呢一朝起身，已經十一點了，就contact問琴日個司機，決定包1日車。
不過黎左個大叔，應該係琴日個司機d fd。
之後就出發，首先去了長城第一墩。
本身一直以為係佢就係一舊睇唔明的大石頭，黎到覺得幾得意，
尤其係佢個展望台望出去，真係呢一刻先真正明白咩叫易守難攻。
首先睇下地圖，再買再嘉峪關既聯票。
佢驚你用完景區A，唔睇B、C、賣比下個用，所以要對指紋。=_=
過左入口就係東門，等區間車。
區間車來了。
得我地坐。
好快就到了。
落左山洞睇下簡介先。
以前d地下室佈局。
行出玻璃展望台。
望出去，係补連山既冰川水。
當你係嘉峪關一帶坐車，會間唔中見到d城牆，呢d越牆係由古代留傳落黎，
好似上圖咁，左邊係長城第一墩，中間係關城，最右邊一個90度角就會上懸壁長城，
呢三個點就係我地今日會去既地方。
點解叫第一墩呢，因為佢係明長城既西部起點。
佢一年比一年矮，由最初超過十幾米，到依家慢慢風化得番七米。
行落去，去曾經因為有拍過戲而建造既軍營。
有野玩，有d野食。
今日人唔算多，見佢地都無生意咁。
小羊。
橋上，過峽谷中。
條橋係咁，都幾搖下。
呢度唔係比你試膽，因為唔恐怖的，但係考下你對made in china既信心。xP
到對面了。
對面其實無咩野睇，不過可以係度回望番去長城第一墩。
以前d人就係係呢度扎營，水源就係前面呢條河。
以萬里長城包圍住，敵軍想要水源？難過登天哦。
所以呢個峽谷，可以話係一道難以跨越既人工+天然屏障。
上少少斜望番下面。
好荒蕪，當時d人點生活呢。
遠處。
返去了。
其實幾鐘意呢度既景。
繼續過橋。
到對面，入左去兵營兜左圈。
望遠d。
冰川水既水色真係好正。
返返黎第一墩。
好多人覺得嘉峪關關城先係最緊要，但
我反而覺得嘉峪關三個歷史重點黎講，
呢度既景係最正哦。
可能因為有峽谷、有河流啦。
係東門入，不過我地係北門走。
到出口了，見番個司機，就出發去下個地點。
司機表示：「岩岩返市區食左個午餐，呵呵。」
去懸壁長城，見到軍車。
諗諗下，今年去個幾次旅行都見到軍車係馬路一大排咁行，
之前兩次就係關島同埋朝鮮，今次就呢度。
佢地係長城之間個位入左去。
無錯，嘉峪關坐車真係間唔中就會見到明城牆。xD
如頭先講解，由第一墩、到關城、到懸壁長城。
 |
橙色係長城既長概形狀，大約係咁，唔係exactly係呢個位置。
最緊要係，佢一邊連住山、一邊連住水，中間就係關城。 |
到左懸壁長城，因為要上山，而且幾斜，所以係度食個午餐先。
(是日第一餐XD)
蛋炒飯。正，幾好食。
好有香港茶幾feel，講緊個價錢。。
呢個叫面皮，勁多、但好咸，OK難食，不過好飽肚。
用番呢張飛入場。
睇個地圖先。
有兩邊，去左水門先，近近地。
無乜特別，可能唔識睇。
呢度有另一條懸壁長城。
不過我地行呢條。
右邊係停車場，聽到廣東話 (應該係廣東人)講：
「哇，我都行左北京長城啦，洗乜行呢個姐，你睇d人行得幾辛苦？」
不過我就咁諗：就算行過長城，都可以當行下山，
反正睇既景都唔同，行得高都係想望得遠之嘛。
而且叫得懸壁，就斜度大d，
又可以feel少少以前d人行既時候大約係點、佢有幾斜咁。
長城兩邊，見到人工既「絲路」雕塑。
佢d級都幾大同窄，而且呢度好乾同熱，所以比起北京個條辛苦。
