地點： 吐魯番 交河故城 、 坎兒井樂園
住宿：星晨酒店
呢日訓得好冧，所以一起身已經到左昌吉市，半個鐘多d就到烏魯木齊。
今次返到黎，再睇真d先發覺呢度真係可以接駁去好多地方，
就算係其他省都有。
臥鋪巴士駛入客運站個陣係大約九點幾，由於睇得太多風景，
所以就唔留係烏魯木齊上天山天池，於是決定直接去吐魯番。
落車之後拎番行裝，然後門口就有公交車站，
等公交車、上公交車去火車南站，
然後再塞下少少車咁，大約十點幾就到左。
烏魯木齊南係蘭新高鐵既最起點/最終點站，
雖然叫做高鐵，但因為會行沙漠/海拔較高地區，
所以佢會用動車組，即係客運時速最高去到200km/hr。
好多高鐵線，包括 蘭新高鐵 係唔會行凌晨，
當全線要行11個鐘時，佢既尾班車係超早。
當然唔一定坐全線既車，如果係自治區內既線，
由烏魯木齊南係可以行到哈密。
而到下晝，好似只係得番去吐魯番北既動車，而且得兩班左右，
仲可能因為旺季所以先特別加開的。
我今次睇班次用既APP，
都主要係用12306.cn(官方APP) / CTRIP (即係攜程)，
但唔會用黎預訂飛，因為新疆安檢需時、而且d飛都好充足。
佢個吐魯番北專用櫃台係假的，其實唔係專用，係去邊都可以去呢個櫃台買。
買完飛，再繼續去瘋狂安檢，
佢話我支防曬同乾洗係易燃噴霧，所以唔帶得。
但係之前無得洗頭、又高紫外線、最重要個幾日都用左，
所以一路同自己講唔好咁sad，雖然都好sad因為係新買。。
一支$210、一支$100左右。。
不過無辦法，因為真係唔帶得，
佢話可以出去搵托運托返香港，不過時間唔多就無咁做，
之前上到2程飛機其實已經要多謝。。
咁就入到候車廳啦。
雖然唔知邊條係主路，又唔知d巴士點行，
但見comments寫交通方便，價錢唔錯，咁就到時WALKIN。
好野，今次坐個架係敦煌之星！！
個幾鐘就到了，好快。
因為想買飛，所以要入番去，搞到要安檢多2次 -_-
一次係大門口安檢，第二次係售票處安檢 -_-。
買完飛出番黎，係平台望落去，即刻feel到佢係鳥不生蛋之地。
雖然，高鐵站成日都係母雷公咁遠，所以不能作準。
落到去，望望，呢度好似都幾有特色。
見到架巴士，連牌都無睇就當左佢係入市區。
因為個個都上，所以唔理，上吧。
連上巴士都安檢，有個跟車阿姨拎住個支棒，
又要人開行李望望。
雖然hea check，幾個拉鍊位只係叫我開一個，
但見到支野係當眼位就問咩黎，
我話係洗傷口用，佢就話唔得唔得，要掉左佢= =
明明人地飛機、高鐵都過100ml先要掉啦... 架巴士做咩...........
