【中國東北 + 朝鮮 15d14n】Day4 瀋陽 (張氏帥府)

Day4 ： 2017年4月7日 星期五

其實呢日有d貪心，想朝早去張氏帥府、中午去瀋陽故宮、下晝去北陵。
不過當然，以我既懶訓程度，係連7-10am既早餐都無起身食既。
嗯，其實都唔算係起唔到身食，只係完全唔記得有早餐食呢回事。


好，起身出門其實好似都11點幾，咁直接出發去中街站啦。
嗚無得食野，無野食既時候個樣係會好似未訓醒咁，
當然加上本身都係未訓醒。




到左中街站，就亂咁行下行到去張氏帥府。
其實張氏帥府唔係好大，入面既裝修已經係近代(？)既裝修。
其實唔知點形容好，
應該係話有一舊係中國feel d、又有一舊係近代feel d咁樣，
放埋左係一個地方度。

經過個唔知乜野門。呢度有d得意，就係有一堆人係城門掛住個牌，講自己既技能。
如果有人需要呢d技工，就直接問佢地收幾錢做d乜咁樣請佢地返黎做野咁。
主要都係工程相關既技能黎。聽講香港以前都類似係咁樣請人返去做野的。

中國d景區門票真係貴都無人有，除左北京。
有時覺得北京真係最抵去既地方，d景區相對真係平好多。
我覺得呢個府，同故宮相比，其實最多只係值$30rmb XD
但真係幾多野睇既，而且佢係聯票，算啦。

有多假人，雖然有d得人驚，但又幾有趣既，起碼唔係夜晚開放比人入去睇，嗯。

呢part就係我所指既中國古代feel建築。咁岩有旅行團到，比較多人，好快d人就走晒。

個中國真代feel建築向右行，就會去到假山花園，之後就會見到近代建築。

其實呢個館有好多歷史資料，如果唔眼訓其實幾好睇，
但對於歷史，尤其事發順序，我個腦真係記唔到而且真係1999。

我係鐘意睇的，但係好多字我都唔知佢講緊乜，
好似英文譯中文咁，定唔知新詩feel定寫緊d近代式文言文要load一load先明。

不過後來有個導賞員走入黎講解之後，雖然都只係明多dd，但好過一d都唔明。
而且都起碼知張學良幾錢歲發生過d咩事，佢既諗法。

其實呢d以前讀中史係有講過下，但我呢d記近代野真係唔係好得……所以……

仲有就係，好多人好鐘意掉錢入去d地方，好似玩緊冒險樂園彩虹咁。
有個牌係度寫住唔好掉，但周圍就一堆銀仔同紙幣XD
呢度仲有個關帝廟，勁多人掉煙比關公…… = =……

一路睇野，睇野、睇野，因為真係會去睇d字，所以都用左唔少時間。
行完之後再去金融博物館。

本身以為好無聊，但一入到去，第一個場景已經幾吸引。

之後開始講下銀幣變化，我就覺得呢個館改錯名了。

因為睇個名真係會以為係無聊野，但入到去睇既野我覺得仲有趣過張氏帥府，
而且真係skip左就好可惜。

呢度d人勁鐘意關公，話說金融博物館係講銀行、古代錢幣變化、金銀銅之類，
唔知點解有個勁大銅錢組成既房無啦啦有個關公係度，唔係應該放財神咩。

佢最初幾個館，係講由真係好耐好耐好耐好耐以前用乜，到依家用乜。
然後最後講埋其他國家點樣都開始用銅錢、銀幣，同埋現代各國既紙幣變化。
真係幾好睇，而好睇到唔覺意就用左成個下晝。

最後去埋趙一荻故居就諗住去瀋陽故宮。而去到瀋陽故宮已經關左門了。

同時太夜了就SKIP左無去北陵。

跟住搵野吃。
開心，好野食了！！！

東北餃子真係好好食。

食完野再去瀋陽故宮門口望望，

仲要有個光頭既男人著住女裝，化左妝係故宮門口跳舞…………無影，

見有人放航拍機去瀋陽故宮內部，我地就跟住去睇佢玩航拍了。

係佢隔離望望下，佢直接show比我睇佢架航拍機拍到既野，
滿足我對內部既好奇心 XD。

出返中街，有條小食街，雖然無買野食。
不過講起呢度，唔知係東北興起、定係其實全中國都興起，
呢度有唔少既 迴轉火鍋，就係一人一個鍋，
跟住係個迴轉帶上面轉住一串串既火鍋料，一串 $1，
你要就拎，用竹簽計錢，最低消費$8。
其實咁又幾正，不過無試過，因為黎到東北食下東北菜好過打邊爐XDDD。

因為仲係好早，但d景區又已經關晒門，唯有係中街行下，
然後夜晚返酒店放好野又再係瀋陽站附近行下，
同埋食埋呢次旅程入面，最後一餐係中國東北既晚餐。

不過好有趣，本身叫三鮮定唔記得係鮮肉，
佢話無了，問我地要其他得唔得。

跟住拎左類似灣仔碼頭包裝既兩排唔同味既餃子，問我地想要邊款。
雖然有d想走，但都簡左是但一隻。

不過食落又幾好味，嗚。
點算，點解平時自己煮又無咁好味，是咪因為我太肚餓。

不過個汁又係好正。

食完之後就返酒店，執好野，早d訓 (雖然都11點幾12點)，
因為聽朝要6點起身啊啊啊啊啊啊啊。

- Day 4 完-