地點：烏魯木齊
住宿：夜車上
呢日就離開喀什了，飛的$30/車就到機場，
當日機場入市區係$20/人，仲要夾左個人一齊拼車。。。
基本上9成機都係去烏魯木齊。
呢度安檢要除鞋，由頭CHECK到落腳。
有夾夾機。
有睇唔明既牌，亦都會諗，應該就黎會少好多維文。
呢度賣既「特產」。
第一眼睇以為雞子。。
個候機室細過高鐵站。
可以上機了。
新聞講緊之前地震受影響既九寨溝，就黎可以重開。
上機睇雜誌，講香港既中秋節。
同時都睇到上海、寧波個d中秋節會點做節。
離開了，心諗：時間過得真快。
繼續睇雜誌，今次講大嶼山。
呢一次同上次唔同，唔係坐窗口位，不過坐窗口果個好鐘意影相，
又見我地對窗外既景好有興趣，就幫我地影左幾張，
我地自己又影左幾張咁。
穿過好清既沙漠、天山山脈，黎到天山以北，就見到一片雲海、空中之山既感覺。
亦都同時話比我地知，今日烏魯木齊無藍天。
不過我就無乜所謂，因為今日烏市既行程唔係室外。
之後，我地問隔離，落機之後要點樣去碾子溝，佢就講左架車比我地，
話一陣落機就會見到市區專線，$15/人就可以入市區。
落機了，就搵到佢講果個$15市區專線，由機場(發車至航班結束)開到火車南站。
而我地會係 中途站——碾子溝 落車。
呢度同喀什既大分別係，已經無乜維文了。
感覺自己又去番中國既城市。
慢慢咁，半個鐘(？)左右就到左碾子溝，轉個角再行多幾步就到左碾子溝長途客運站。
今晚就要坐車，之前上網睇話通常朝早就賣晒飛，
因為怕即日會買唔到飛，
所以出發前幾日上：新疆道路客運聯網售票 http://www.xjglkpw.cn/ ，
用wechat支付訂左呢晚既車飛，$185/人，
車程12個鐘，包括其中2個鐘司機會訓教，30-60mins司機食飯。
呢日到左客運站，
係個部自助機打 預訂時既電話NO.同埋訂單號就OK。
佢網上預訂個select box無得簡港澳既證，得二代身份證，
APP/手機版會CHECK你個NO.岩唔岩，
即係頭4個係省、中間係出生日期、最後5個亂中有序既NO.合成既身份證。
而DESKTOP版就無VALIDATE咁仔細，只係打夠13定唔記得14個數字就得。
因為回鄉證唔夠咁多個位，就後面+000000黎填夠數，亦都成功買到。
同時因為係車飛係一張紙，證件號碼個位上面都係顯示數字、無話係用乜證，
而就算你係即時係櫃台買，佢有港澳證簡，
個職員都唔會打埋個英文字落去，佢都係齋打數字，都無乜大分別。
回程個陣去櫃台買飛，個站台職員都無簡我性別，
當我係男就照咁出飛，因為個票唔會寫，
檢票、上車司機都係對名、對號碼就完。
不過呢日黎到，仲有飛賣，所以應該未到10.1，無咁多人。
而其實除左公車，仲可以坐火車到北屯，之後再轉4.5hr車到賈登峪，
就唔洗去布爾津。
不過點解我會簡布爾津，係因為，
1. 比北屯更近賈登峪 (3hr車程 vs 4.5hr車程)
2. 網上睇火車站(非 南站)勁多人，唔知預幾多時間排隊
3. 火車站(非 南站)無咁近市區，放低d野再出黎又再返去既時間會多左
4. 布爾津近五彩灘，天氣好可以兜過去都好快到
而個日再知，到左布爾津，有直接既直駁車帶你去賈登峪/禾木景區入口，
一落車，係同一個停車場就會見到。
係度寄存行李之後去玩。
我地票係寫檢票口5，而其實呢度得1-4，問職員之後，佢話，其實邊度出都一樣。
呢個鐘數開始出去，網上寫預早一個鐘，所以打算大約6點幾7點返黎，
