朝早起身，同行又係日出，不過朝早多雲睇唔到。
不過窗外有架12粒星旗既車，應該係eu車。
朝早起身又要拎行裝去食早餐，
呢度幾好，會比人斟水，羊角島早餐時都可以，
但西山飯店唔比人斟水的，而開城族館有個暖水壺裝好水。
食完早餐就開始今日行程，首先係松濤園國際兒童聯盟營舍。
一開始又係講金氏黎過幾多次，然後講翻新，
講以前只係比朝鮮人、依家各國都可以，
「望下銅像有鬼妹、有黑人架。」
暑期時海外都會有招攬，仲話大家可以join。
見到松鼠，呢度都好多。
跟住就話，呢張係地圖，你睇下係魚既形狀呀！
眼就係個鐘。
今次係同埋隔離團一齊行既，所以好多人，
而且隔離團有班自high既，好似都幾有趣幾歡樂。
金仔落場監督個d設計都好似靚d，可能請到個好既設計師。
除左呢度，之前既少年宮，同埋上任後既樓宇設計都色彩繽紛d。
開水喉，d水黃色既。。 可能太耐無人用？
因為呢個營舍都係主打夏天。
男仔既宿舍。
男仔個洗手間d水喉水反而又OK清。
飯堂，又係翻新過，因為佢牆上面有金仔黎個陣既相，d凳無咁歐式的。
比d小朋友煮食既廚房。
比佢地上既山藝班。
我、係、原、石、控、呀！！！
好鐘意原石呀！！！好想係度瘋狂望！！！！
好想要原石呀！！
表演劇場。
遊戲室，有電腦喔，好想開。
d鍵盤滑鼠係朝鮮牌子。
又幾有趣，機鋪咁，幾多野玩。
但係呢個營唔知點解可以留兩三個鐘，雖然幾得意，但…嗚，有d眼訓。
周圍都係學動物英文既牌。有fox。
然後去參觀游泳池，
要戴鞋套，幫手抹地咁XD。
之後去水族館，依然要鞋套。
潛水員係度抹緊石。
其實都幾得意，因為明明無人但都不忘maintain。
不過我又講廢話了，唔maintain無晒魚唔通等再買咩。
隧道。好似海洋公園咁會有魔鬼魚之類係上面游過。
唔大唔細，行左兩個圈就出番去。
估唔到呢度會有個水族館XD
講起琴日車程，有團友問金同志知唔知咩係魔鬼魚，金同志話「知呀」。
跟住今日就見到。
然後金同志問香港有無水族館，我地話：「有呀」。
可惜無相比佢睇。
個陣即刻覺得出發前應該塞滿香港唔同既野比佢睇，
不過出發之前無諗過要咁做，呢d是咪叫做「圖到用時方恨少」。
之後去海岸廣場，個度有架日本既船，話係以為朝鮮人來往日本時會坐。
但有一日，呢架載住朝鮮人既日本船黎到呢度之後，朝日關係緊張，
結果架船就泊左係度無再返去，直到依家了。
(圖)
隔離又係金氏銅像，同埋大花園。
(圖)
上車再繼續向前行，就到左對住日本海，延綿唔知幾長既海灘。
呢個海灘係朝向日本海的。
d沙超幼同埋唔痴手，好好玩。係沙灘都留左唔少時間，d水好凍。
行到去碼頭見有人釣魚、另外就係，
係碼頭度每行一步都試下實唔實先，唔想佢一斷就跌落海。
係海岸廣場、海灘同埋食飯都無乜特別野發生，無野好講XD。
講起元山市，雖然唔係首都，但都叫做一線海邊城市，
其實感覺都幾舒服，d樓都係四四正正，人民生活既感覺係好純撲、平淡個種感覺。
一班班學生好整齊咁係馬路度行，好得意。
係琴日間餐廳食午餐之後就返平壤了，
既然路況唔好，但都訓訓訓，不知不覺打開眼就見到自己係山上面。
因為要上山睇雲林瀑布喔！
本來係行橙色線，跟住大約就係呢個位置繼續上山。
太勁，究竟如何踩車上山。。雖然應該好多人得。。但我。。。
到左某個位，落車行入去。
嗚，因為落落地雨，加上有d風，Ok凍喔。
好彩帶夠衫，唔伸隻手出黎吹風既話好暖。
繼續行，又係見到d睇唔明既標語。
如果識睇應該好玩好多。