景觀一般，泥石居多。
望到有棧道，係到上面之後回程既路呢。
一路向上。
上去個台。
發覺仲有得上。
再上再上。
再望望落山既路。
過埋呢個門，就係懸壁長城最高點了。
望一望落山既路，其實係好矮咋，點解比起香港行，辛苦咁多架。
有好多證明書、證明金牌、情侶鎖買。
好多人直接係度留名。
望番落去。
落番個台下面。
開始棧道段。
勁多鎖。
落山了。
周圍光禿禿，無乜景睇，條長城都唔算好靚，但行個時個感覺幾得意。
繼續落山。
落到底，見番頭先望既「絲路」野。
仲有個牌。
望番上去。
明明好似好短、好易行咁。
水門。
司機：
「哇，你地係度留得太耐了，黎緊關城先係重點！得番好少時間睇咋！」
咁咁咁，要食野 + 行山，耐左…無計啦XD
因為我地同司機講，我地5點幾要去 嘉峪關南站 ，要搭高鐵，所以佢仲緊張過我地。
話說包車期間，司機間唔中會入市區接下JOB，
所以我地車上面既行李好快就搬左去後面既車尾箱。
黎到嘉峪關關城，三點幾四點了XD。
但感覺好似好大咁。
因為一開始，會首先經過個公園。
得閒既人可以租架食水勁深既貴單車係度環湖兜一個圈。
而我地無環湖，直接行去關城門口，入關了。
入到去。
你話「哇」個種感覺其實就無乜，但唔知點解個感覺好得意，
佢係一個城牆圍住個城，城入面又唔可以話係古城feel，
因為你知呢度無好多小食店、住宿之類，但呢度又有d表演、紀念品睇，
但又未去到故宮個種只有參觀既感覺。
嗯，有d RPG去到一個鎮既時候，係個鎮上面周圍行既感覺XD (成日係度RPG =_=)
一種城鎮感覺，但又唔是古城感覺，嗯，好啦，我1999了。
不過我覺得呢度個感覺係幾獨特，淡淡地既幾有趣味咁。
有好多唔同既門，關城每個門都係一層既保護。
同行買左張POSTCARD，依家好多都逼人要一SET買，
結果呢個散裝一張咁買，就要超超超超超貴。
好啦，我一拎上手，就整花左個印。
同行個樣即刻係：「 ：D ............. 」
依家先貼個地圖出黎添，個景區真係算幾大啊。
呢度可以上城牆。
左邊係貼近以前既路，主要係比馬行的。
亦都係當敵人跑上去時，就會有士兵係上面放有尖刺既滾筒，
LOOK LOOK LOOK LOOK 落去，唔比佢地上去。
係城牆望落關城內。
關城幾有感覺。
位於當年/依家都好，邊境既城，往往都會比人一種特別dd既感覺。
兵營、表演、市集仔。
望向遠處荒原。
城門。
明長城，通向第一墩既方向。
出關、進關既門。
城樓。
左邊一道門，右邊又一道門。
仲有點都要自讚下既事蹟。
當年建造關城，設計者表示要 n樣材料，
由於佢計算得好精準，最後建完，只係淨番一塊磚，
於是就放左係度了。
又有另一說係建完之後，佢放左舊石係度，
話係風水野，唔比人掂佢，所以就一直都放係度了。
當然，呢舊磚，我相信已經唔係最初個舊。
落番城牆下。
出關了。
大鄉里出城記了。
回望。
已被趕出關外。
真係幾唔錯的。
行路返去出口。
出口同頭先入口又係唔同的，司機就出到去就話佢知我地係邊個位走。
我地話係長城博物館附近，佢就叫我地行出去。
出到黎了，見到有$1巴士返市區。
呢架車只行關城線，另外兩個景區係無巴士直達哦 (更新至2017年9月)。
入市區條大直路，有人上車，係近嘉峪關火車站落，佢比司機$7.2。