結果證實其實你7點半、7點9到都得，總之架車開之前你上到車就可以。
佢仲有好多地方可以去，去富蘊、可可托海、獨山子、伊犁、南疆，甚至敦煌都有車，
所以自助遊唔包車都可以有好多方法到唔同既景區。
一身輕之後，當然就去玩了。
本來打算除左去新疆博物館之外，仲有要去國際大巴紮，
但去完喀什大巴紮之後，到烏市就唔去了，於是就決定只去新疆博物館。
坐912就可以到，一開始為左唔好走車，見車就上，
點知原來係反方向...之後落車，
過對面就即刻見到架岩方向既車，諗住成日都見，慢慢行，之後就有排等了。
等左一段時間終於有車，搖搖下三點幾鐘意到左新疆博物館。
新疆博物館最出名既係位於二樓既乾屍展館，而入面一定要睇既就係樓蘭既古屍。
不過黎到當然唔會一黎就睇重點，所以就係一樓行下先。
新疆博物館講既係新疆維吾爾族自治區既各個小數民族，
哈薩克族係北疆北部、仲有得番好少既烏茲別克族、維吾爾族，等等，
多到記唔晒數唔晒，散落係新疆各個區域。
個館好多模型，而且都做得幾精細。
有埋人類各種猜測中既進化史。
模擬古代人係新疆既生活。
發掘到既文物。
其實都幾多野睇，雖然只有兩層、而且唔大，但資訊量係超大，
好難一時之間消化晒，令到個人好易好眼訓。
之後就到乾屍展，佢一開始會介紹各種既風乾方法，
例如埃及係要拎晒所有內臟再製成木乃伊，仲有講各個國陸既入土方法。
而點解新疆既古屍會咁令人震撼，係因為當考古學家發現既時候，
佢既屍體係完整的，即係內臟都係咁乾燥既地方風乾左，
無出現腐爛既情況。
縮左圖先。
其實佢有好多具，除左樓蘭女人、呢位軍人之外，
仲有巫師打扮既、仲有嬰兒，等等，但無乜影。
有旅行團經過，聽佢地講解，話本身發現時係全身好白的，
但放係博物館，比閃光燈之類長期咁影之後，就越黎越黑了。
類似就係咁，行完呢個展館，就去到一個講文物修復既展館。
下圖係發現時既狀態，圖上面就係修復左之後既面貌。
扮工中，好似係。
關於大型畫既修復。
最後想去一個仔細講民族服飾既展館，
可惜佢可能整理緊，所以無開。
時間都差唔多，就諗住離開，去食個下午茶或者叫做晚餐。
見到d人向博物館右邊望，於是望過去，火災。
唔知點解諗起天津個次大爆炸。
個看更好似開始打電話報警，唔知之後點，
因為呢個時候準備過對面食野了。
對面係食街，行到尾再行返返黎，入左一個細商場(一層兩三間鋪)食野。
好香口，不過辣椒粒成日卡係喉嚨，食得快就會落氣管，起勢咁咳。
呢隻叫新疆米粉，粗過米線，2碗埋單$41rmb。
食完就坐車返碾子溝長途客運站了。
好多車都係呢個時間出發，所以車站比起下晝多左唔少人。
檢票，然後到停車場。
上車。
睇番車入面既情況，的確，同火車比，
就算硬臥都大張過呢度好多，價錢又差唔多，
所以唔少人都會簡坐火車的。
不過對於我黎講，之前緬甸個隻nightbus都訓到，
所以呢個有得訓既，無乜難度。
亦都好好彩，呢班車，同回程個班車既人都無乜味，訓教都好靜。
開始入黑。
司機食飯。
經過收費站/安檢。
之後架車係克拉瑪依個邊停左兩個鐘，由凌晨三點停到五點，
司機4:45am醒左之後，就5點開車繼續行。
到左8點幾，就到布爾津時要安檢，
因為岩岩醒無耐，太陽又未出就 落車安檢，所以個feel係凍凍凍。
天開始光。
個雲勁正，係接近目的地既時候sharp cut無晒d雲。
見到堆花，就知道已經到左自稱童話邊城既布爾津市了。
班車慢慢駛入布爾津客運站，亦代表我地既北疆北部之旅正式開始。
- Day5 完 -
沒有留言:
發佈留言