【中國東北 + 朝鮮 15d14n】Day7 萬壽台紀念碑、平城市、祖國解放戰爭勝利紀念館、開城市

Day7： 2017年4月10日 星期一

呢一日好早起身，但其實唔係好知自己會去邊，因為都唔係好跟行程黎行了。

不過可能前一日同佢地講過下，本來由英文導遊做主導，後來改左做漢語果個，

所以佢都開始會講下黎緊做d咩，同埋介紹下呢個地方，講多左好多野。

首先會去人民大學習堂附近既噴泉公園，

黎呢度唔係為左睇噴泉，而係為左買花。

買花做咩呢？就係一陣要去萬壽台了。

今次領隊買左一束花，代表所有團員，

而有d人都自己額外再買一束咁。

黎到呢度又係比我地周圍咁行下，佢地就去買花。

因為呢兩個禮拜其實都叫做金日成壽辰前一星期，所以好多人都會買花、獻花。

由最初d花未開，到依家開始開左一兩棵，到最後幾日佢開到周圍都係仲有花瓣飄睇。

春天雖然周圍都係枯枝，無夏天既綠、秋天既金黃，但佢開花之後真係好靚喔。

其實呢度都行左一段時間，之後就上車去萬壽台，

期間經過d學校。

落車之後過隧道，上樓梯，跟住就到左萬壽台。

呢束應該係金正日花，好紅好大朵。

其實唔係我/同行買，但買個位要影相，所以比我拎住左XD。

獻花既時候就比番佢啦。

獻完花，就到見到有一批人上黎獻花。

係度一帶有 千里馬像、金日成像 + 金正日像 (中間)、萬壽臺大紀念碑(兩邊)。

跟住就走了，所以係度其實都係黎朝鮮既基本儀式咁，無話景唔景點。

沿途好多花樹。落山、過隧道、去番對面馬路，然後上車。

所有人上晒車之後，就向 平城市 進發了。

話說之前提到有個實習生跟車，坐後排的，比較近我地坐既位，

但佢好明顯唔知乜野可以影，乜野唔可以影，

跟住去度邊都叫人快d行、快d行 同埋 唔好影、唔好影，

跟住最初坐前排既人問：「呢個人成日唔笑好似黑口黑面，佢其實係點架？」

後來，我已經係當左佢係個隨行保安 :0)。

去平城市係為左去一間叫 金正淑第一中學，

亦係話全國既大部分精英都會係呢度讀書既地方。

之前有單新聞： 2016年07月29日21:04

脫北者在港求庇護　原是北韓數學資優生

http://www.appledaily.com.tw/realtimenews/article/new/20160729/918145/

佢就係本身係呢度讀書既學生。

而今次我地黎到，除左參觀，仲有去其中一個班房，

咁岩佢地上緊complex number，即係a+bi既i。

佢比10分鐘我地同佢地傾下計。

有人問佢地有咩科讀、邊個學生精通d咩、或者日常會做d乜之類。

原來佢地有科叫做 Anti-Japanese XXXXXX。

 好似係課堂之間既break，d人就會係度做下操。

 估計係精英學生表。

團友問野。

佢地學緊既數。

學校出面d佈板。呢張有postcard賣的XDDDD

無論朝鮮定韓國，都會話自己既國土就係成個朝鮮半島。

行完之後就係午餐時間，我地就係平城市度食午餐。

蟹，但無乜人食。其實都無乜肉 : P

雞，全部都係雞。

餃子。

鯰魚煲。嗯，鯰魚有點怕怕。

食完之後就返平壤了。

去到平壤就是去睇 美國間謀船 同埋 祖國解放戰爭勝利紀念館。

聽講以前 祖國解放戰爭勝利紀念館 未集合做同一個地方展覽時係比影相。 但依家係唔比影相的，所以後來就買左本講呢個館既書，有相同埋有內容。

講番個館，首先到左既時候，就會係有個軍人帶住你，講解下，

今次係個女軍人，唔知點解個樣好易認，依家唯一記得既路人樣就係佢。

一開始就係一個石碑，然後就開始落樓梯，有少少「埋伏」感，

跟住，就到左放置佢地稱「被朝鮮炸毀既美帝國主義戰機」，慢慢做介紹。

睇完呢個之後，就係去美國間謀船——「普韋布洛號」上。

節錄自wikipedia：
https://zh.wikipedia.org/wiki/%E6%99%AE%E9%9F%8B%E5%B8%83%E6%B4%9B%E8%99%9F%E9%80%9A%E7%94%A8%E7%92%B0%E5%A2%83%E7%A0%94%E7%A9%B6%E8%89%A6
「迄今為止該艦仍然由北韓方面保管，1998年普韋布洛號被拖到西海岸，停放在平壤的大同江畔，據說是舍門將軍號事件發生地，作為博物館用途而成為當地非常受觀光客歡迎的名勝，但美國海軍方面並沒有將其自海軍艦艇名冊（Naval Vessel Register）中剔除，名義上仍然是現役中的艦隻。美國雖一直保持要求歸還普韋布洛號的態度，而北韓方面也數次以歸還該艦為條件換取與美方建立較密切外交關係，但由於雙方在核子武器發展、人權問題上一直有極高度的歧見，因此美方並沒有將普韋布洛號的歸還視為第一優先，而讓這件事一直擱置著。」

