朝早起身。呢度係等lift個度望出去，中間就係羊角島，右邊係未來科學家大街。
出發了，去南浦特別市方向進發，
會經過 農社，本身會去埋幼稚園，但點知今日佢地放假……
無得玩細路仔(#
又係同以往(e.g.38線個位置)一樣，首先會話金氏黎過幾多次，
跟住又同個銅像鞠個躬先開始參觀，
今次個銅像超多人，因為連埋農民都整埋落去。
(圖)
不過金氏去得既地方，都好靚靚仔仔好好睇睇了。
睇既時候其實想去廁所，但又驚好核突。
不過之後發現係唔臭的，呢度d人做既衛生都唔錯，只係……無水。
於是拎左d支裝水同濕紙巾黎洗手。
睇完繼續出發，其實呢個朝早重點係睇水壩既。
唔洗理caves個句，唔關事，幅圖主要係講緊現在位置 - 水壩。
一邊係馬路，一邊係火車軌喔！
到左之後上山，就見到頭先行既水壩。
跟住睇度又睇片，睇金仔整水壩既情況，
講話呢個水壩令到大同江既水可以比到居民足夠水源之類既野。
觀景台仲有360全景睇，好大風但視野好廣啊。
呢個時間咁岩有船要經，
所以水壩中間既路係旋轉左，同水壩成perpendicular，
咁架船就有位可以過了~
睇完就返南浦市食飯，嗚呀唔知點解d相亂晒搵唔到食左乜野啊啊啊。
食完飯就返平壤 ~ 電 ~ 車 ~ 遊。
不過其實有d失望，以為係同朝鮮人一齊逼，點知原來包左架電車XD
當地人就5朝鮮幣1程，不論遠近。
外國人就貴幾百倍，$15歐，不過估計係講緊包一架車。
咁差唔多啦，電車有3卡。 不過當然團費是包左。
從車庫跑出。
唔知係咪講緊路線圖同載客量？？
 |
| 其中一個團友上左車跑左去最後。 |
而係就算係平民坐既車都係有花的。
 |
| 行駛中。 |
個個都坐係最頭個卡，所以最後2卡係無乜人，圖為另一位團友。
呢個時候導遊開始講解下電車，
電車有d位係類似關愛座，係比老人家的，
但好似無mark住d標記，所以應該係約定俗成。
仲有d位係比軍人坐，有d位係比小朋友坐之類。
然後就係電車車身，有幾粒星星，就代表佢地安全行駛左幾多年。
越少星星即係佢越新……又或者，佢發生過意外?？？？
電車經過幾個站比我地落車行下之後，最後到左光復百貨公司站。
而我地就係呢度落車，去我地之前去既時候已關門既百貨公司shopping。
3點幾開始行，比1個鐘時間我地行下，之後係番百貨公司門口等。
(圖)
聽講呢度既廁所係恐怖級，
唔知大陸轉車站恐怖d定呢度，不過我無睇過亦都唔諗住睇。XD
另外入面係唔比影相的，雖然陰d陰d咁影相都唔會點理你，
可能因為好多外地貨品，包括大陸、美國、日本等等。
首先入到去，就係…兌朝鮮幣！！嗚呀，之前成日都rmb、usd、eur，
就算係馬拉松個日找番黎都只係得3張朝鮮幣，
而依家終於有得自行兌換金仔幣了。
雖然話朝鮮幣唔帶得出境，所以買完之後可以黎呢度兌番做人仔，
不過當然無乜人會咁做，因為個個都想儲嘛，然後無人制止你一定要唱番。
當然，出境如果係火車走就小心keep好，比人發現就充公了。
如果飛機走，就9成9 check都唔check你。
本身我同同行每人各兌左$100人仔，即係$115000朝鮮幣。
而我行左兩轉之後火速地用晒咁濟。
不過好神奇儲到2 sets (除左$10朝鮮幣)，
後來導遊比左d $10朝鮮幣比人，等人儲齊一套XDDDD。
成個百貨公司三層，
第一層日常食品、第二層家品藥品衫褲、第三層foodcourt。
雖然三層但唔係好大，都唔係好多野想買，所以好快行晒。
結果買左d咩呢？朝鮮出品既糖、公仔麵、魷魚絲、薯片、等等。
試下同香港/其他地方有咩分別。
薯片係偏淡無乜味的、但夠脆，而且成包滿滿都係，唔似香港咁買空氣。
糖就偏甜，麻麻地。公仔麵、魷魚絲未試。
