呢日真係好早就起左身，五點幾左右，確認無執漏野之後就走了。
之前係瀋陽買左個南泡杯麵咁多日都無食，放左係羊角島間房，
仲有個南泡國旗，不過其實北泡隻色都係 紅藍白，
可能唔為意既 (嗯……)
跟住就坐半粒鐘車去平壤順安國際機場，
途中依然遇到有平民截順風車。
班機預8:30am平壤時間起飛，10:00am到達北京首都國際機場。
 |
| 大約拆既話係 國際(국제 gug je) 航道/航線(항로 han glo) 出發(출발 chul bal)？？ |
同時，去瀋陽8:35am既機都DELAYED。
去到11點幾，
12:30nn去海參威既機都mark左DELAYED。
無野做，就同小金傾計，同埋比琴晚print既相佢地。
小金同韓導話做導遊咁耐以黎都未試過航班delay。
韓導應該心諗：「我本來今日放假，比你地玩死了 x口x」
跟住傾傾下計，小金扁嘴話退左琴日買個對鞋了，
同男朋友分手，因為男朋友唔送鞋比佢，
但又話夜晚會同男朋友食飯睇下點，玩野。
因為今日要帶下一團，所以小金11點幾走左了。
韓導同我地講：
「there will be flight today,
not sure the exact time, but it will be before 6:00pm」
我地即刻：「6:00pm?」
有無得出番平壤玩架？水上樂園、metro museum之類呢，
今日咁岩星期一嘛。仲有龍門溶洞可能都去到 :0) ...
不過因為未知幾時有機，隨時都可能有，
所以佢地話留係機場好d。。。
我地問原因，佢話：
「瀋陽天氣唔好，飛北京一定要經瀋陽，所以…」
好似幾有道理，因為唔可以經南韓飛，
但點解海參威都Delay既。。。
咁於是就係機場行下，
由international走到domestic…來回左兩三次。
去睇飛機。
 |
| 2 航空(항공 hang-gong) 站 (역사 yeog sa) - 國際(국제 gug je) |
回望Terminal for International Flight，
話說Domestic呢度係凍d既，於是要返去拎件褸再黎過。
呢度既櫃員機。
 |
| XX(地名) 상업(商業sang-eob) 은행(銀行 eun-haeng) |
d人放d GIP係度排隊，話說其實有d人因為早到，原來已經入左GATE……
 |
| 출발수속 (chul-bal-su-sog) 出發/離境 程序 |
違禁品一覽。
落去Domestic。
 |
| 비행기표 (機票 bi-haeng gi-pyo) |
可以飛去長白山(朝鮮叫 白頭山)啊，想去XDDDDDDD
Domestic都delay，
咁應該唔係所謂困住你唔比你出境，留黎做人質掛XDDD。
到12點幾，韓導又走左過黎，叫我地上去樓下食野先。
我地食下野、又訓下覺咁。
食既係Air Koryo既餐，佢遞左碟蛋包飯比我地，
一食，蛋好好食，真係好好食，呢度d蛋真係超級好食。
不過，飯呢？無飯既？XD
坐到兩點幾，又落番去，
跟住出機場外圍兜兩個圈，天氣靚到呢。。。
因為好眼訓又訓唔到，
已經無力去行到遠遠遠d既地方。
於是就訓下機場，其實又唔係好想訓咁。
到三點幾，我開始諗，就算依家飛，去到北京都係食，
去下什剎海，食北京填鴨。
到四點幾，個departure board熄埋。
到五點幾，我開始諗，嗚我既北京之旅無了無了。'
再過多陣，開始有軍人急步行去遠處一間房，我望一望。
然後又有d機組人員開始行去counter，我再望一望。
個departure board開番，上面北京同海參威出左起飛時間。
18:30 同 18:35，status係 CHECKING。而瀋陽仲係DELAYED。
當可以入去既時候，我地同韓導講，有無delay證明。
韓導應該係唔知咩黎，跟住我地就講解類似既概念，
佢就諗左諗，搵左個職員問，然後職員話：
「啊。。寫delay紙果個人唔係office，我地又唔開得佢門…」
於是導遊就比左張原定登機時間既紙條比我地，
有我地個名、航班、時間同"pyongyang confirmed"既字眼。
韓導話，加埋個boarding pass既boarding time，可唔可以架？
個陣諗左諗，是但啦，反正無人係office我地都無辦法…
跟住就去checkin了。
checkin、出境、入gate，成個過程好快，
完全唔嚴，乜都無check，相機、手機、etc乜都唔理你，直接過。
快到連兩支500ml既水都帶左上飛機 = =
所以話，朝鮮真係唔同既國度，佢航空既限制都係同全世界唔同。
100ml水唔入得機場gate，係朝鮮黎講係無呢件事。XD
上機時，佢一mit，mit走左有boarding time個part。。。 : )
um，說好的delay證明呢，沒了 XD
有無得用flightradar當做delay證明XDDDDDDD........