好搞笑，明明包緊車，變左 泥鯭的，不過唔緊要，都幾得意 XD
開始慢慢出市區外。
經過d偏僻小路 (完全唔覺得係去高鐵站既路..)，就到左嘉峪關南站了。
敦煌黎個陣唔係坐高鐵，係坐火車，所以個陣係嘉峪關站落 (近市區)。
而高鐵站，叫嘉峪關南站，係比較遠離市區的。
今次我地都係第一次黎到。
又係呢d。
呢度近敦煌，所以都好多同敦煌有關既元素，XD。
買飛個陣，本身想買埋 蘭州西>蘭州，
本身話買第二個站始發既火車 每張要加$5手續費。
結果原來我地買個張車飛會23:15到蘭州西，所以無晒火車去蘭州XD
於是我地就決定到左蘭州西再諗點算，搵下有無公車，最多咪飛的。
候車廳。
檢票。
今次係搭到終點，蘭州西站！我地係18:42呢班。
又係要坐四粒鐘呀呀呀呀。
因為係中停站，所以架車未到，又係要準備定上車了。
入站了。
呢個站上既時候，無乜人。
兩個鐘後，到左張掖西站，就有一班旅行團上左車，坐我地附近。
再過左陣，就有個自稱「列車文化推廣員」黎左，
然後就話要充實大家既列車上體驗，
開始d旅行團SALES既口吻出晒黎XD。
佢就話，等廣播完左，再同大家講下故事。
之後就講起高鐵車票上面既QR Code千祈唔好亂咁放上網，
亦都唔好一出閘就掉，因為好多人會係你張票度拎到你好多個人資料，
然後就打電話黎詐騙 / 冒充。
之後就開始拎左三本紀念車票出黎，呢隻車票係火車/高鐵以往既站台票。
其實幾靚的，如果高鐵既車身色彩靚d，我覺得我會買的。
站台票係咩黎既呢，首先就係以前有d人，要坐長途火車離鄉別井，
d親友想送佢走，就會買張「站台票」，一齊入閘，直到佢檢票上車。
依家已經無晒、無得賣了，所以佢就SHOW d站台票比我地睇。
有「北京、拉薩」既站台票，其中有當年建造最艱難既高原隧道。
另外就係和諧號乘搭人次達1000萬時整既一套紀念站台票。
最後就係唔記得左，嗯。
其他既站台票欣賞：
幾鐘意圖鑑類既，所以影低左和諧號呢一SET。
$105rmb一套，講真，佢放得真係幾靚啊。同朝鮮d郵票POSTER集都叫做有得揮。
不過本身和諧號白色底藍色線唔是太線咁... ( ._. )""
到左夜晚十一點三，就到左蘭州西。
但我地住既地方係蘭州火車站，唔係蘭州西，所以要轉架巴士。
由高鐵站去公車站期間，要經過停車場、同埋上樓梯，
期間會勁多人問你坐唔坐佢d車，如果真係想坐班車，
可以唔理佢地 ._.。
蘭州西站 往 蘭州站，1號車，全程 $1，車程大約30mins。
仲平左 *V*
蘭州西站 往 蘭州站 係班車，尾班去到00:00都有，
所以尾班高鐵都趕到 ^ ^！
因為蘭州華聯賓館係正火車站對面，所以一落車行幾步就到了。
checkin。
之後都十二點幾，出門搵野食。
一定要食到蘭州拉麵！！
入左呢間，叫全味德。(唔係北京間全聚德，xP)
餐牌，叫左一個傳統、一個紅燒，$8 VS $26，有咩分別呢？
最後發現係，$26肉多d、大舊d，其他一樣。
所以，貴係貴係大大舊肉度啦。
睇你想食麵定想食肉黎簡要邊隻啦。
同行表示：$8可以食3碗，都平過你1碗。
嗯，黑洞胃。
呢個係我個碗 ~ 好味 ~~~
食完之後返去，嗚，我發覺我既旅程已經係尾聲了。
聽朝要好早起身...............
- Day15 完 -
