級快同整齊………
落到地面，見個頒獎台無人，就衝左上第一名個台度玩XDD
跟住玩完之後。d人見到我地玩，就走左上去，
變左個度好長龍，而我地就閃了。
 |
| 朝鮮人既超級整齊離開大法。 |
 |
| 好多人喔。 |
 |
| 上車等，我本身以為佢地會好快到，但結果係等左好耐先到XDDD 我本身太擔心自己會遲了XDD |
 |
| 無野做，又餓，食下頭先買左既冷麵先。 |
 |
| 平壤單軌列車，好正喔。 |
 |
| 其實頭先係檔仔仲買左支酸奶。唔記得幾錢了。 嗯……………？食評就，嗯。 |
半碼開始有少少少爛，到全碼個邊，近大同江就差d，凹凹凸凸。
可能再過多幾年，多d人去旅行，
佢地多d錢就會修埋遠d既路？
- Day 6 PART 1 完 -
沒有留言:
發佈留言