點解係我個日DELAY呀！！！
入左gate，當然要搜尋我地出發前已經諗定要買既「金仔寫真集」啦。
羊角島都買斷市，有一團前幾日走左去訂，要兩日先有得拎。
之後我地再去問有無得訂，
唔知係果個人聽緊電話唔想理你定乜，就話無得訂。
於是依家黎到機場，當然要搵搵啦。
出現了。得番兩本。。 $70人仔一本。另一個架有三本，但我地無位放啦！！
見到登機口，不過我地去左隔離買人參。
買左一個紅盒的、一個金盒的，聽講紅盒以前好好的，
但開發過度，所以開始無咁好，反而金盒比較好。
不過金盒只有 天40 / 天 小枝，紅盒有最頂級既 天10。
買完，上橋登機。
哇，係我個位呀！！ 正到呢。
好彩唔係坐呢架，見到d螺旋槳唔知點解硬係驚驚地。
超廣闊，我地同同行兩個，跟住近走廊位係個朝鮮人。
正，播軍歌。
日落了。
就到北京。
呢程機真係戰機咁款，先唔講佢唔太穩，可能係天氣問題，
不過佢d廣播都幾細聲下，但唔緊要，只係落機個陣，
佢唔係對準跑道咁款，於是一落地個下，
佢左轉右轉好似醉駕唔識停車起勢避車個種感覺咁，
應該就係為左唔好衝出跑道。 -_-
隔離個朝鮮人都用驚完之後知道無事個種笑容，再呆呆咁對住我地笑。
佢個樣係 "(⊙▽⊙)!! ~~
落地了，終於。。。十粒鐘既等待，粒幾鐘既航程。。。。。好漫長。。。
落地之後第一件事，WIFI…囧。
機場可以wechat登入，唔洗再MSG去電話NUM拎WIFI。。太好。。
嗚，我既說好的北京之旅呢。
JS152往平壤，依家先有機。都好慘XD…
如果係4天團，本身今日朝早到，結果無左一日係平壤。。。囧。
拎完行李，坐機場線入市區。
就算就算就算無時間，我都要入市區 /___ \。
$25一張單程票。
到東直門站，轉地鐵二號線去鼓樓大街，我地間酒店。
到北京已經8點幾，入埋市區、到鼓樓大街站既酒店已經10點幾，
北京既野食一啖都無食過，無食飛機餐、乜野都無落肚但個肚唔餓，
已經無意慾食野。 最後趴落床就訓到死豬咁了。
Day15： 2017年4月18日 星期二
第二朝起身，checkout完，又原路咁返返機場。。。
真係一啖北京菜都無回味過就走啦！！！！！T___________T！！
個天仲要超靚、超藍，好糾結，好唔想走。。。
好想去南鑼鼓巷睇下依家變左咩樣，
睇新聞話佢趕走地道店，變晒紐西蘭野食，
想知係咪真係咁，點解係紐西蘭 -_-
無機會啊！！！
個天做乜咁藍呀！！！！！！！
嗚。。。。唔想走。。。
貴、劣食，但我真係好好好好好好好好好好好好好好肚餓................
我肚餓時心情太沉係無法做到正常既選擇........................
早到左，食野先。
跟住過gate，我無咩器材所以順利過到。
但check同行就超嚴，一樣樣野check咁濟，因為佢好多電子器材。
執完出黎，又要執番落去。。。
終於登機。
坐車去。
一落車，超大風，我講左句「哇，咁大風既，架機係咪飛到架？」
跟住就奶野了。
上到機，大家放好野，亦都宣佈左機艙門已關閉，
跟住過多陣，無啦啦派水……
心諗：奶野了，即係有排先飛得。
跟住佢出下去又返返去咁，架機行黎行去，
行行下又話等候指示，再行行下又話就快起飛，請準備。
點知又停左，然後唔知話咩跑道維修，要改行第二條跑道。
過橋、排隊，一排排機係度排，三個鐘之後，終於起飛了。
嗯，即係扮登機時間係無delay，但係機上面同你delay 3個鐘 ^_^。
然後就係，佢起飛個陣，有一下好似突降咁/_\
然後又好似左右左右咁，我心諗，個機師做咩好似亂黎咁架/_\
淆了。
話說，其實本身返到香港仲有野要做。。
結果本身可以坐A車，變左飛的。。
想講，呢架機係坐過咁多架以黎，最最最最最窄既位。
我諗我身形都叫做適中偏瘦掛，但都覺得頂住。。 = =
飛機餐。
本身一點起飛，四點幾到，係唔應該見到日落的…XD
同平壤去北京一樣，坐係左邊，向住西邊，都變左睇日落。。。
終於終於終於，夜晚，到左香港了。
嗚，香港，我無試過返黎返得咁辛苦架。
呢兩程機加埋仲耐過我係歐洲飛返黎。。。
落機、拎行李，大約八點幾，之後飛的去食飯。
最後我想講，都係屋企張床最最最最最最最舒服~~ XD
痴住左，郁唔到。。。
- Day 14、15 完 -
沒有留言:
發佈留言