不過唔緊要 = = 只係有d無奈 = =
呢度既欄杆係駱駝黎。
話說，之前去左d沙漠城市，都唔覺得好沙漠。
但呢度真係超沙漠feel，佢d路邊真係有沙，
即使點整都整唔到佢好城市feel。
所以係幾特別既城市~
後來知道，通常四個月先一次既大風沙天氣比我地遇到XD
樹係大風到搖，之後d沙就會周圍飛XDDD
上到車checkcheck邊個站落最近，原來一落車就到！！
一落車就見到有個牌。
轉入去就係，半分鐘都唔洗。
有窗既，$360rmb/晚。
對比喀納斯$480rmb/晚，呢度簡直係超抵 ~____~!！！
好搞笑，呢度d房，佈局有d迷宮feel。XD
一入到房！！嗚呀！！冷氣~~~~~~~~~~
嗚呀、厚棉房、嗚呀、坐廁！！嗚呀！！
呀~~~~~~~~~~~~~~~~好感動！！！
終於返到黎，因為琴晚夜車、前日又訓廚房，今日真係要沖涼個靚涼。
加上，吐、魯、番、雖然話「入秋」涼左好多了，但仲好熱啊！！！
換番件香既衫，出門。
樓下有超市，買番支可樂先。
好爽呀！！平時係唔會飲可樂既我，
每一啖我都覺得真係超爽呀~~~~~~~~~~
打算今日去交河故城、坎兒井。
如果有時間就去埋蘇公塔、葡萄溝。
至於遠d，火焰山，因為高鐵會經。
而唔知咩吐咩咩、高昌故城個邊，性質差唔多之餘重點係唔夠時間，
所以就唔去了 : P。
就係頭先個架，仲要之後知道佢係勁耐先有一班。
於是，飛的。
上車，問一問去交河故城幾錢，佢話 $30rmb，
我地問，個度搵車易唔易架？佢話唔銳話搵唔到，但比較難。
話可以等我地，兜埋我地回程，視乎我地留幾耐黎定價。
於是就決定留一個鐘。
如果唔係大風沙，一個鐘係一定一定一定一定唔夠玩的，
但呢日真係超大風沙，所以一個鐘都其實…嗯，行快少少都差唔多。
到了，睇下地圖先。
其實由售票處到景區，遠就唔係好遠。
如果有好多時間，慢慢行都得，不過今日到左吐魯番已經係下晝，
再checkin埋、沖完涼先出黎，
黎到已經3點，另外同司機講左留1個鐘左右，所以我地可以玩既時間唔多，
就買埋區間車票。
佢有交河古村、交河故城。
古城其實就係一個彷民居既屋仔，好細，無入去。
跟住佢既指示，上區間車。
會先經過交河古村，超近。
(圖片)
之後再無耐就到交河故城了。
到了。
檢票，之後入去。
交河古城，聽講係發現時，已是最完整既古城，
雖然佢都係風化得好嚴重，不過比起睇一舊石、佢係睇好多舊石，
所以氣勢係大D既。
XD。
勁大風沙，我係戴左眼鏡、包左成塊面，
之後返到去一抹面，真係第一次抹面捷到成塊紙巾都係沙XDDDDDDDD
可以行得遠d睇，如果無咁大風真係可以慢慢行下。
不過如果唔係考開古既話，應該行到邊睇既感覺都差唔多。
另外，好佩服係咁大風沙下仲影到相既人！！！
睇下d人，包到全身真係好有沙漠feel呢。
留意d人，有帽既都會笠番帽。
落番去係紀念品攤仔。
之後上番區間。
直接出到景區外面，然後就見到我地架的士。
佢問，你地想去邊呢？
我話，嗯，坎兒井吧，之後放低我地就可以了。
佢話，好啦。
另外，司機都話：
呢個時候葡萄溝d葡萄收成晒，無咩好睇，可以唔去的。
之後係坎兒井樂園，
d人話個葡葡萄園靚過葡萄溝，有d好奇個邊係點@@
雖然係2016年，不過都算係公價表。
到左坎兒井，本身因為地圖上面有 坎兒井樂園 同埋 坎兒井民俗館，
唔知邊個先岩，司機話通常d人都係黎呢個，果個係博物館黎。
黎到就知，無錯無錯，係黎呢度！！所以無錯，係坎兒井樂園~~~
同司機講再見之後，就買飛入去玩luuu。
又去偷聽d旅行團導遊介紹，話唔記得左敲三下會有咩好左，但總之就好左。
於是佢就比人敲到凹左了。
呢度係坎兒井樂園，水既來源係真係坎兒井，呢度既水係飲用水黎架 (佢地聲稱)
利申：沒飲。。。
即榨提子汁。
葡萄塔上的葡萄。
模型，講坎兒井點整、d人點拎水之類。
(有d北韓個陣，去戰事博物館時，佢地show戰機殘骸果個位既佈局。 : P)
之後走入個館入面。
佢有講係坎兒井入面既通道，點解用木去定向。
有個幾大既模型，去講d水點由天山山脈既雪山頂，
流落地底，經過火焰山，上番淺層地面。
再講下d人點樣挖豎井，要由邊度挖起先、點樣做通道令佢地拎到地下水，
同時講收集到既地下水點樣經暗渠流到明渠，比人種野、飲用。
古時既知慧流傳至今，都仲用緊，
唔怪之得同 四川成都都江堰、廣西靈渠 並列 中國古代三大水利工程 喔。
之後，就會有條梯帶大家去展示室，落去暗渠望望佢既運作。
呢度係暗渠，亦係最接近明渠既一段，我地一路向去暗渠既出口行、同埋參觀。
頭先個邊見到既水，一直流向明渠。
佢係展示館，當然用玻璃隔住，
但真正既暗渠就係只有泥、唔大既洞狀通道、同埋水流。
係呢度通向地面，就即係到達明渠了。
之後望番過黎。
有個廣場市集，佢地下玻璃部份就係比人睇水流既方向。
五花腩石，其實幾有趣XD 幾想買d細細舊既XDDD
但唔識睇真假，所以一定買貴左，而呢度又食水深...