行到半路，見到有個建築物，心諗：「唔係又係睇video然後話呢條水係瀑布掛」
同行話：「唔係掛，呢d唔係叫爆水渠咋咩？」
跟住繼續行，見到呢個，
唔算大，但應該就係呢個啦。
2001年發現的，所以崖上面有2001字眼。
btw同行話如果d水闊d會好睇d，依家d水太少了。
然後我就諗起，有個fd F好似係去印尼，係wtsapp post左張 一條水既瀑布相，
之後同時另一個fd A係南美，又係睇緊瀑布，於是回應咁 貼左張好闊既瀑布相。
於是，fd F 話：「完全係被秒殺」
我地就話：「如果貼呢個瀑布，都係完完全全被秒殺。」
(後話：後來係妙香山見到既瀑布，靚過呢個 XD)
執到舊有d閃閃既石，平時既我會執番屋企，但呢度既話…唔了。
聽講往年有外國人想拎d朝鮮標語走，
結果被發現就判左15年勞改，無咩事都係唔拎了，
一陣話呢度d石係國家重點自然保護區既產物就大獲。
睇瀑布最開心既地方，除左睇佢地壯唔壯觀之外，我仲鐘意聽瀑布聲。
聲對於我黎講都幾重要。就好似頭先睇海灘時既海浪聲。
大家都係女，感覺好唔同。聞起上黎既味道都好唔同。
呢度，團友入面既台灣人，用手吹樂器，又幾貼切。呵呵。
諗起小學個陣都好鐘意咁玩。
落時為左學識，練到落樓下玩、落街市買野途中都吹，
結果就係個次落街市練而學識左。
依家呢？唔知了，好耐無試。估計又要試下先pickup到個手勢掛…
好，睇夠就走了，行番黎個陣既路。
山泉水。
上車後就要落山了，今次望住佢落山，兜兜兜兜兜落山落山落山，然後入番公路。
呢度同去開城既路唔同，琴晚太黑都睇唔到，呢度周圍都係山。
因為朝鮮半島東岸大部分都係山喔。
之後又訓下醒下，到左一半路程，係一個休息站停一停。
係個水庫呢。
呢個位大風、好凍，落去行兩個轉頂唔住，上番車……嗚。
再行左兩個鐘就到左平壤範圍了，首先經過之前提過既統一門，
即係話朝鮮韓國一家親 本是同根生相煎何太急果個，
本身訓左，起身望一望。
可以落車影張相，一大半都落左車，但我決定係車度恰下。
睇完之後去食飯，都係附近的。
上二樓食野。
好味啊呢個豆腐，尤其個醬。
話說，又係有表演，又係個d歌。。。
跟住，同1班人，
第1輪 ，著住朝鮮服，任我地影。
第2輪，著珠片貼身短裙，話唔影得。
係咪其實佢地想保持朝鮮人係保守、傳統、服從、軍人既感覺？
因為明明珠片衫都無乜問題啊，都笑住提醒呢一輪係唔影得。
食完落番一路，有間店仔，就入去睇睇。
朝鮮蛋糕，朝鮮雪糕。
跟住d台灣人想用朝鮮幣買門口熟食檔d熟食，
店員見佢唔係朝鮮人、唔識朝語(/韓文)，就唔收朝幣。
跟住佢叫個導遊幫手買。
後來先知，朝鮮人同外國人買野，個價錢係唔一樣的。
兌rmb、usd、eur等等外幣係會兌貴d，
因為佢地(/國家)想賺外幣同係外國人度賺多d錢。
於是呢樣野係officially咁係旅客度賺錢，你係無得話佢地咁樣係呃人。XD
亦可能因為咁，佢地會盡量唔想你手持朝鮮幣。
除左係光復百貨公司，其他地方外國人應該係一律禁止用朝鮮幣買野，
另外就係，兌率佢地應該係跟國家計，有自己既一套。
餐廳門口既POSTER。
今日坐左咁耐車，攰了，再次checkin羊角島酒店，同樣係42樓、同1間房。
食飯時講起，聽日係太陽節，
領隊話未肯定可唔可以去睇閱兵，亦未知聽晚會唔會放煙花，
佢地話傾緊，希望盡量爭取到。
好，慢慢等消息，聽日再算，今日舟車勞頓，好好訓一覺吧。
- Day11 完 -
沒有留言:
發佈留言