地點：喀納斯 → 賈登峪 →布爾津 → 烏魯木齊
住宿：夜車上
之前睇遊記，見到d人話因為太寫意，
於是佢地就禾木留三日、喀納斯留三日。
本來覺得自己對住宿都唔係好有要求，呢次之後發覺自己要求都唔算低，
我好似係靠呢度既靚景黎過呢六晚住宿XD，
唔係話好差，只係已經去到：「嗯，無涼沖都無所謂啦」呢個地步
對於可以返市區，居然有一種期待？
呢幾日，有幾件衫係絕對唔會換黎著的，因為想保留佢乾淨同香味…XD
一早起身，應該八點幾。
見到呢日既樹又黃左好多，真係一日比一日黃，靚啊。
但係今日天氣一般，多雲，已經估計係無晨霧了。
同琴日一樣，落到換乘中心。
不過琴日沿邊經個條有晨霧既河，今日就無晨霧了。
但同時估計，呢度應該好快就會落第二場雪。
(第1場係我地黎到北疆北部之前個1日。)
買左區間車，$50rmb單程去賈登峪方向。
出發了，經過神仙灣。
係超多人既月亮灣落車，
無錯，如果係坐區間既話，佢個站附近係好多人。
對比番琴日既相，想寫意既話，要識簡行去邊呢。
住係呢間屋仔既氣活會係點呢。(佢左邊就係月亮灣)
一般既天空。
座山真係同之前比，金好多呢。
坐區間，到左琴日既「青衣公園」了。
其實我覺得呢個位都好靚XD 好可惜都係天氣問題，無晨霧啦。
但樹真係比琴日更黃了，黃唔少呢。
係呢度留左唔係好耐，因為以為景區大門既班車12點開返市區，
一日得兩班，所以就唔可以過鐘。。
臥龍灣 去 賈登峪 既路係落山路黎，
沿途個景好闊、有山、有河、又有橋，好靚呀。
係呢度，唔知係因為就黎可以返市區、
定因為順利地過左呢七日、定因為呢度真係幾靚，有dd感動 :')。
架車經過，馬停低比車過，之後再要過馬路。
沿住河出景區。落車了。
去番個日班車既終點站。
雖然有ddddd唔捨得走出呢個門口，不過當然都唔會返轉頭。
因為再望個天，真係………無落雨算佢勁。
聽講如果落雪，要等鏟雪車開番條路先可以出市區，
當時就係想佢落下雪比我感受下、又同時唔想佢落雪既心情。
琴日同換乘中心個詢問處問左，佢話由賈登峪去布爾津既班車，
1日有2班，分別 北京時間12:00nn 同 4:00pm 出發，
** double confirm左3次，但後來到左 賈登峪 發現係錯架!!!！**
事實上係分別 10:00am 同 4:00pm 出發啊。
於是本身呢日諗住9:30am出發，玩到10:45am左右，
再坐1個鐘左右出到賈登峪應就差唔多有車啦，
點知一出到去，個個黑車都話架車10:00am開左，
我地唔信，去左賈登峪個遊客詢問處問，
先知係 10:00am 同 4:00pm 出發。
被fake了，唯有搵拼車，7日車，
每人$80rmb返到布爾津，係個可接受價格。
因為之前5分鐘車程 喀納斯門口 到 賈登峪，要 $40rmb/人，
所以一直唔信可以$100rmb內到布爾津，
而事實證明，頭1日我地應該係比人fake左，食水超深，
如果唔係心急，問多幾個啦。
今日多雲到呢，好彩簡左今日走。XD
如果係夏天，呢條路會係個大草原呢。
不過夏天去喀納斯，或者別有一番風味，但我都係鐘意佢秋天個種多色。
如果所有樹都係綠色既話，就無左想係喀納斯睇到既、七彩既感覺了。
呢架就係我坐既拼車。
呢度係接近五彩灘既路。
經過兩個半三個鐘既車程，係兩點幾三點左右到左布爾津客運站。
如果有睇之前烏魯木齊到達布爾津個日既遊記，
可能會記得，咦，我買20號車飛喎，但今日19號。
無錯呢，其實諗過，如果呢日無晒車飛，就用番聽晚個張，
或者改做聽日唔坐nightbus，坐day bus了。
好好彩，今日會有2班車由布爾津出發到烏魯木齊，
而且每架車都仲有10幾個位。
去左改簽處度改簽個車票，退票要10%手續費，
所以基本上，每張比大約$20rmb，就改左日子了。
如果問，有無後悔提早買車票，搞到要比多$20rmb呢？
其實就無得咁講的，因為如果真係去到20號先返，而無買車票，
到左布爾津先話無位既話，
後果係：一定要提早預訂既莫高窟(訂左22號朝早)就可以同呢次旅程講再見了。
黎到呢度，又見到好多標語。