所以，睇下算。XD
出番去了。
出面都有，有細細舊d既。好似五花腩啊！！
成日有錯覺自己仲係四月個北韓trip入面XD，d畫風好似。
d相都好似，唯一完全唔同係我識睇呢d字，但唔識睇朝鮮語XD。
一出就係葡萄塔。
仲有晾房。
又係葡萄塔。
直接曬乾。
條路唔長。
出到黎，就整番杯即榨天然無添加無加水既提子汁先。
好濃呀，不過連皮榨有dd澀，但都好味^^~~~~~~~
$5rmb/杯，望住佢放一堆提子落去，足料、都算唔錯。
解渴XD
就係咁，岩岩好兜左一個圈。
就走了。
大約六點幾左右，慢慢行番去是但一個202巴士站再入市區。
(唔想行既真係唔好跟，行左應該有成粒鐘 -_-?? 因為行行下兜左去第二度xddd)
無野食的荒蕪美食街。
之前睇，覺得呢度無咁近市區中心d建築幾特別，同其他大陸地方唔同，好易分。
原來係有建築藍圖XD 應該係如果要起屋，一定要係幾種入面簡一種黎起XDDDDDD
熱熱熱地行行行。
每幾步一個報警點，同南疆有得揮，有時覺得仲超過左haha。
到左巴士站，
一個如果唔係頭先坐巴士時有經過 「遊客中心 站」，
而咁岩我地見到一片荒蕪之間有個「遊客中心」，
都唔知原來呢度有個站既巴士站。
佢係有個涼亭仔，有張長凳。無巴士站牌。
應該等左半個鐘？？
如果唔係有個阿姐都係度坐，又望下條馬路，
真係會懷疑其實係咪比人休息既凳，唔關巴士站事。XD
所以，唔洗好耐既車程，係落車無幾耐就天黑。
亦都決定聽日出吐魯番北站時係飛的，唔等巴士。
呢度夜晚都幾多燈光，睇唔到周圍既沙，有番城市感覺。
好好彩既係，一落站、轉個彎就係酒店，
所以放低d野之後就可以落番街搵野食~~
因為新疆既食物款式都食左唔少，諗唔到食咩好，
就去左架餃子店。
要左2款，每款20隻，當然同行係一定一定一定一定一定一定唔夠食的。
於是食完之後，再睇下仲有無野食。
就決定食個清真牛肉麵 ~~~每人一碗。
食左大約$25rmb左右。
係呢度行下，影下相，跟住唔知點解，每間店有一兩個人，
拎番佢地放係門口既棍同盾走出黎，無啦啦向住同一個地方行，
又有時定左係度企下望下咁，男女都有。真係全民皆警咁...@@。
無乜點理，返返酒店附近。
門口有幾檔串燒。
行過去望望，不過無乜岩口味既想買，所以就直接返去了。
聽朝要坐10點幾個班高鐵去柳園南~~高鐵飛已經係今朝到站時買左了！ ^ ^
- Day 12 完 -
沒有留言:
發佈留言