另外有時買野，找錢佢費時比太細面值你，會比粒糖代替…XD。
跟住同同行meet既時候，
我地行到去一檔賣朝鮮服，寫住$792,000朝鮮幣，即係大約7舊幾人仔。
由於之前睇既都要千幾人仔，於是停左落黎研究下。
拎住件衫問個sales，佢講左一堆朝鮮話，唔知佢up乜，
咁岩又見到金同志，就叫左佢過黎。
跟住金同志其實都唔係好識中文，唔識表達，
佢就講「麻布~麻布~」
我以為佢講衫既質地係麻布，咁其實又無所謂，於是諗住去兌左8舊人仔。
個sales都係用奇怪既樣望住我地，同埋同我地、同志講一堆朝鮮話。
係呢個時候我真係覺得應該要學下韓文 .. -__-"
兌左8舊人仔，
講漢語既女導遊小金可能見到我地幾個人企埋一齊唔知做乜，
就走過黎問發生咩事。
我地話我地想買，跟住個sales就同佢講左一輪朝鮮話，
小金就話：「呢個係布黎，買左要自己縫架~」
嗚呀，唔怪之得7百幾人仔咁平，原來要自己車，
而頭先金同志話：「麻布、麻布」係講緊呢堆係布黎，唔係衫黎…
望住差唔多一百萬既朝鮮幣，我地決定唔買了，
然後係個兌換店將d錢兌番轉頭。。
雖然越南盾一定更加更加誇張，但朝鮮幣都唔輸蝕，如果係港紙就發達了。
不過唔知個人係咪真係有數，因為唔記得邊d係舊兌邊d係岩岩兌、
亂咁將其中一疊比個兌換店個人，佢數數下全數收晒，
跟住比番頭先兌出去既人仔我地。
究竟有無多左？有無少左？真係唔知。。
但好彩小金黎左，唔係就買左堆布返屋企要自行研究點車了 =口=
百貨公司之後，成個團兵分兩路。
因為有個額外行程，d人話想睇當地人溜冰、另外就係咁岩今日有雜技表演。
由於好多人都想同當地人交流，於是就簡左去溜冰。
而我因為唔識朝鮮話其實都無得交流，於是就簡左去睇雜技。
結果有3個人睇雜技，14個人簡去溜冰。
好搞笑，佢地過場原來會有朝鮮棟篤笑，雖然聽唔明，但係小金有翻譯下。
小金睇到哇哇聲。另一個同我地一齊睇既係外國人，佢話amazing。
有d真係唔要命既表演咁款。
當中疊羅漢有失敗，但失敗左唔會再整多次，可能要趕進度XDD
成日都覺得佢地好識落地，隻腳好似唔會痛咁，一定練左好耐點跌先唔傷。
另外，聽講南韓都係，佢地馬戲、雜技係用live band XD
即係現場聽到既音樂係真係後面見到班人拉小提琴同埋打鑼打鼓，超勁。
佢地係朝鮮既雜技團，聽講成日都係其他國家有巡迴表演。
但係望佢地d樣，唔係朝鮮樣咁，d眼大大粒，化妝有d似內地。
問導遊佢地係咪全部都朝鮮人，導遊話係呀~
馬戲好搞笑，係人咁大既熊人表演。
不過個台唔大，所以空中飛人唔夠型。如果台大d，d人拋得高d遠d好睇d… XD
可能因為睇過大陸長隆個台好大，所以覺得空中飛人個細台唔夠喉。
大約個零鐘既表演，睇完之後我地去溜冰場meet佢地，
當時溜冰既人應該走得7788要返屋企食飯。
團友有d打緊乒乓波，大部分都溜完冰。
佢地話人唔係好多，頭先多十幾個，而且其實都係各自玩咁，
但都有得意野既。
 |
| 溜冰場 |
 |
| 如果想去溜冰就係呢度.. sor我較太暗... |
 |
| 溜緊冰既人 |
之後就去琴日掛住訓無去既beer bar。
本身呢度都有幾個朝鮮人hea緊，可能我地大嘈，或者太遲黎，
之後佢地就走左。
(圖)
呢間beer bar係大同江邊，主體思想塔附近的。
一路飲下野、一路成班吹下水咁。
之後回巢，寫postcard [$4人仔一張卡，$10人仔一張往香港郵票] 。
因為聽晚去元山市，所以呢晚又要執行執然後先有得訓教。
大家當時都話：
「唔知元山市住個度有無水沖涼。不如扮唔記得拎行李，放係呢度算啦。」
當然最後就無咁做既。
訓一晚，聽朝又要晨咁早出門了。
- Day9 完 -
沒有留言:
發佈留言