首先睇左條超多形容詞既片。
總之就是朝鮮好叻叻發現左邪惡美帝既陰謀，
之後人地話要炸佢結果最後都係要寫道歉信之類既片。

之後就係船度參觀。

其實都幾多野睇，但睇既時候就好少影相。
行左一圈睇左d手寫文稿、設施等等之後，就落船了。

落船之後就是去祖國解放戰爭勝利紀念館，其實好順路之係係隔離。
入面係金碧輝煌好靚的，然後就有好多相、模型、模擬實境，

最後係最頂層有個旋轉全景畫，有埋聲效同打燈，又幾好睇。

講番入到去做左d乜先。

入到去由係睇左片先，超眼訓就黎訓著，都係一堆形容詞講38線板門店。
跟住就有地圖、壁畫、相，都係講1951-1953年期間發生既事。

首先就是一開始大家都係38線度作為區分，
以下 如果我無記錯就係咁，但個陣太眼訓了所以.. 當我亂up就得了：

跟住又講話當初凌晨4點美帝無啦啦空降d炸彈係開城，令到戰爭爆發。
然後佢地既偉大領袖金日成揮軍南下韓國，爭釜山就達成統一之濟，
美帝就援助韓國，於是打番上38線以上，因為搞到強國d地，
強國同俄仔就一齊同偉大領袖打番落38線之類。 
最後就有人提出不如停戰啦，就畫左條38線，
朝鮮就話拎埋38線以下既開城，
而因為東面佢地唔可以無天然屏障，所以以金剛山為界。
就形成現在既38線了。

跟住一路繼續行，上到頂睇旋轉畫，
係講一個地方(應該係開城)有一晚突然周圍都係火光，
轉左一個圈之後大概get到個重點，就係佢地好叻叻地捉到個間諜，
然後打仗贏左，回復和平。

睇完之後，就落番去下層，然後行多陣就要走了。
出到去，就見到柳京飯店。

跟住上車，出發去開城！即係朝鮮入面最接近38線板門店既城市~~

呢個碑係指：
一邊係北朝鮮(北韓)、一邊係南朝鮮(南韓)，佢地係一樣樣，所以無分彼此，
而佢地手拉手，即係代表住佢地既友誼………

睇到之後，其實個心都只係…笑一笑。

「我在這裡撞了頭。」嗚，好DUN啊。

沿途就係d人想知朝鮮有咩歌，於是係咁r導遊唱，
導遊話如果唱既話，你地都要唱，每個唱完就點下一個人。

於是就聽到金導、韓導同金同志唱歌。
避開左南韓既歌，台灣/香港既唱那些年、我的少女時代、上海灘、eason等等。
外國既唱下英文歌咁。

個司機不斷要左右行黎避開d地洞。。。

修路中。不過似乎唔想比我地影修路……

日落時分。

實習生話佢好鐘意食煙，佢話佢食呢隻煙叫「黎明」。我地問，呢度d人鐘意食乜本地煙，佢話「727」。
我地問佢做乜唔食「727」要食「黎明」，跟住佢話佢唔買煙，我地問佢邊度黎，佢話人地比。

其實實習生講野都唔係好信，因為佢都唔係好聽得明中文……
未必聽得明人地講乜問乜。

有團員講「我好擔心金同志佢畢唔到業呀，仲有一年時間，
依家中文又唔得，又唔識 r 水吹，第日點做導遊呀…」

我深表認同。

架車dun下dun下，入夜就到左開城。
其實因為岩岩係個館度，聽到1950定1951年凌晨4點無啦啦開城比人炸，
即刻諗今晚唔會無啦啦比人炸架可？

開城住既係古城區既開城民族旅館，住既係朝鮮以前/現時鄉郊既生活體驗。
應該同韓屋類似。

個廁所太正，個馬桶係成個廁所既正中間，馬桶後面係洗面盤，
馬桶隔離係沖涼既地方。

1. 是日無熱水 (其實應該唔係是日，而係日日)
2. 洗手盤d水好少，於是專登用個樽裝起d水，咁就唔會等好耐先夠水洗手。
3. 其實有得唔入都唔想入個廁所，於是…是晚只係用水抹抹身…… 其實除左廁所其他都唔錯的，不過都要講，好彩只係住一日。XD
4. 過埋今晚就有羊角島住啦，唔係西山飯店啦，所以應該可以沖得乾乾淨淨既！

有床，有地鋪。結果最後張床無人訓，因為地下係有暖氣的，舒服d。

得大門有鎖，大門後有4間房，每2個人一間。
超應聲，隔離d人講野、電話鬧鐘全部都聽得好清楚XD

之後去食野，食野既入口好得意，扮森林，即刻諗起今日係個紀念館度，
個模擬實景有雀仔聲個條山林路，呢d叫唔叫首尾呼應 XDDDD。

餐廳個侍應係著朝鮮服的，同埋呢度d人好得意，個腦好似有set指令張台上面既野係點擺，
一移左位佢地就load唔到，會捧多碟上黎。

另外就係，朝鮮既蛋真係好好食，呢度10日入面，好多餐都有蛋食，
每款蛋都唔同樣，炒、煎、"分子料理"整到成個糕點咁、蒸等等，
但全部都超級好食，點解呢度d蛋可以咁好味？？？

食完野返房，睇電視，係朝鮮台呀。

佢到左11點就係新聞、天氣報告，跟住完~~。
是日播既新聞係，金日成花花展既金日成花現況喔~~~~~~。。

- Day7 完 -