地點：北疆 阿勒泰地區 —— (騎馬) 小黑湖 往 喀納斯
住宿：喀納斯圖瓦新村 某不知名山莊
今日大家都比預期遲好多起身，但其實唔代表訓得好好。
當一個人起身執野既時候，其他人都陸陸續續咁醒。
起身，用支洗髮噴霧噴噴個頭，
又再噴下防曬，之後就咬下香口膠。
由8月開始玩南疆到北疆果個女仔話「你們冷嗎？」
大家都蓋左2張床鋪，2張面被，而且著住羽祴黎訓，
所以都還算幾好，不過岩岩訓醒，自身感覺都會偏向少少凍。
朝早，佢地問我地食唔食早餐，
係羊奶同埋公仔麵，我地話唔了。
坐多陣暖暖個身，就出去睇下風景，
雖然太陽都出左黎，但都仲有d涼，
琴日一到小黑湖即刻走左入去毯房，
今日總算可以慢慢咁睇真d個湖。
佢同想像中一樣，唔算好大，
可能係事實上佢都係大，但因為佢遠，所以就望落細掛。
終於換了SD卡，只不過……今次，相機唔記得差電。
琴日我走入毯房訓教時，痴住我訓個隻貓。
我訓個間房。
大通鋪。
開左窗。
騎馬走了，就如所見，毯房是一大片荒原中的一點白。
馬伕今晚要返禾木，聽日再帶另一班人，今日既佢顯得心急。
另外就係，佢今日依然係行，話仲搵唔到馬。
同埋，馬伕係咁話行馬道。。。你講！前面邊有馬道！！
跟住住指住山上面既人，話：「你睇，呢度咪馬道，睇唔睇到」
我忍唔住講：「山上面條路梗係睇到啦，但前面邊有路呀。」
結果，行到中途先見到條馬道。
佢：「睇唔睇到呀？呢條就是馬道啦~~」
我心諗：「係右邊通向左邊既，我地插入去係直角黎，哥哥你行緊捷徑喎」
明明前面d路係咁樣，邊有馬道。。
周不時會見到一大群牛羊。
海拔較高，睇的樹都黃d。
有雪山陪住。
仲有河流。
有次過河，無石仔比人行，於是馬伕就用我隻馬過河。
好彩條河短，如果唔係我應該失足。XD
一大片綠綠黃黃既樹。
好多樹林 陪住你走。
d葉甩得7788的樹。
記得聽到廣東話，問佢係邊度，原來係江門既。
有時一大片金黃、有時就黃綠夾雜咁，幾寫意。
馬伕問我地搵到住宿未，我地話未。
佢就話可以同佢朋友聯絡，就叫我地過去。
本身話一晚標間580rmb，我地話諗諗先，過多陣就話480rmb。
雖然其實都係好貴，
但一黎聽過話依家景區內好多都唔受港澳台外賓，
靚個d、過三星就成千幾。。
二黎就係都費時周圍搵了，所以就OK了。
黎到呢度只係兩三點，其實仲要落左山(30-60mins)先到喀納斯，
但馬伕就叫我地係呢度落馬，
要自己帶埋d行裝行落山，而佢朋友就會係山下接我地。
望住遠遠既新圖瓦村，而明明條路線目的地係景區，
於是同佢講左一輪之後，佢就放番我地行裝上馬，我地就行落去。
行緊落山。
前面係圖瓦新村，即係我地黎緊住既地方。
喀納斯湖，又可以見番呢隻色既水啦。。。
而道門係無關既。
有呢d路，代表離終點不遠矣。
一落到山，就有個女人黎接我地，跟住坐佢既電單車到左換乘中心。
經過郵局，買左堆1 set POSTCARD + 郵票。
再上區間車(往圖瓦新村係免費的)，係第二個站落(圖瓦新村有幾個上落客站)，
之後就再會遇到另外一個男人，接我地入去住既地方。
話說，呢度d標準間，個廁所係踎廁，雖然都算係乾淨掛，
沖涼設備都OK，不過$480rmb真係唔抵既，但無辦法啦，
想住景區入面，唯有係要咁樣的了，XD。
因為諗住馬伕已經講好左價錢同日數，
而且感覺又語言不通 (佢地笑住做d「請、慢慢」既動作，但又無講野)，
所以我地就無同佢地講d乜，亦無DOUBLE CONFIRM，
於是第二晚就出事了，XD，遲d講。
呢日有好多時間，但唔知點解好唔想郁，
而且諗住聽日有全日、大把時間，所以都無乜點出去，
就算有都係圖瓦新村，住宿對出既草地行下。
今晚終於有時間，寫POSTCARD啦。
- DAY9 完 -
沒有留言:
發佈留言