下晝時，無乜人等車既車站。
改簽完，去行李房放行李，每件$5，之後就出去出面行下了。
本身諗過包車去五彩灘，車費$200/車，車程10幾公里，
見個天咁樣，五彩灘夕陽一定會無FEEL，所以決定係布爾津閒遊~
呢度自稱童話邊城，佢好多屋仔都唔算係中式建築，
周圍又好多樹、好多花。
記得個陣烏市坐車黎時，有個以前住係呢度既阿姐定唔記得阿姨定阿婆，
佢幾年無返過黎(好似話住呢度既人規定每幾年要返黎1次)既人話呢度變左好多，
d屋靚左好多。
呢隻好dd。
行行下就去食野啦，嗚~~~~~~你知道我有幾耐無食過正常野嗎~~~~~~~~~
肉黎講係貴的。但大大舊。
面就平d，不過無其他省個種價了。
新疆幾出名既，丸子湯。
真係好飲、好食啊，同埋佢雖然叫湯，但佢係有粉絲的，
所以係湯粉黎~~~~~~~~好~~~~~~味~~~~~~~~
又有肉、又有菜，感動！！
同一樣野黎，只係拎左d粉絲上黎，
見到有丸子、有粉絲嗎，仲有要飲佢d湯啊。
手抓羊肉，好味好味好味好味好味好味好味好味好味好味好味，嗚。
好多啊，好飽，食完真係超飽。
因為之前個7日都無食過正常野，所以我諗我個胃唔係好識消化了，
食完等左好耐，好飽既感覺先開始散，變番正常。
但真係好味啊 ~_~。
講起，北疆食羊，直接比刀我地切，無任何野連住佢。
如果係南疆，把刀無鐵鏈連住，都要覺得神奇了。
就係呢間了。
望到個天咁樣，我地明白到如果去左五彩灘一定心諗「。。。」
周圍仲有好多野食。
路邊鮮花。
公交車站係LED燈，係咪保證係UPDATE既意思呢 ~
終於見到TAXI~不過呢個鎮真係好細，所以唔需要用到佢。
真係好多花，而且唔是爛的，呢度又乾淨，真係好唔錯架。
由喀納斯到呢度，雖然一直都係好多雲，但布爾津舊雲都算係大舊了。
黑到相機唔知點DETECT d 光咁款。。定係我較錯野。。。
嗯，後者機會大好多。
有工人高空工作，望落幾危險的樣子。
路牌有Disney美國小鎮大街feel。
行行下行左去河邊。唔好天，真係望乜都唔係好靚。
暗暗地。
望到有個中俄老碼頭風情街，於是走去睇睇。
就係呢度了。
就係呢度啦。
好多花。
有個地方叫做「金山」，入面係書店同Cafe，幾舒服既地方呢！
個店名係個LOGO，話說呢間可能都係一間酒店黎，
因為見佢外面睇時，有一間間房咁。
睇下n年前既新疆絲路係點，同時望望吐魯番有咩玩。
如果去既話就可以有d頭緒。
係度其實都留左應該有半鐘粒？之後出番出面。
頭先個「金山」，就係呢個後面既紅色建築了。
到左夜市，人多時可能要安檢，但依家無乜人所以無理我地。
個天變左咁，呢度天氣變化真大。
開始有藍天了。
見到美食街，於是過去睇睇。
又係要安檢。
好耐無見過魚了，呢度既係河鮮。
其實幾香，唔係因為飽緊都想試。
呢個係「饢」，即係「引烏英個d餅」。
仲有酸奶，你要唔要番杯呢？
話說南疆，d街邊飲品真係唔敢飲。
有隻係大盤，盤入面有d奶白透透地既液體，同埋有d大大舊冰/碎冰，
跟住你要就用個杯係個大盤「不」起比你。
另外仲有隻係啡色，係水喉度流出黎，源源不絕，
可能係佢個盤有循環流動系統。
你要就係個水喉度裝d比你。
所以，以上2種飲品，個陣都是無試的。
呢度有榴槤！
返布爾津車站時，見到有d人係度篤波。
好搞笑，成班係呢度篤。
返到黎已經7點半，天當然未黑，
南疆喀什就9點日落，呢度北疆喀納斯/布爾津大約8點日落。
開始檢票了，因為有兩架車，所以要問問自己係邊架啊。
我地首先拎番d行裝，再去檢票。
上車，同樣，比個袋你裝對鞋。
之後就搵位，坐底，睇風景。
發覺架車郁緊時，會訓得舒服d…XD
呢一晚好特別，未開始眼訓既時候，我係度睇緊「聽日應該去邊玩呢？」
因為比預計提早左一日離開北疆北部，於是就有多一日玩，
有諗過加「烏魯木齊 天山天池」、「吐魯番 半日遊」或者「敦煌 西線」，
亦諗過不如將「敦煌」改前一日，
咁就可以後面插一日去「張掖 七彩丹霞 」或者「西寧 青海湖/茶卡鹽湖」？
諗諗下，都係一切等聽朝落車時間再決定吧。
- DAY11 完 -
沒有留言:
發佈留言